Apocalipsis 11:8 - DIOSPA QHELQACHISQ

⁸ Chay testigokunaj ayankutaj Jerusalén llajtaj jatun plazanpi wijch'usqa kanqanku, maypichus Tukuyta Kamachej Jesusninku chakatasqa karqa, chaypi. Chay llajtaqa Sodomawan, chantá Egiptowan ima ninakun.

Qheshwa Biblia DC

⁸ Ayasninkutaj jatun llajtaj plazampi wijch'usqas kanqanku, maypichus Señorninku chakatasqa karqa. Chay llajtaj sutenqa Sodoma, Egipto ima.

DIOSPA QHELQACHISQAN DEUTEROCANONICAL

⁸ Chay testigokunaj ayankutaj Jerusalén llajtaj jatun plazanpi wijch'usqa kanqanku, maypichus Tukuyta Kamachej Jesusninku chakatasqa karqa, chaypi. Chay llajtaqa Sodomawan, chantá Egiptowan ima ninakun.

Quechua South Bolivia: Dios Parlapawanchej

⁸ Ayastaj jatun llajtaj callesninpi wijch'uconkancu. Chay jatun llajtaka Sodomawan Egiptowan ninacun. Chay llajtallapitaj Señornincoka chacataska carka.

Apocalipsis 11:8 ပူးပေါင်းရင်းမြစ်များ

Génesis 13:13

Sodoma llajtayojkunarí millay runakuna kasqankurayku, Tata Diospa contranpi millayta ruwaspa, anchata juchallerqanku.

Génesis 19:24

Chantá Tata Dios Sodomaman, chantá Gomorraman ima azufreta, nina paratawan parachimorqa.

Éxodo 20:2

Noqa Tata Diosniyki kani, pichus Egiptopi wata runa kashajtiyki orqhomorqayki, chay.

Éxodo 3:7

Chantá Tata Dios nillarqataj: Noqa Egipto suyupi israelitakuna sonqo nanayta ñak'arishasqankuta rikuni. Jilaqatakuna jasut'ispa, imaynatachus waqachisqankutapis uyarini. Imaynatachus llakikushasqankuta yachallanitaj.

Isaías 3:9

Paykunaj uyallankutaj imaynachus kasqankuta willashan. Sodomamanta runakuna jina, mana manchachikuspa tukuypa rikunanta juchallinku. Imachus paykunamanta kanqapis, paykunallataj jasut'ita mask'akunku.

Jeremías 23:14

Jerusalenpi tiyakoj sut'inchajkunatapis manchay millayta ruwashajta rikullanitaj. Paykunaqa khuchichakunku, llullakuspataj purinku. Astawanpis millay ruwajkunata kallpachanku, chayraykutaj paykuna manapuni millay ruwasqankumanta kutirikunkuchu. Paykuna, tukuy chay llajtapi tiyakojkuna ima Sodoma chantá Gomorra llajtayojkuna jina kanku.

Jeremías 26:23

Chaykunataj Uriasta Egiptopi jap'ispa, kuraj kamachej Joacinman apamusqanku. Paytaj kamachisqa Uriasta wañuchinankuta, ayantataj, maypichus wajcha runakunata p'ampaj kanku, chayman p'ampanankuta kamachillasqataj, nispa.

Ezequiel 16:46

Kuraj ñañaykeqa Samaria llajta karqa, pichus wichaynejpi ususinkunawan tiyakorqa, chay. Sullk'a ñañaykitaj Sodoma llajta karqa, pichus uraynejpi ususinkunawan tiyakorqa, chay.

Ezequiel 16:49

Sodoma ñañaykej juchanqa kay jina karqa: Pay, jinataj ususinkunapis jatunchakorqanku. Ashkha mikhunayoj chantá tukuy imayoj kaspa, wapuykacharqanku, manataj wajchakunamanta, ni pisichikojkunamantapis khuyarikorqankuchu.

