Apocalipsis 12:9 - DIOSPA QHELQACHISQ

⁹ Ajinata chay jatun sierpe jawaman wijch'usqa karqa. Chay sierpeqa unay ñawpa katari, pichus Kuraj Supay, Satanastaj sutichasqa kashan, chay. Payqa llullakuspa, kay pachapi tukuy runata loq'eyan. Chantá sierpeta, angelninkunatawan ima kay pachaman wijch'umorqanku.

Qheshwa Biblia DC

⁹ Jawamantaj chay jatun sierpeta wijch'orqanku, chay unay ñaupa katarita, pichus sutichasqa Supay, Satanastaj. Payqa llullakuspa mundontinta pantachin. Payta angelesnintawan jallp'aman wijch'umorqanku.

DIOSPA QHELQACHISQAN DEUTEROCANONICAL

⁹ Ajinata chay jatun sierpe jawaman wijch'usqa karqa. Chay sierpeqa unay ñawpa katari, pichus Kuraj Supay, Satanastaj sutichasqa kashan, chay. Payqa llullakuspa, kay pachapi tukuy runata loq'eyan. Chantá sierpeta, angelninkunatawan ima kay pachaman wijch'umorqanku.

Quechua South Bolivia: Dios Parlapawanchej

⁹ Ajinapi chay jatun dragonka wijch'umuska carka. Payka chay juchallichej ñaupa catari, diablo, Satanás sutiyoj. Paypis tucuy cay pacha runasta pantachejka cay pachaman wijch'uycamuska carka. Paywan cusca sajra angelesninpis wijch'umuskasllataj carkancu, millay supaycuna caskancuraycu.

Apocalipsis 12:9 ပူးပေါင်းရင်းမြစ်များ

Génesis 3:1

Katareqa Tata Dios tukuy imaymana k'ita animalkunata ruwasqanmanta may jina yuyaysapa karqa. Chantá uj kuti payqa warmita taporqa: Huertapi kaj tukuy sach'aj poqoyninta ama mikhunkichejchu, nispachu Dios nisorqachej? nispa.

Génesis 3:13

Chantá Tata Diosqa warmita taporqa: Imatataj ruwarqankiri? nispa. Paytaj kuticherqa: Katari q'otiyawarqa, chayrayku mikhorqani, nispa.

1 Crónicas 21:1

Ch'ataykoj angelqa israelitakunaj contrankupi oqharikuspa, Davidta enqhaykorqa, israelitakunata yupachinanpaj.

2 Crónicas 18:21

Chay espiritutaj nerqa: Noqaqa rispa, kuraj kamachejpa tukuynin sut'inchajninkunata llullata parlachisaj, nispa. Tata Diostaj nerqa: Rispa, Ajabta q'otiyamuy. Chayta ruwaspa, maqanakuman rinanpaj yuyaychayta atinki, nispa.

Salmos 109:6

Payta juzgananpaj millay ruwaj runata churay, paypa paña ladonpitaj payta ch'ataykoj sayachun.

Isaías 14:12

Sut'iyay ch'aska, kay jinatachu janaj pachamanta urmamunki? Qanqa tukuy suyuta atipaj karqanki, kunantajrí kay pachaman wijch'usqa rikhurinki.

Isaías 27:1

Chay p'unchaypi Tata Diosqa jatun, manchay atiyniyoj espadanwan Leviatán sierpeta jasut'enqa, may jinata suchoj, ch'uwirakoj Leviatán sierpeta, mayqenchus mama qochapi tiyakun, chayta.

Isaías 65:25

Atojwan, ovejawanqa khuska mikhonqanku. Leonqa waka jina ichhuta mikhonqa. Kataritaj ñut'u jallp'ata mikhonqa. Chay ajllakusqay orqopeqa manaña pipis aylluyta llakichenqachu, manañataj pipis paykunata ñak'arichenqankuchu, nispa. Ajinata Tata Dios nin.

