Amós 9:9 - DIOSPA QHELQACHISQ

⁹ Manachayqa kamachisaj Israelpa ayllunmanta kajkuna tukuynejman suysusqa kanankuta, imaynatachus runa trigota suysunapi suysun mana uj granollatapis pampaman urmachispa, ajinata.

Qheshwa Biblia DC

⁹ Kamachisajtaj Israelpa ayllunmanta tukuynejman suysusqas kanankuta, trigopis suysunapi suysukun jinata, mana uj trigo granollatapis pampaman urmachispa.

DIOSPA QHELQACHISQAN DEUTEROCANONICAL

⁹ Manachayqa kamachisaj Israelpa ayllunmanta kajkuna tukuynejman suysusqa kanankuta, imaynatachus runa trigota suysunapi suysun mana uj granollatapis pampaman urmachispa, ajinata.

Amós 9:9 ပူးပေါင်းရင်းမြစ်များ

Isaías 27:12

Chay p'unchaypi Tata Dios erapi trigota jina trillanqa, Éufrates mayumantapacha Egipto mayukama. Chantá Israelpa miraynin kajkunata ujmanta uj pallaspa, tantanqa.

Isaías 28:28

Trigota trillaspa oqharina chaypis, mana trillaspallapunichu kana. Carretaj ruedan sarojtenqa, grano t'akakun, chaywanpis mana p'akirakunchu.

Isaías 30:28

Paypa samaynenqa yaku mayu llump'irishaj jina kanqa, awqankunaj kunkankukama chayaj jina. Payqa waj suyukunaman yugota churan, paykunata chinkayman pusananpaj. Jinallataj tukuy suyumanta runakunaj siminkuman frenota churanqa, paykunata pantachinanpaj.

Jeremías 31:36

Sichus chay ruwasqay imakuna kamachisqayman jina manaña purinkumanchu chayqa, ichapis chay p'unchaymantapacha Israel manaña aylluychu kanman. Ajinata noqa Tata Dios nini.

Jeremías 46:28

Noqa Tata Diosmin kayta nini: Ama manchachikuychu, Jacobpa ayllun, imaraykuchus noqa qanwan kashani. Maykunamanchus ch'eqeracherqayki, chay tukuy suyukunata phirisaj. Jinapis qantaqa mana chinkachisqaykichu, manachayqa mana allinta ruwasqaykiman jina jasut'ispa, cheqan ñanman churasqayki. Qanqa jasut'isqapuni kanayki tiyan. Noqa Tata Diosmin chayta nini.

Jeremías 49:36

Kay llajtaman tawantin cheqanejmanta sinch'i wayrata apachimusaj, tukuynejman paykunata ch'eqerachinanpaj. Mana uj suyullapis kanqachu maymanchus mana elamitakuna ayqekusqankoqa.

Ezequiel 20:38

Contrayta oqharikojkunata chantá mana kasukojkunatapis qankunamanta t'aqasaj. Waj suyupi kunan tiyakushanku, chaymanta orqhomusaj. Chaywanpis manapuni Israelpa suyunman yaykonqankuchu. Ajinamanta qankuna noqa Tata Dios kasqayta yachankichej.

Ezequiel 36:19

Chayrayku paykunata waj suyukunaman wijch'orqani, waj llajtakunamantaj ch'eqeracherqani. Millayta purisqankuman jina, mana allinta ruwasqankuman jinataj paykunata jasut'erqani.

Ezequiel 39:28

Pikunatachus waj suyukunaman apacherqani, chaykunata watej suyunkupi tantaykusaj, ni mayqenninkutapis saqerparispa. Chaypacha noqa Tata Dios kasqayta yachanqanku.

Ezequiel 5:10

Chayrayku qankuna ukhupi wawankuta mikhuykojkuna kanqanku, jinallataj wawakunapis tatankuta mikhuykojkuna kallanqankutaj. Qanta noqa jasut'isqayki, qanmanta puchojtataj tukuynejman ch'eqerachisaj.

Ezequiel 5:12

Qankunamanta kinsaman t'aqasqamanta ujnin t'aqaqa onqoywan chantá yarqhaywan ima callekunapi wañuranqanku. Ujnin t'aqataj muyuyniykichejpi awqaykichej espadawan wañurachenqanku, ujnin t'aqatataj tukuynejman ch'eqerachisaj, paykunaj qhepantataj espadawan qhatiykusaj.

Levítico 26:33

Qankunata maqanakuwan ñak'arichisqaykichej, waj suyukunamantaj ch'eqerachisqaykichej. Jallp'aykichejqa ch'inman tukonqa, llajtaykichejtaj ch'in raqayllaman.

San Lucas 22:31

Jesús nillarqataj: Ay, Simón, Supay Satanasqa munan qankunata trigota jina trillaspa wayrachiyta.

Deuteronomio 28:64

Chantá Tata Dios tukuynejman, kay pachaj k'uchunkama ch'eqerachisonqa. Chaypitaj qan, jinataj ñawpa tataykikunapis ni jayk'aj rejsisqaykichej wajkunaj diosninkuta yupaychanki. Chay dioskunaqa k'ullumanta, rumimanta ima ruwasqa kanku.