Apocalipsis 11:5 - DIOSPA QHELQACHISQ

⁵ Sichus pipis paykunata imanayta munanman chayqa, paykunaj siminkumanta nina llojsimuspa, awqankuta rupharparenqa. Ajinaqa pichus paykunata imanayta munajqa wañuchisqa kanqa.

Qheshwa Biblia DC

⁵ Pillapis paykunata imanayta munanman chayqa, paykunaj siminmanta nina llojsimun rupharanampaj. Pitajchus paykunata sajrata ruwayta munanman chayqa, ajinallatataj wañunan tiyan.

DIOSPA QHELQACHISQAN DEUTEROCANONICAL

⁵ Sichus pipis paykunata imanayta munanman chayqa, paykunaj siminkumanta nina llojsimuspa, awqankuta rupharparenqa. Ajinaqa pichus paykunata imanayta munajqa wañuchisqa kanqa.

Quechua South Bolivia: Dios Parlapawanchej

⁵ Sichus mayken paycunata ñac'arichiyta munanman chayka, nina simincumanta llojsimonka enemigosnincuta ruphaycunanpaj. Paycunata ñac'arichiyta munajka ajina wañuchiska canan tiyan.

Apocalipsis 11:5 ပူးပေါင်းရင်းမြစ်များ

Salmos 18:8

8 (9) Diospa senqanmantaqa q'oshñi llojsimusharqa, siminmantataj tukuy imata q'olaj nina jina. K'ajaj ninata jina siminmanta ajtumusharqa.

Isaías 11:4

Manachayqa cheqan kajman jina wajchakunata juzganqa, kay pachapi llamp'u sonqoyojkunapajtaj justiciata ruwanqa. Kay pachataqa simi nisqallanwan varawan jina jasut'enqa, samayninwantaj millay ruwajkunata wañuchenqa.

Jeremías 1:10

Noqa simiykiman nisqaykunata churani. Kunanqa jatun suyukunapi, juch'uy suyukunapi ima atiyta qoyki sik'inaykipaj, thuñinaykipaj, phirinaykipaj, t'unanaykipaj, chantá watej jatarichinaykipaj, mallkinaykipaj ima, nispa.

Jeremías 5:14

Chayrayku Tukuy Atiyniyoj Tata Diosqa Jeremiasta nerqa: Chayta paykuna nisqankurayku noqa simiykiman nisqayta churasaj, chay nisqaytaj paykunata llant'ata jina ruphaykonqa, nispa.

Ezequiel 43:3

Chantá mosqoypi jina rikusqayqa, ñawpajta rikorqani, ajinallataj karqa, maypachachus Tata Dios Jerusalenta phiriykoj jamusharqa, chantá Quebar mayu kantupi mosqoypi jina rikorqani, chaypacha. Chayta rikuspataj, pampakama k'umuykorqani.

Oseas 6:5

Chayrayku noqamanta sut'inchajkunanejta mitharparerqaykichej, parlasqaywantaj wañucherqaykichej. Justiciaytaj k'anchay jina sut'ipuni karqa.

Zacarías 1:6

Chaywanpis, imatachus sut'inchajkunanejta ñawpa tataykichejpa contrankupi nerqani, kamacherqanitaj, chay tukuy junt'akorqa. Chayrayku paykuna kutirikamuwarqanku, nerqankutaj: Tukuy Atiyniyoj Tata Dios noqanchejwan ruwarqa purisqanchejman jina, ruwasqanchejman jinataj, nispa.

Zacarías 2:8

8 (12) Tukuy Atiyniyoj Tata Dios kayta willanaypaj kachamuwarqa, pikunachus tukuy imaykichejta ch'uskirasorqachej, chay suyukunaj contrankupi: Pillapis qankunata llankhaykojqa ñawi papaytapis llankhaykunman jina.

Apocalipsis 13:13

Jallp'amanta rikhurimoj chay sierpeqa runaj mana jayk'aj rikusqan t'ukunata ruwallarqataj. Ninatapis tukuy rikushajtinku janajmanta kay pachaman urmachimorqa.

Apocalipsis 9:17

Ajinata mosqoypi jina rikorqani caballokunata, chantá caballokunapi lloq'asqa kajkunata: Caballokunapi purejkunaj pecherankoqa nina jina puka karqa, zafiro rumi jina anqa, azufre jina q'ellu ima. Caballokunaj umankutaj leonkunaj uman jina karqa, siminkumantataj ninata, q'oshñita, chantá azufreta ima thoqaj kanku.