Ezequiel 28:16

Chaywanpis qhatuykipi allin risusqanrayku, kallpaman atinikuspa, millayta ruwaspataj juchallerqanki. Chayrayku qhawaj querubín, noqaqa qanta ajllakusqay orqomanta wijch'orqayki, qoyllurkuna chawpimantataj qharqorqayki.

San Mateo 13:39

Jinataj cizañata t'akaj awqaqa Kuraj Supaywan ninakun. Poqoyta oqharinataj kay pachaj tukukuyninwan ninakun, ruthojkunataj angelkuna kanku.

San Mateo 24:24

Ajinamanta llullakuspa: Cristo kani, nispa nejkuna rikhurimonqanku, mana cheqanta sunt'inchajkuna ima. Paykunataj runaj mana jayk'aj rikusqan t'ukunakunata ruwaspa, runakunata pantachenqanku. Atispaqa, Diospa ajllakusqankunatapis pantachinkuman.

San Mateo 25:41

Chantá Kuraj Kamachejqa lloq'enpi kajkunatañataj nenqa: Qankunaqa millayta ruwaj kankichej. Chayrayku kaymanta wiñaypaj nina lawrayman riychej, mayqenchus wakichisqa kashan Kuraj Supaypaj, chantá angelninkunapaj ima, chayman.

San Mateo 4:1

Chaymanta Santo Espiritoqa Jesusta ch'innejman pusarqa, chaypi Kuraj Supay atispaqa Jesusta juchallichinanpaj.

San Mateo 4:10

Jesustajrí kuticherqa: Riy kaymanta, Supay Satanás, imaraykuchus Diospa Qhelqachisqanpi nin: Tukuyta Kamachej Diosniykita yupaychanki, paypa munaynillantataj ruwanki, nispa.

San Mateo 4:5

Chaymanta, Kuraj Supayqa Diospaj t'aqasqa Jerusalén llajtamanñataj Jesusta pusarqa, Templo patapi sayaykuchispataj, nerqa:

San Mateo 4:8

Chantá Kuraj Supayqa jatun orqo patamanñataj Jesusta pusaspa, uj ñawi ch'irmiypi kay pachapi tukuy suyukunata, qhapaj kapuyninkutawan ima rikucherqa.

San Lucas 10:18

Jesustajrí nerqa: Noqaqa Kuraj Supay Satanasta lliuj lliujta jina janaj pachamanta urmamojta rikorqani.

San Lucas 13:16

Kay warmirí Abrahampa mirayninmanta kajtinpis, Supay Satanás chunka pusajniyoj watataña kay onqoywan payta watasqa. Jina kajtenqa, manachu payta phaskaranay karqa samarina p'unchay kashajtinpis? nispa.

San Lucas 22:3

Chantá Supay Satanasqa Judas Iscarioteman yaykorqa, pichus Jesuspa chunka iskayniyoj kuraj kachankunamanta ujnin karqa, chayman.

San Lucas 22:31

Jesús nillarqataj: Ay, Simón, Supay Satanasqa munan qankunata trigota jina trillaspa wayrachiyta.

San Lucas 8:12

Wakin runakuna ninakunku ñan patapi t'akasqa mujuman. Paykuna Diospa simi nisqanta uyarinku. Chaywanpis Kuraj Supay jamuspa, sonqonkumanta Diospa simi nisqanta qhechurparin ama Diospi atinikunankupaj, nitaj qhespichisqa kanankupaj.

San Juan 12:31

Kunan kay pachapi tukuy runata Dios juzganan p'unchay chayamun. Kay pachapi kamachej Kuraj Supaytaj kay pachamanta wijch'usqa kanqa.

San Juan 14:30

Manaña qankunawan anchata parlasajchu, imaraykuchus kay pachata kamachej jamushanña. Chaywanpis payqa atipanawanpaj mana atiyniyojchu.

San Juan 16:11

Jinallatataj Santo Espiritoqa runata reparachenqa Diosqa pichus kay pachapi kamachejta ñapis juchachasqantaña.

