Apocalipsis 1:16 - DIOSPA QHELQACHISQ

¹⁶ Jinallataj paña makinpi qanchis ch'askata jap'isharqa, siminmantataj puraj ladon filochasqa espada jina llojsimusharqa. Uyanpis manchayta lliphipisharqa, chawpi p'unchayta imaynatachus inti sinch'ita k'anchan, ajinata.

Qheshwa Biblia DC

¹⁶ Paña makimpitaj qanchis qoyllurkunata jap'isharqa; siminmantataj iskay filoyoj espada llojsimusharqa; uyantaj karqa inti sinch'ita lliphipishaj jina.

DIOSPA QHELQACHISQAN DEUTEROCANONICAL

¹⁶ Jinallataj paña makinpi qanchis ch'askata jap'isharqa, siminmantataj puraj ladon filochasqa espada jina llojsimusharqa. Uyanpis manchayta lliphipisharqa, chawpi p'unchayta imaynatachus inti sinch'ita k'anchan, ajinata.

Quechua South Bolivia: Dios Parlapawanchej

¹⁶ Payka paña maquinpi kanchis ch'ascasta jap'isharka. Siminmantataj t'ujsina espada llojsimusharka. Puraj filoyoj afilaska carka. Uyantaj c'anchasharka, sinch'ita c'anchaj intijina.

Apocalipsis 1:16 ပူးပေါင်းရင်းမြစ်များ

Job 38:7

Chaypacha ch'askakuna uj kunkalla takisharqanku, Diospa angelninkunataj janaj pachapi mayta kusikusharqanku. Qanrí mana chaypichu karqanki.

Salmos 45:3

3 (4) Wapu runa, espadaykita chumpiykiman churakuy. Qanqa may jina atiyniyojmin kanki.

TAKIYKUNA 6:10

Pitaj sut'iyayta intej k'anchaynin jina rikhurimunri, killa jina k'achita, inti jina k'ancharishajri, may chhika lliphipishaj ch'aska jina manchay t'ukunari?

Isaías 11:4

Manachayqa cheqan kajman jina wajchakunata juzganqa, kay pachapi llamp'u sonqoyojkunapajtaj justiciata ruwanqa. Kay pachataqa simi nisqallanwan varawan jina jasut'enqa, samayninwantaj millay ruwajkunata wañuchenqa.

Isaías 24:23

Jerusalenpi, jinataj Sión orqopi Tukuy Atiyniyoj Tata Dios kamachiyta qallarejtin, intiwan, killawan p'enqakuspa laqhayaykonqanku. Chay llajtamanta kurajkunataj Tata Diospa jatun kayninpa lliphipiyninta rikonqanku.

Isaías 49:2

Payqa simiyta filo espadata jina ruwarqa, maki llanthunwantaj pakaykuwarqa. Filo puntayoj flechaman jina tukuchiwarqa, jinaspataj, flecha waqaychananpi waqaychawarqa.

Daniel (hebreo) 12:3

Chantá yachayniyoj runakunaqa janajpi k'anchay jina k'anchanqanku, ashkha runaman cheqanta ruwaspa puriyta yachachejkunataj wiñaypaj ch'askakuna jina lliphipirenqanku.

Daniel (hebreo) 8:10

Chantá janaj pacha ch'askakunaman chayanankama wiñasqa. Jinataj chay ch'askakunamanta wakinta pampaman urmachimuspa, sarurasqa.

Malaquías 4:2

2 (3.20) Qankuna noqata kasuwajkunapajrí, justiciay inti jina lliphipipirenqa, chay k'anchaynintaj sumaj kawsayta apamonqa. Chantá qankuna kusiymanta phinkirinkichej, imaynatachus torillokuna corralmanta llojsispa sink'urinku, ajinata.

San Mateo 17:2

Chaypitaj paykuna qhawashajtinku, Jesús waj jinaman tukorqa. Uyanqa inti jina k'ancharerqa, p'achantaj may yurajta lliphipirerqa.

Hechos 26:13

Kuraj kamachejníy, chawpi p'unchaynejta ñanta rishajtiy, janajmanta ujllata sinch'i k'anchay noqata muyuykuwarqa, noqawan khuska rejkunata ima. Chay k'anchayqa intimantapis aswan sinch'itapuni k'ancharerqa.

Efesios 6:17

Jinallataj qhespichisqa kasqaykichejta monterata jina umaykichejman churakuychej. Chantá Santo Espíritoj espadantapis oqhariychej, chayqa Diospa simi nisqan.

Hebreos 4:12

Diospa simi nisqanqa kawsayniyoj, atiyniyojtaj, puraj filoyoj espadamantapis aswan filochasqa. Ajinaqa Diospa simi nisqan runaj sonqon ukhukamapuni chayan. Jinallataj runaj yuyasqanta, sonqonpi imatachus munasqantapis sut'ita sut'inchan, allinchus manachus kasqanta.

Apocalipsis 1:20

Kunantaj noqa sut'inchasqayki, paña makiypi rikusqayki chay qanchis ch'askakuna, chantá chay qanchis lamparakuna ima imatachus niyta munasqanta: Qanchis ch'askakunaqa qanchis iglesiakunaj angelninkuna kanku, chay rikusqayki qanchis lamparakunataj qanchis iglesiakuna kanku, nispa.

Apocalipsis 10:1

Chaymantataj noqa atiyniyoj uj angelta janaj pachamanta urayk'amojta rikorqani, phuyuwan muyurisqata. Uman patapi uj k'uychi karqa, uyantaj inti jina lliphipisharqa, chakintaj nina lawraj jina karqa.

Apocalipsis 12:1

Chaymanta noqa janaj pachapi runaj mana jayk'aj rikusqan t'ukunata rikhurejta rikorqani: Intiwan p'achallisqa jina uj warmita rikorqani. Killaqa chakin urapi karqa, umanpitaj uj pillu chunka iskayniyoj ch'askakunayoj karqa.

Apocalipsis 19:15

Paypa siminmanta uj filo espada llojsimorqa, chaywan tukuy suyupi tiyakojkunata atipananpaj. Payllataj fierro varawan kamachenqa, jinallataj Tukuy Atiyniyoj Diosqa uva sarunapi jina k'arajta phiñakuspa paykunata saronqa.

Apocalipsis 19:21

Sierpej soldadonkunapis wañuchisqallataj karqanku yuraj caballopi lloq'asqa kajpa siminmanta llojsej espadawan. Chantá aycha mikhu phawajkunaqa wañusqakunaj aychankuwan sajsakorqanku.

Apocalipsis 2:1

Chantá pay niwarqa: Éfeso llajtapi iglesiaj angelninman kay nisqayta qhelqay: Pichus paña makinpi qanchis ch'askakunata jap'ej, chantá qanchis qorimanta lamparakunaj chawpinpi purej kay jinata nisunki:

Apocalipsis 2:12

Pérgamo llajtapi iglesiaj angelninman kay nisqayta qhelqay: Pichus puraj ladon filochasqa espadata jap'ejqa kay jinata nisunki:

Apocalipsis 2:16

Chayrayku watej noqaman kutirikamuy, manachayqa usqhayllata qanman jamuspa, simi nisqaywan paykunaj contrankuta maqanakusaj.

Apocalipsis 3:1

Chantá Jesucristo niwarqa: Sardis llajtapi iglesiaj angelninman kay nisqayta qhelqay: Pichus Diospa qanchis jinamanta rejsichikoj Santo Espiritunta, chantá qanchis ch'askakunata ima jap'in, chay nisunki: Noqaqa tukuy ima ruwasqaykita rikuni, yachallanitaj tukuy kasuwaspa purisqaykita yuyasqankuta. Chaywanpis chayqa mana jinachu. Qanqa mana kasuwaspachu purinki.

Jueces 3:16

Aodrí puraj filoyoj espadata ruwakusqa khuskan metroyoj jinata, chaytataj paña kaj chakannejman p'achan uraman churakorqa.

Jueces 5:31

Tata Diosniyku, tukuy awqaykikuna Sísara jina phirisqa kachunku. Qanta munakusojkunataj, imaynatachus chawpi p'unchayta inti k'ancharin, ajinata k'ancharichunku. Ajinata Deborawan, Baracwan Tata Diosman takerqanku. Chaymanta qhepaman Israel suyupi tawa chunka watata, allin kawsakuylla karqa.