Ezequiel 23:19

Chaywanpis pay astawan, astawan khuchichakullarqapuni, Egipto suyupi sipasllaraj kashaspa, phisu kawsaypi purisqanta yuyarikuspa.

Ezequiel 23:27

Ajinamanta noqaqa Egipto suyupi q'oñirisqaykita, khuchichakuspa purisqaykitawan chinkachisaj. Manañataj chaykunata ruwayta munankiñachu, nitaj Egiptomantapis yuyarikunkiñachu.

Ezequiel 23:3

Chantá Egiptopi sipaskunallaraj kashaspa, sajra purikuyman qokusqanku, phisu warmimantaj tukusqanku. Chaypi ñuñunkuta llankharichikusqanku, honrankutataj t'akasqanku.

Ezequiel 23:8

Egiptopi kasqanmantapacha khuchichakuypi purisqanta mana saqerqachu, imaraykuchus sipas kashajtillanraj, ashkha runakuna paywan puñuykorqanku. Honranta t'akaspataj, khuchichakuy munayninkuta paypi sajsakorqanku.

Ezequiel 37:11

Jinapi Tata Dios niwarqa: Runaj churin, kay tukuy tullukuna Israel aylluwan ninakun. Israelitakuna kay jinata ninku: Tullunchejkunaqa ch'akisqa kanku, manataj imata suyananchejpis kanñachu. Noqanchejpajqa manaña imapis kanqachu, nispa.

Amós 4:11

Sonqo nanayta phiriykorqaykichej, imaynatachus Sodomata, Gomorratawan ruwarqani, ajinata. Ninamanta orqhosqa nina k'aja jina karqankichej. Chaywanpis manapuni noqaman kutirikamuwarqankichejchu. Noqa Tata Diosmin chayta nini.

San Mateo 10:15

Noqataj sut'ita niykichej: Juicio p'unchaypeqa chay llajtayojkunapaj aswan ñak'ariy kanqa, Sodomapi, Gomorrapi tiyakojkunamanta nisqaqa, astawanraj, nispa.

Hechos 9:4

Paytaj pampaman choqakorqa, parlamojtataj uyarerqa: Saulo, Saulo, imaraykutaj qhatiykachashawankiri? nispa.

Hebreos 13:12

Ajinallatataj Jesuspis llajtamanta jawapi ñak'arispa wañorqa, yawar jich'asqanwan runakunata Diospaj t'aqananpaj.

Hebreos 6:6

Ajinata yachashaspapis, sichus ñawpa kawsayninkuman kutiripunkuman chayqa, manaña ujtawan Diosman kutirichisqa kayta atinkuñachu. Ajinata ruwaspaqa, Diospa Churinta paykuna kikinku watej cruzman chakatanku, ajinamanta runaj rikunanta p'enqaypi rikhurichispa.

2 Pedro 2:6

Jinallatataj Dios Sodomapi, chantá Gomorrapi tiyakoj runakunatapis chinkachisqa kanankupaj juchacharqa, ushphaman tukunankukama ninawan paykunata ruphachispa. Ajinamanta Dioswan churanakojkuna qhepanejman imapichus tukukunankuta yachacherqa.

Judas 1:7

Jinallataj ama qonqaychejchu Sodomamanta, Gomorramanta, chantá chay qayllapi kaj llajtakunamanta ima. Chay llajtakunapi tiyakojkuna khuchiriyoman, chantá tukuy imaymana millay ch'ichita purinaman qokusqanku. Chayrayku Dios chay llajtakunata wiñaypaj lawraj ninawan ruphaykuchisqa. Chay llajtakunawan imachus kasqanqa wanananchejpaj k'amiy jina kashan, ama paykuna jina kayta munananchejpaj.

Apocalipsis 11:13

Chantá chay kikinpacha manchay jallp'a ikhakuy kanqa, Jerusalén llajta chunkaman t'aqasqamanta ujnin kaj t'aqataj thuñiykukonqa. Jallp'a ikhakusqanraykutaj 7.000 runakuna wañuranqanku, kawsashaj qhepakojkunataj mancharikuspa, janaj pachapi kaj Diosta jatunchanqanku.

