Apocalipsis 12:4 - DIOSPA QHELQACHISQ

⁴ Chupanqa janajpi ch'askakuna kinsaman t'aqasqamanta ujnin kaj t'aqata qharastaspa, kay pachaman wijch'uykamorqa. Chantá sierpeqa onqokushaj warmej ñawpaqenpi sayaykorqa, paqarichikojtinkama wawanta oqoykunanpaj.

Qheshwa Biblia DC

⁴ Chupantaj janaj pachapi qoyllurkunaj kinsa kaj t'aqanta phiskurparerqa, jallp'amantaj wijch'uykamorqa. Chay sierpeqa wachakunayashaj warmej ñaupaqempi sayaykorqa, wachakojtinkama wawanta oqoykunampaj.

DIOSPA QHELQACHISQAN DEUTEROCANONICAL

⁴ Chupanqa janajpi ch'askakuna kinsaman t'aqasqamanta ujnin kaj t'aqata qharastaspa, kay pachaman wijch'uykamorqa. Chantá sierpeqa onqokushaj warmej ñawpaqenpi sayaykorqa, paqarichikojtinkama wawanta oqoykunanpaj.

Quechua South Bolivia: Dios Parlapawanchej

⁴ Chupantaj janaj pacha ch'ascasmanta quinsa caj parteta pichaycorka. Cay pachamantaj chokaramorka. Dragonka onkocunayashaj warmej ñaupakenpi sayaycucorka. Warmej wawanta nacecojtincama miqhuycunanpaj suyasharka.

Apocalipsis 12:4 ပူးပေါင်းရင်းမြစ်များ

Éxodo 1:16

Israelitakunaj warminkuna onqokushajtinku, allinta qhawankichej. Qhari wawa kajtenqa, wañuchinkichej. Warmi wawatatajrí kawsajta saqellankichej, nispa.

Isaías 27:1

Chay p'unchaypi Tata Diosqa jatun, manchay atiyniyoj espadanwan Leviatán sierpeta jasut'enqa, may jinata suchoj, ch'uwirakoj Leviatán sierpeta, mayqenchus mama qochapi tiyakun, chayta.

San Juan 8:44

Qankunaj tataykichejqa Kuraj Supaymin, qankunataj paypa munasqallanta ruwayta munankichej. Payqa qallariymantapacha runa wañuchipuni, cheqa kajtataj mana uyariyta munanchu. Cheqa kajqa manallataj sonqonpi kanchu. Llullakuspaqa, llulla kasqanman jinapuni parlan, imaraykuchus payqa llulla, llullakuyta rikhurichejtaj.

1 Pedro 5:8

Jinallataj allin yuyayniyoj jina, allinta qhawakuspa puriychej, imaraykuchus awqaykichej Kuraj Supayqa phiña león jina qhaparirispa, muyuykachashasunkichej, mayqellantapis oqoykunanpaj.

Apocalipsis 12:7

Chaymanta qhepanejman jatun maqanaku janaj pachapi karqa: Arcángel Miguel, angelninkunawan ima sierpej contranta maqanakorqanku. Sierpepis angelninkunawan Miguelpa contranta maqanakullarqankutaj.

Apocalipsis 12:9

Ajinata chay jatun sierpe jawaman wijch'usqa karqa. Chay sierpeqa unay ñawpa katari, pichus Kuraj Supay, Satanastaj sutichasqa kashan, chay. Payqa llullakuspa, kay pachapi tukuy runata loq'eyan. Chantá sierpeta, angelninkunatawan ima kay pachaman wijch'umorqanku.

Apocalipsis 13:2

Chay waj sierpe rikusqayqa ch'ejchi leonman rijch'akorqa, chakenqa jukumarejta jina karqa, simintaj leonpa simin jina. Chantá puka sierpe atiyninta, kamachina tiyanata, chantá kamachinanpaj atiyniyoj kayta ima chay waj sierpeman qorqa.

Apocalipsis 13:4

Runakunataj puka sierpeta yupaycharqanku, mayqenchus mama qochamanta llojsimoj chay waj sierpeman atiyta qorqa, chayta. Jinallataj chay waj sierpetapis yupaychaspa, nerqanku: Pitaj kay waj sierpe jina kanmanri? Pitaj paywan maqanakuyta atinmanri? nispa.

Apocalipsis 16:13

Chantá chay qhepata rikorqani puka sierpej siminmanta, ñawpajta rikhurimoj sierpej siminmanta, chantá llullakuspa sut'inchajpa siminmanta ima llojsimojta, k'aylankulaman rijch'akoj kinsa millay supaykunata.

Apocalipsis 17:18

Chay rikusqayki warmeqa jatun llajtamin, pichus kay pachapi kuraj kamachejkunata kamachishan, chay, nispa.

Apocalipsis 20:2

Payqa sierpeta, pichus ñawpa katari karqa chayta, wisq'ananpaj jap'erqa. Payqa Kuraj Supay, chayrí Supay Satanás sutiyoj, paytataj waranqa watapaj wataykorqa.

Apocalipsis 8:10

Maypachachus kinsa kaj ángel trompetata waqacherqa chaypacha, janajmanta uj jatun ch'aska urmamorqa, nina jachon jina lawrarispa. Chay ch'askaqa mayukuna kinsaman t'aqasqamanta ujnin kaj t'aqaman urmarqa, jinallataj yaku juturikunamanpis.

Apocalipsis 8:11

Chay ch'askaj sutinrí Ajenjo karqa. Chay ch'aska urmasqanraykutaj, yaku kinsaman t'aqasqamanta ujnin kaj t'aqa jayaman tukorqa. Jaya yakuta ujyasqankuraykutaj ashkha runakuna wañorqanku.

Apocalipsis 8:12

Chantá tawa kaj angelñataj trompetata waqacherqa. Chaypachataj inti, killa, chantá ch'askakuna ima kinsaman t'aqasqamanta ujnin kaj t'aqa mana allinman tukorqanku, laqhayaporqankutaj. Chayrayku p'unchaypis, tutapis kinsaman t'aqasqamanta ujnin kaj t'aqa mana k'anchayniyojchu karqa.

Apocalipsis 8:7

Maypachachus ñawpaj kaj ángel trompetata waqacherqa chaypacha, chijchi para, ninawan, yawarwan ima chajrusqa kay pachaman urmamorqa. Chayrayku kay pacha kinsa t'aqasqamanta ujnin kaj t'aqa ruphaykorqa, jinallataj sach'akuna, chantá tukuy q'omer qhora ima.

Apocalipsis 8:8

Maypachachus iskay kaj ángel trompetata waqacherqa chaypacha, uj jatun orqo jina lawrashaj mama qochaman urmaykamorqa. Chayraykutaj mama qocha kinsaman t'aqasqamanta ujnin kaj t'aqa yawarman tukorqa.

Apocalipsis 8:9

Chayrayku mama qochapi kawsajkuna kinsaman t'aqasqamanta ujnin kaj t'aqa wañorqa, jinallataj barcokunapis kinsaman t'aqasqamanta ujnin kaj t'aqa phirisqa karqa.

Apocalipsis 9:10

Chupankoqa atojsilloj chupan jina wach'inayoj karqa, chaywantaj phishqa killa junt'ata runakunata ñak'arichinankupaj atiyniyoj karqanku.

Apocalipsis 9:19

Caballokunaj atiynenqa siminkupi, chupankupiwan karqa. Chupankoqa katarej umanman rijch'akorqa, chaywantaj runakunata wach'erqanku.