Apocalipsis 1:13 - DIOSPA QHELQACHISQ

¹³ Chay qanchis lamparakunaj chawpinpitaj Runaj Churinman rijch'akojta rikorqani, qhoysu p'achayojta, qhasqontaj qorimanta ruwasqa chumpiwan chumpisqata.

Qheshwa Biblia DC

¹³ Chay qanchis k'anchachinas chaupimpitaj uj runata jina rikorqani, qhoysu p'achayojta, pechompitaj qori chumpiwan chumpisqata.

DIOSPA QHELQACHISQAN DEUTEROCANONICAL

¹³ Chay qanchis lamparakunaj chawpinpitaj Runaj Churinman rijch'akojta rikorqani, qhoysu p'achayojta, qhasqontaj qorimanta ruwasqa chumpiwan chumpisqata.

Quechua South Bolivia: Dios Parlapawanchej

¹³ Chay c'anchanas chaupipitaj runaman rijch'acojta ricorkani. Payka khoysu p'achawan p'achalliska carka. Sonkon chekanpitaj kori chumpiwan chumpiska carka.

Apocalipsis 1:13 ပူးပေါင်းရင်းမြစ်များ

Éxodo 39:5

Unkuta watanapaj chumpipis kikillantaj ruwasqa karqa, qorimanta, anqa telamanta, puka panti telamanta, puka telamanta, linomanta sumaj awasqa telamanta ima, Tata Dios Moisesman kamachisqanman jina.

Isaías 11:5

Cheqan kaywan ñañu wasanta chumpiwan jina chumpiykukonqa. Cheqa kajta junt'aj kaynintataj ukhunchana p'achata jina churakonqa.

Daniel (hebreo) 10:16

Chantá runaman rijch'akojqa simiyta llankhariwarqa. Chantá, ñawpaqeypi kasharqa, chayman nerqani: Wiraqochíy, mosqoypi jina rikusqayqa mayta llakichiwan, mana kallpayojmantaj tukuchiwan.

Daniel (hebreo) 7:13

Chay tutapi mosqoypi jina rikusqayta qhawashaspallapuni, runaj churinman rijch'akojta phuyu chawpipi jamushajta rikorqani. Payqa, maypichus Wiñaymantapacha Kaj kasharqa, chayman risqa, paytataj Wiñaymantapacha Kajman qayllachisqanku.

Daniel (hebreo) 7:9

Qhawashallajtiypuni, kamachina tiyanakuna churasqa kasqanku. Chantá Wiñaymantapacha Kajqa chaypi tiyarikusqa. Paypa p'achan rit'i jina yuraj kasqa, umanpi chujchantaj yuraj rit'i millma jina kasqa. Kamachina tiyanaj ruedankunapis lawraj nina jina kasqanku,

Levítico 8:7

Chantá Aaronman p'achata churarqa, chumpiwantaj chumpiykorqa. Patanmantaj ponchoman rijch'asqa qhatanawan qhataykorqa. Chaypa patanmantaj unkuta churaykorqa, jinaspataj, unkoj watanallanwantaj sumajta wataykorqa.

Hebreos 4:15

Chay Kuraj Kaj Sacerdotenchej pisi kallpa kasqanchejta yachaspa, khuyarikuwanchej, imaraykuchus payqa noqanchej jinallataj juchallinaman tanqasqa karqa. Chaywanpis pay mana jayk'ajpis juchallerqachu.

Apocalipsis 14:14

Chantá qhawashajtillay, uj yuraj phuyu rikhurerqa, chay phuyu patapitaj Runaj Churinman rijch'akoj tiyasqa kasharqa. Payqa umanpi qori pilluyoj karqa, makinpitaj sumaj filochasqa hozeta jap'isharqa.

Apocalipsis 15:6

Chay templomanta qanchis angelkuna llojsimorqanku qanchis onqoykuna jap'irisqa, rit'i jina sumaj yuraj linowan p'achallisqa, qhasqonkutaj qori chumpiwan chumpisqa.

Apocalipsis 2:1

Chantá pay niwarqa: Éfeso llajtapi iglesiaj angelninman kay nisqayta qhelqay: Pichus paña makinpi qanchis ch'askakunata jap'ej, chantá qanchis qorimanta lamparakunaj chawpinpi purej kay jinata nisunki: