Apocalipsis 12:12 - DIOSPA QHELQACHISQ

¹² Chayrayku janajkuna, kusikuychej, chaypi tiyakojkunapis. Chaywanpis kay pachapi, chantá mama qochapi tiyakojkuna ima manchay jatun llakiyta rikonqanku, imaraykuchus Kuraj Supay paykunaman may phiñasqa urayk'amun. Paytaj yachan paypaj pisi p'unchayllaña kashasqanta, nispa.

Qheshwa Biblia DC

¹² Chayrayku kusikuychej janaj pachakuna, chaypi tiyakojkunapis. Ay, jallp'a patapi, qocha patapipis tiyakojkunamanta!, imaraykuchus supayqa manchay phiñasqa qankunaman uraykamun, yachaspa paypaj pisi tiempollaña kasqanta.

DIOSPA QHELQACHISQAN DEUTEROCANONICAL

¹² Chayrayku janajkuna, kusikuychej, chaypi tiyakojkunapis. Chaywanpis kay pachapi, chantá mama qochapi tiyakojkuna ima manchay jatun llakiyta rikonqanku, imaraykuchus Kuraj Supay paykunaman may phiñasqa urayk'amun. Paytaj yachan paypaj pisi p'unchayllaña kashasqanta, nispa.

Quechua South Bolivia: Dios Parlapawanchej

¹² Chayraycu janaj pachapi cajcuna ¡mayta cusicuychej! ¡Phutiy, ari, cay pachapi cajcunapajka, kochaspi cajcunapajpis Satanás kancunaman uraycamuskanraycu! Pisi tiempollaña paypaj caskanta yachaskanraycu manchay rabiaska cashan.

Apocalipsis 12:12 ပူးပေါင်းရင်းမြစ်များ

Isaías 44:23

Janaj, kusiywan takiy, imaraykuchus kaytaqa Tata Diosmin ruwan. Ukhu pacha, kusiywan qhapariy. Qankuna orqokuna, montepi tukuy sach'akuna ima kusiywan takirikuychej, imaraykuchus Tata Diosqa Jacobpa ayllunta pagota qospa kacharichin, ajinamantataj Israelpi jatun kayninta rikuchin.

Isaías 49:13

Janaj, kusiywan takiy ari, kay pachapis, mayta kusikuy. Qankunapis orqokuna, kusiywan qhapariychej, imaraykuchus Tata Dios ayllunta sonqochan, ñak'arichisqa kajkunamantataj khuyakun.

San Lucas 15:10

Nillaykichejtaj Diospa angelninkunaj ñawpaqenpi ajina kusiy kasqanta, juchasapa runa Diosman kutirikojtin, nispa.

San Lucas 2:14

Janaj pachapi Dios jatunchasqa kachun, kay pachapitaj allinpi kawsay kachun, pikunawanchus Dios sonqo junt'asqa kashan, chaykunapaj, nispa.

Hebreos 10:37

Diospa Qhelqachisqanpi nin: Tumpamantawan pichus jamunan kashan, chay jamonqaña. Jamunanqa qayllapiña.

2 Pedro 3:8

Munasqa wawqe panaykuna, kayta ama qonqaychejchu: Tukuyta Kamachej Jesucristopaj uj p'unchayqa waranqa wata jina, waranqa watataj uj p'unchay jinalla.

Apocalipsis 10:6

Jinaspataj payqa, pichus janajta, jallp'ata, mama qochata, chaykunapi imachus kajkunatawan ruwarqa, chay wiñay wiñaypaj kawsaj Diospa sutinpi tiluspa, nerqa: Suyana tiempo tukukapunña.

Apocalipsis 11:10

Jinapi Diosman mana kutirikojkuna chay testigokuna wañuchisqa kasqankumanta kusirikonqanku. Chantá ujkuna ujkuna waqekunata jaywanarikonqanku, imaraykuchus chay iskay testigokunaqa paykunata mayta ñak'aricherqanku.

Apocalipsis 11:14

Ajinata iskay kaj jatun llakiy tukukapun. Chaywanpis kinsa kaj llakiyñataj usqhayllata qayllamushan.

Apocalipsis 12:9

Ajinata chay jatun sierpe jawaman wijch'usqa karqa. Chay sierpeqa unay ñawpa katari, pichus Kuraj Supay, Satanastaj sutichasqa kashan, chay. Payqa llullakuspa, kay pachapi tukuy runata loq'eyan. Chantá sierpeta, angelninkunatawan ima kay pachaman wijch'umorqanku.

Apocalipsis 13:6

Chantá chay waj sierpeqa Diospaj millayta rimarqa, jinallataj Diospa sutinta, Diospa tiyakunanta, chantá janaj pachapi tiyakojkunaj contranta ima maldicillarqataj.

Apocalipsis 18:20

Chaymanta janaj pachapi tukuy tiyakojkuna kusikuychej. Jinallataj qankuna Diospa ajllakusqankuna, Diospa kachankuna, chantá Diosmanta sut'inchajkuna ima kusikullaychejtaj, imaraykuchus Dios qankunarayku justiciata ruwaspa, chay llajtaman tukuy millayta ruwasqanman jina kutichipun, nispa.

Apocalipsis 8:13

Chaymantataj noqa janajpi phawashajta uj ankata rikorqani. Chay ankataj sinch'ita qhaparispa, nerqa: Kay pachapi tiyakojkunapaj llakiy, llakiy, ay may jina jatun llakiy kanqa, imaraykuchus kinsa angelkunaraj trompetankuta waqachinanku kashan, nispa.

Apocalipsis 9:12

Ñawpaj kaj llakeyqa pasanña. Chaywanpis iskay llakiykunaraj chaypa qhepanta jamushan.