San Juan 8:44

Qankunaj tataykichejqa Kuraj Supaymin, qankunataj paypa munasqallanta ruwayta munankichej. Payqa qallariymantapacha runa wañuchipuni, cheqa kajtataj mana uyariyta munanchu. Cheqa kajqa manallataj sonqonpi kanchu. Llullakuspaqa, llulla kasqanman jinapuni parlan, imaraykuchus payqa llulla, llullakuyta rikhurichejtaj.

Hechos 26:18

Noqa qanta kachasqayki mana judío kajkunaj ñawinkuta kicharinaykipaj, laqhamanta sut'iman llojsimunankupaj, ajinamanta noqapi atinikusqankurayku Dios juchankuta pampachanqa. Jinallataj paykunapis Diospaj t'aqasqa kajkunawan khuska chayaqeta jap'illanqankutaj, nispa.

Hechos 5:3

Jinapi Pedro payta nerqa: Ananías, imaraykutaj Supay Satanasta sonqoykipi kasunki? Qanqa Santo Espirituta q'otiyayta munaspa vendesqayki qolqemanta wakinta pakaykorqanki.

Romanos 16:18

Chay jina runakuna mana Tukuyta Kamachej Jesucristoj munasqantachu ruwanku, manachayqa wijsallankumanta qhawanku. Jinataj k'achata parlaspa, misk'i simiwan manaraj allin yachajkunata q'otiyanku.

Romanos 16:20

Mana unaymantachu sonqo tiyaykuyta qoj Diosqa Supay Satanasta chakiykichej uraman churanqa. Tukuyta Kamachej Jesucristonchej qhasilla k'acha yanapaynin qankunawan kachun.

2 Corintios 11:14

Chaywanpis chaymanta mana t'ukusunmanchu, imaraykuchus Supay Satanaspis k'ancharishaj ángel rijch'akojman tukuriyta yachan.

2 Corintios 11:3

Jinapis kharkani qankunaqa Cristomanta ch'uwa sonqo kaywan yuyasqaykichejmanta pantachisqa kanaykichejta, imaynatachus kataripis Evata q'otiyarqa, ajinata.

2 Corintios 12:7

Manallataj jatunchakusajchu chay jatuchaj t'ukuna imakunata rikusqaymanta. Chayrayku ama may kasqayta yuyakunaypaj, ukhuypi uj ayjonwan jina t'ojsisqa karqani. Chayqa Satanaspa kachasqan karqa ñak'arichinawanpaj, ama jatunchakunaypaj.

2 Corintios 2:11

Ajinata ruwani Kuraj Supay ama atipanawanchejpaj, imaraykuchus yachanchejña paypa sonqonpi mana allin kajta ruwayta munanallapuni kasqanta.

2 Corintios 4:4

Kay pachapi kamachej diosninku Satanasqa Jesuspi mana atinikojkunaj yuyayninkuta laqhayachin, Jesusmanta sumaj willaypa k'anchayninta mana rikunankupaj. Chay sumaj willayqa Cristoj jatun kayninmanta willawanchej. Cristotaj Diospa jatun kayninpa lliphipiyninta rejsichiwanchej.

Efesios 4:14

Ajina kajtin, manaña wawa jinachu kasunchej, waj jinata yachachejkunawan wayrawan jina kayman jaqayman apaykachachikuspa. Mana jasallata apachikusunchejchu, pikunachus q'otiyanankupaj llullakushasqankuta misk'i simiwan sumajta pakanku, chaykunawan.

2 Tesalonicenses 2:3

Ni imarayku piwanpis q'otiyachikuychejchu. Manaraj chay p'unchay chayamushajtin, ñawpajta runakunaqa Diospa contranpi sinch'ita oqharikonqanku. Jinallataj millay kajta ruwaj runa rikhurimonqa, pichus wiñay chinkayman rinanpaj churasqa kashan, chay.

1 Timoteo 2:14

Manataj Adanchu Supaynejta q'otiyasqa karqa, manachayqa warmi q'otiyachikuspa, juchallerqa.