Apocalipsis 11:9

Chantá tukuy imaymana runa, tukuy ayllumanta, tukuy imaymana parlayniyojkunamanta, chantapis tukuy suyupi tiyakojkuna ima kinsa p'unchay khuskanniyojta testigokunaj ayankuta qhawanqanku, manataj p'ampanankuta munanqankuchu.

Apocalipsis 14:20

Chay pallasqan uvaqa llajtamanta jawanejpi sarusqa karqa, sarojtinkutaj, uva saruna jatun t'oqomanta yawar llojsimorqa. Caballokunaj frenonkama chayaspataj, chay yawar 300 kilometrota jina purirerqa.

Apocalipsis 14:8

Chantá chay angelpa qhepanta waj angelñataj rikhurimuspa, nillarqataj: Babilonia jatun llajtaqa urmanña. Arí, urmanña, imaraykuchus chay llajtaqa tukuy suyumanta runata juchalliyta yachacherqa, chantá waj dioskunata kasuyta ima, nispa.

Apocalipsis 16:19

Jatun llajta Babiloniataj kinsaman t'aqakorqa, tukuy kay pachapi llajtakunapis thuñisqa karqanku. Jinapi Dios chay jatun llajta Babiloniaj juchallisqanmanta yuyarikorqa, jinataj k'araj phiñakuyninwan sinch'ita jasut'erqa.

Apocalipsis 17:1

Chay qhepata, qanchis angelkunamanta, pikunachus chay qanchis vasokunata jap'isharqanku, chaykunamanta ujnin kaj jamuspa, niwarqa: Kayman chimpamuy, chay phisu warmi imaynatachus juchachasqa kananta rikunaykipaj, pichus ashkha yaku patapi tiyasqa kashan, chayta.

Apocalipsis 17:18

Chay rikusqayki warmeqa jatun llajtamin, pichus kay pachapi kuraj kamachejkunata kamachishan, chay, nispa.

Apocalipsis 17:5

Jinallataj chay warmej mat'inpi uj suti qhelqasqa karqa, watuy mana atina suti: Jatun Babilonia, phisu warmikunaj mamanku, chantá kay pachapi tukuy millay kajpa maman, nispa.

Apocalipsis 18:10

Paypa ñak'arichisqanta rikuspa, mancharenqanku, karullapi sayaspataj, nenqanku: Ay, Babilonia jatun llajta, kay jina jatun llakiyman chayanaykiri. Manaraj imapi Diospa jasut'iynin pataykiman urmaykamusorqa, nispa.

Apocalipsis 18:18

Chantá llajtaj ruphaykusqan q'oshñita rikuspa, qhaparerqanku: Ni mayqen llajta kay jatun llajta jinaqa karqachu, nispa.

Apocalipsis 18:2

Paytaj jatunmanta qhaparerqa: Urmanña, Babilonia jatun llajta urmanña. Chay llajtaqa supaykunaj wasinman tukun, tukuy millay espiritukunaj pakakunanman, chantá tukuy imaymana millay ch'ichipaj qhawasqa phawajkunaj thapanman ima.

Apocalipsis 18:21

Chantá uj kallpasapa ángel uj jatun molino rumita jina oqharispa, mama qochaman wijch'uykorqa, nerqataj: Ajinallatataj jatun Babilonia llajtaqa sinch'i kallpawan wijch'usqa kanqa, manataj jayk'ajpis ujtawan pipis rikonqañachu.

Apocalipsis 18:24

Dios jasut'isunki, imajtinchus Diosmanta sut'inchajkunaj, chantá Diospa ajllakusqankunaj yawarninku, calleykikunata mayu jina purerqa, tukuy kay pachapi wañuchisqa kajkunaj yawarninkuwan khuska, nispa.