Apocalipsis 11:19 - DIOSPA QHELQACHISQ

¹⁹ Jinallapi janaj pachapi kashaj Diospa templon kicharikorqa, chaypitaj Diospa trato ruwasqan arca rikukorqa. Chaypachallataj lliuj lliujkuna, jatunmanta parlaykuna, qhon qhonkuna, jallp'a ikhakuy, chantá manchay chijchi para ima karqa.

Qheshwa Biblia DC

¹⁹ Templotaj janaj pachapi kicharikorqa, Diospa ruwasqan trato cajontaj rikukorqa templopi. Chaypachataj oqharikorqanku lliuj lliujkuna, qhapariykuna, qhon qhonkuna, jallp'a ikhakuy, manchay granizo ima.

DIOSPA QHELQACHISQAN DEUTEROCANONICAL

¹⁹ Jinallapi janaj pachapi kashaj Diospa templon kicharikorqa, chaypitaj Diospa trato ruwasqan arca rikukorqa. Chaypachallataj lliuj lliujkuna, jatunmanta parlaykuna, qhon qhonkuna, jallp'a ikhakuy, chantá manchay chijchi para ima karqa.

Quechua South Bolivia: Dios Parlapawanchej

¹⁹ Janaj pachapi Diospa yupaychana-wasintaj quicharicorka. Diospa camachiskasninta churana arcapis yupaychana-wasinpi ricucorka. Chaywanpis carka relampagocuna, sonaycuna, truenocuna ima. Jallp'apis sinch'ita qharcatiterka, manchay granizotaj carka.

Apocalipsis 11:19 ပူးပေါင်းရင်းမြစ်များ

Salmos 105:32

Parachinantaqa, chijchi parata parachimorqa, lliuj lliujkunatataj suyunkuman kachaykorqa.

Salmos 18:12

12 (13) Sinch'ita lliphipirishaj k'anchay ñawpaqenmanta llojserqa, phuyumantataj k'ajarishaj nina, chijchi para jina t'akakamorqa.

Isaías 28:2

Tukuyta Kamachej Dios kallpasapa soldadokunata kachamonqa. Paykunaqa chijchi para jina, sinch'i wayra jinataj jamonqanku, jinallataj loco para jina, ashkha yaku llump'imoj jinataj. Chantá tukuy kallpankuwan Samariata pampaman ch'allpanqanku.

Isaías 29:6

noqa Tukuy Atiyniyoj Tata Dios paykunata jasut'isaj, qhon qhonkunawan, jallp'a ikhakuywan, manchay ch'ajwawan, sinch'i wayrawan, llojlla parawan, tukuyta q'olaj ninawan ima.

Isaías 30:30

Chaypacha Tata Dios jatunmanta parlasqanta uyarichenqa. Atiyniyoj makinwan k'araj phiñakuyninta rikuchenqa manchayta q'olarparej ninawan, chantá llojlla parawan, manchay muyoj wayrawan, jatuchaj rumi jina chijchi parawan ima. Ajinamanta pay atiyninta rikuchenqa.

Isaías 32:19

Chijchi parapis sach'akunata q'ara k'aspillata saqerparichun chaypis, llajtapis thuñisqa kachun chaypis,

Ezequiel 13:11

Perqata yesowan lluch'ejkunata niy: Chay perqaqa urmanqa, nispa. Perqa urmanqa, imaraykuchus sinch'i para jamonqa, rumi jina chijchitaj urmamonqa, sinch'i wayrawan khuska.

Ezequiel 13:13

Chayrayku noqa Tukuyta Kamachej Tata Dios nini: K'araj phiñakuyniypi sinch'ita wayrachimusaj, sinch'itataj parachimusaj, rumi jina chijchitataj urmachimusaj, phiñakuyniypi tukuy kaj chhikata chinkarparichinaypaj.

Ezequiel 38:22

Chantá noqaqa Gogta onqoywan, wañuchinakuywan ima jasut'isaj. Paypa patanman, soldadonkunaj patankuman, puriysej suyukunaj patanmanwan sinch'i parata, chijchi parata, nina lawrashaj azufrewan parata ima parachimuspa, kachaykusaj.

Números 10:33

Ajinata israelitakunaqa Tata Diospa orqonmanta purirerqanku, rerqankutaj kinsa p'unchay puriyta. Tata Diospa trato ruwasqan arcaqa ñawpaqenkuta risharqa, maynejpichus jarakunankuta mask'aspa.

Números 4:15

Maypachachus Aaronwan, churinkunawan ima tukuy chaykunata q'epichayta tukojtinku, jinataj puririnapaj jinaña kashajtinku, Coatpa churinkuna tukuy chaykunata apanankupaj jamonqanku. Chaywanpis paykunaqa Diospaj t'aqasqa imakunata ama llankhanqankuchu. Sichus llankhanqanku chayqa, wañonqanku. Ajinata Dioswan Tinkukuna Toldoj imankunata Coatpa churinkuna apanqanku.