2 Timoteo 3:13

Chaywanpis millayta ruwaj runakuna, q'otiyajkuna ima astawan astawan mana allinman tukonqanku. Wajkunata q'otiyanqanku chaypis, paykunapis q'otiyasqallataj kanqanku.

Hebreos 2:14

Chay wawakunaqa aychayoj, yawarniyojtaj kanku. Ajinallataj Cristopis paykuna jina kananpaj aychallikorqa, cruzpi wañuspa Kuraj Supayta atipananpaj, pichus runakunata wañuchinanpaj atiyniyoj karqa, chayta.

1 Pedro 5:8

Jinallataj allin yuyayniyoj jina, allinta qhawakuspa puriychej, imaraykuchus awqaykichej Kuraj Supayqa phiña león jina qhaparirispa, muyuykachashasunkichej, mayqellantapis oqoykunanpaj.

1 Juan 5:19

Yachallanchejtaj noqanchej Diospata kasqanchejta, kay pachapi tukuy millayta ruwaspa purejkunatajrí Kuraj Supaypa makinpi kasqankuta.

Judas 1:9

Chaywanpis arcángel Miguelqa Moisespa ayanrayku Kuraj Supaywan churanakushaspa, mana munarqachu Kuraj Supayta maldicispa juchachayta. Manachayqa pay kayllata nerqa: Tukuyta Kamachej Diosmin k'amisuchun, nispa.

Apocalipsis 12:12

Chayrayku janajkuna, kusikuychej, chaypi tiyakojkunapis. Chaywanpis kay pachapi, chantá mama qochapi tiyakojkuna ima manchay jatun llakiyta rikonqanku, imaraykuchus Kuraj Supay paykunaman may phiñasqa urayk'amun. Paytaj yachan paypaj pisi p'unchayllaña kashasqanta, nispa.

Apocalipsis 12:3

Jinallataj janaj pachapi runaj mana jayk'aj rikusqan waj t'ukuna rikhurillarqataj: Uj jatun puka sierpe rikhurerqa. Chay sierpeqa qanchis umayoj, chunka wajrayoj karqa, sapa umanpitaj pilluyoj.

Apocalipsis 12:7

Chaymanta qhepanejman jatun maqanaku janaj pachapi karqa: Arcángel Miguel, angelninkunawan ima sierpej contranta maqanakorqanku. Sierpepis angelninkunawan Miguelpa contranta maqanakullarqankutaj.

Apocalipsis 12:8

Chaywanpis Miguelta mana atipayta aterqankuchu. Chayrayku sierpewan, angelninkunawan ima janaj pachamanta wijch'umusqa karqanku.

Apocalipsis 13:14

Jinallataj jallp'amanta rikhurimoj sierpeqa ñawpa kaj sierpe atiyta qosqanwan t'ukuna imakunata ruwarqa, chaykunawantaj kay pachapi tukuy runata q'otiyarqa. Chantá jallp'amanta rikhurimoj sierpe kamachillarqataj, chay ñawpaj kaj sierpej lantinta ruwanankuta, mayqenpa ujnin umanchus k'irisqa kashajtin thañiporqa, chaypata.

Apocalipsis 16:14

Chay supaykuna runaj mana jayk'aj rikusqan t'ukunata ruwaspa, tukuy kay pachapi kuraj kamachejkunaman rinku. Jinaspataj, runakunata tantanku Tukuy Atiyniyoj Diospa contranpi maqanakunankupaj. Chay kanqa, maypachachus Dios tukuy runata juzganqa, chay p'unchayta.

Apocalipsis 18:2

Paytaj jatunmanta qhaparerqa: Urmanña, Babilonia jatun llajta urmanña. Chay llajtaqa supaykunaj wasinman tukun, tukuy millay espiritukunaj pakakunanman, chantá tukuy imaymana millay ch'ichipaj qhawasqa phawajkunaj thapanman ima.

Apocalipsis 18:23

Manallataj qanpi lamparaj k'anchasqan rikukonqachu, nillataj casarakojkunaj kusikusqankupis uyarikonqañachu, imaraykuchus qhatojniykikunaqa ancha atiyniyoj karqanku, qantaj layqeriyoykiwan tukuy runata q'otiyaspa pantacherqanki.