Números 4:5

Israelitakuna puririnankupaj toldonkuta oqharejtinku, Aaronwan chantá churinkunawan ima Dioswan Tinkukuna Toldopi velota oqharenqanku. Chay veloqa Diosllapaj T'aqasqa Cheqaman yaykunapi kashan, chaywantaj Dioswan trato ruwasqa arcata qhataykonqanku.

Josué 10:11

Chantá amorreokuna Bet Jorón urayta israelitakunamanta ayqekushajtinku, Tata Diosqa paykunaj patankuman runtu chhikachajta chijchi parata parachimorqa. Chay chijchi para amorreokunata astawan ashkhata wañucherqa, israelitakuna espadawan wañuchisqankumanta nisqaqa.

Apocalipsis 11:13

Chantá chay kikinpacha manchay jallp'a ikhakuy kanqa, Jerusalén llajta chunkaman t'aqasqamanta ujnin kaj t'aqataj thuñiykukonqa. Jallp'a ikhakusqanraykutaj 7.000 runakuna wañuranqanku, kawsashaj qhepakojkunataj mancharikuspa, janaj pachapi kaj Diosta jatunchanqanku.

Apocalipsis 11:15

Maypachachus qanchis kaj ángel trompetanta waqacherqa chaypacha, janaj pachapi jatunmanta parlasqanku uyarikorqa: Diosninchej, chantá kachamusqan Cristo ima kay pachapi kamachishankuña. Paykunataj wiñay wiñaypaj kamachenqanku, nispa.

Apocalipsis 12:1

Chaymanta noqa janaj pachapi runaj mana jayk'aj rikusqan t'ukunata rikhurejta rikorqani: Intiwan p'achallisqa jina uj warmita rikorqani. Killaqa chakin urapi karqa, umanpitaj uj pillu chunka iskayniyoj ch'askakunayoj karqa.

Apocalipsis 16:1

Chantá Templomanta noqa jatunmanta parlamojta uyarerqani, chay parlamojtaj qanchis angelkunata nerqa: Riychej, chay qanchis vasokunamanta Diospa k'araj phiñakuyninta kay pachaman jich'aykamuychej, nispa.

Apocalipsis 16:18

Chantá lliuj lliujkuna, qhapariykuna, qhon qhonkuna ima karqa. Jallp'aqa manchayta ikhakorqa. Runa kay pachapi kasqanmantapacha, chay jina jallp'a ikhakoyqa mana jayk'ajpis karqachu.

Apocalipsis 16:21

Janajmantataj runaj patanman manchay jatuchaj chijchi para urmamorqa, kinsa arroba jina llasayoj. Runakunatajrí chijchi para chay jinata ñak'arichisqanmanta Diospaj millayta rimarqanku.

Apocalipsis 19:11

Chaypacha, noqa janaj pachata kicharisqata rikorqani. Uj runa yuraj caballopi lloq'asqa kasharqa, sutintaj karqa Nisqanta Junt'aj Kaj, chantá Cheqa Kaj ima, imaraykuchus payqa justiciata ruwan, chantá cheqa kajta ruwaspa maqanakun.

Apocalipsis 4:1

Chaykuna qhepanta, noqa janaj pachapi uj punku kichasqata rikorqani. Chantá qallariypi trompeta jina jatunmanta parlamojta uyarerqani, paytaj niwarqa: Kayman qayllamuy, noqataj qhepanejman imakunachus kanan kashan, chaykunata rikuchisqayki, nispa.

Apocalipsis 4:5

Jatun kaj kamachina tiyanamanta lliuj lliujkuna llijusharqa, qhon qhonkunapis t'ojyasharqa. Jinataj qanchis nina jachonkuna kamachina tiyanaj ñawpaqenpi lawrasharqanku. Chayqa Diospa qanchis jinamanta rejsichikoj Santo Espíritun karqa.

Apocalipsis 7:15

Chayrayku Diospa kamachinan tiyanaj ñawpaqenpi kashanku, tuta p'unchaytaj Templonpi payta yupaychanku. Chantá kamachina tiyananpi tiyashaj Dios paykunata waqaychanqa.

Apocalipsis 8:5

Chaymantataj angelqa incienso q'oshñichinata jap'ispa, altar patapi kaj ninawan junt'aykucherqa. Chaytataj kay pachaman jich'amorqa, chantá tukuynejpi qhon qhonkuna, lliuj lliujkuna, jallp'a ikhakuy ima karqa.

Apocalipsis 8:7

Maypachachus ñawpaj kaj ángel trompetata waqacherqa chaypacha, chijchi para, ninawan, yawarwan ima chajrusqa kay pachaman urmamorqa. Chayrayku kay pacha kinsa t'aqasqamanta ujnin kaj t'aqa ruphaykorqa, jinallataj sach'akuna, chantá tukuy q'omer qhora ima.