Apocalipsis 19:20

Chantá sierpeqa jap'ichisqa karqa, jinallataj llullakuspa sut'inchajpis. Chay sut'inchajqa sierpej sutinpi runa mana jayk'aj rikusqan t'ukunata ruwaspa, sierpej marcanta apajkunata q'otiyasqa, lantinta yupaychanankupaj. Jinataj sierpewan, llulla sut'inchajninwan ima azufrewan lawrashaj nina qochaman kawsashaj wijch'uykusqa karqanku.

Apocalipsis 2:13

Noqa maypichus tiyakusqaykita yachani. Qanqa, maypichus Kuraj Supaypa kamachinan tiyana kashan, chaypi tiyakunki. Chaywanpis mana wasanchawarqankichu, nitaj noqapi atinikusqaykipi llawch'iyarqankichu. Pérgamo llajtapi willajniy Antipasta wañucherqanku, pichus tukuy sonqo noqata kasuwaspallapuni kawsarqa, chayta. Qanrí payta wañuchishajtinkupis, manapuni noqata wasanchawarqankichu.

Apocalipsis 2:24

Chaywanpis Tiatira llajtapi iglesiamanta wakinman kayta niykichej: Qankunaqa Jezabelpa yachachisqanta mana jap'ikorqankichejchu. Manallataj jap'ikunkichejchu ukhu yachachiykuna nisqata, mayqenchus Kuraj Supaypa yachachisqan kashan, chayta. Chayrayku manaña waj imakunatawan ruwanaykichejta mañasqaykichejchu.

Apocalipsis 2:9

Noqa ñak'arichisqa kasqaykita rikuni, wajcha kasqaykitapis. Chaywanpis qhapaj kanki. Yachallanitaj judío kasqankuta nejkuna qanpaj sajrata rimasqankuta. Paykuna mana Diospa ayllunmantachu kanku, aswanpis Kuraj Supaypa t'aqanmanta.

Apocalipsis 20:10

Jinapi paykunata q'otiyaj, chay Kuraj Supayqa azufrewan lawrashaj nina qochaman wijch'uykusqa karqa, maypichus chay ñawpaj kaj sierpe, chantá llulla sut'inchaj ima kasharqanku, chayman. Chaypitaj paykuna tuta p'unchay, wiñaypa wiñayninkama ñak'arenqanku.

Apocalipsis 20:8

Paytaj tukuy suyupi tiyakojkunata q'otiyaj llojsenqa, kay pachaj tawantin k'uchupi kashanku, chaykunata. Chay suyukuna Gog, chantá Magog ima sutichasqa kanku. Chaykunapi tiyakojkunatataj maqanakupaj tantanqa, paykunataj yupay mana atina kanqanku, mama qocha kantupi t'iyu jinapuni.

Apocalipsis 3:9

Noqaqa Kuraj Supaypa t'aqanmanta kajkunata, pikunachus judío kasqankuta ninku, manataj judiochu kanku, chaykunata ruwasaj ñawpaqeykiman jamuspa qonqorikunankuta. Ajinamanta paykuna yachanqanku noqa qanta mayta munakususqayta.

Apocalipsis 9:1

Phishqa kaj angelñataj trompetanta waqachejtin, noqa janajmanta kay pachaman uj ch'askata urmamojta rikorqani. Chay ch'askamantaj ukhu pachaj llaventa qorqanku.

Apocalipsis 9:20

Chaywanpis, pikunachus chay manchay ñak'ariykunawan mana wañorqankuchu, chaykuna millayta ruwasqankumanta Diosman mana kutirikorqankuchu. Manachayqa paykuna supaykunata yupaychallarqankupuni, jinallataj qorimanta, qolqe metalmanta, broncemanta, rumimanta, k'ullumanta ruwasqa lantikunata ima. Chay lantikuna mana qhawayta atinkuchu, nitaj uyariyta, nillataj puriytapis.