Amós 9:8 - DIOSPA QHELQACHISQ

⁸ Tukuyta Kamachej Tata Dios qhawamushan kay juchasapa suyuta. Chantá nin: Kay millay suyuta kay pachamanta chinkachisaj. Chaywanpis Jacobpa ayllunmanta mana tukuyninkutachu chinkachisaj, nispa nin Tata Diosqa.

Qheshwa Biblia DC

⁸ Señorqa qhawamushan kay juchasapa reinota. Chantaqa nintaj: Kay kamachinata kay jallp'a patamanta chinkachisaj; Jacobpa ayllunmanta kajkunallata mana tukuynintachu chinkachisaj.

DIOSPA QHELQACHISQAN DEUTEROCANONICAL

⁸ Tukuyta Kamachej Tata Dios qhawamushan kay juchasapa suyuta. Chantá nin: Kay millay suyuta kay pachamanta chinkachisaj. Chaywanpis Jacobpa ayllunmanta mana tukuyninkutachu chinkachisaj, nispa nin Tata Diosqa.

Amós 9:8 ပူးပေါင်းရင်းမြစ်များ

Génesis 6:7

Noqaqa runa ruwasqayta kay pachamanta chinkachisaj. Jinallataj tukuy uywakunata, pampata qhatatakuspa purejkunata, phawajkunatawan chinkachillasajtaj. Chaykunata ruwasqaymanta anchatapuni llakikuni, nispa.

Génesis 7:4

Noqataj qanchis p'unchaymantawan tawa chunka p'unchayta, tawa chunka tutatawan parachimusaj. Ajinata kay pachamanta tukuy kawsashaj ruwasqayta chinkachisaj, nispa.

1 Reyes 13:34

Ajinata ruwaspa Jeroboanqa mirayninta juchallicherqa, chayraykutaj aswan qhepaman tukuy ayllun wañuchisqa karqanku.

Proverbios 15:3

Tata Diosqa tukuynejpi kashan. Allin runakunata, mana allin runakunatapis qhawashallanpuni.

Proverbios 5:21

Tata Diosqa runaj imayna kawsasqanta qhawashallan, mayta purisqantapis rikushallantaj.

Jeremías 30:11

Noqa Tata Dios nillanitaj: Qankunawan kashani kacharichisunaykichejpaj, nispa. Tukuy suyukunata kantumanta tukuchisaj, mayqenkunamanchus ch'eqeracherqaykichej, chaykunata. Jinapis qankunata mana tukuchisqaykichejchu. Juchallikusqaykichejman jina jasut'isqaykichej. Mana jasut'isuspaqa manapuni saqesqaykichejchu. Noqa Tata Diosmin chayta nini.

Jeremías 44:27

Noqataj paykunata waqaychanaytaqa, ñak'ariykunata paykunaman kachaykusaj, manataj allin kajtachu. Judamanta Egiptopi tukuy tiyakushajkuna maqanakupi wañonqanku, chayrí yarqhaywan tukuchisqa kanqanku.

Jeremías 46:28

Noqa Tata Diosmin kayta nini: Ama manchachikuychu, Jacobpa ayllun, imaraykuchus noqa qanwan kashani. Maykunamanchus ch'eqeracherqayki, chay tukuy suyukunata phirisaj. Jinapis qantaqa mana chinkachisqaykichu, manachayqa mana allinta ruwasqaykiman jina jasut'ispa, cheqan ñanman churasqayki. Qanqa jasut'isqapuni kanayki tiyan. Noqa Tata Diosmin chayta nini.

Jeremías 5:10

Awqanku uva huertaman yaykuykuspa, t'ustichunku. Jinapis ama tukuynintachu q'arachunku. Yuranta k'ajllarachunku, imaraykuchus chay uva yurakuna mana Tata Diospatachu.

Oseas 1:4

Chantá Tata Diosqa Oseasta nerqa: Chay wawata Jezrel sutiwan sutichay, imaraykuchus mana unaymantachu kuraj kamachej Jehúj ayllunta jasut'isaj Jezrelpi runakunata wañurachisqanmanta. Jinamantataj Israelta wajpa makinman jaywaykusaj.

Oseas 1:6

Chantá Gomer ujtawan wijsallikuspa, uj warmi wawatañataj paqarichikorqa. Jinapi Tata Diosqa Oseasta nerqa: Chay wawata Lorrujama sutiwan sutichay, imaraykuchus noqaqa manaña Israel suyumanta khuyakusajchu. Manataj paykunata ujtawan qhespichisajchu.

Joel 2:32

32 (3.5) Chaywanpis pikunachus noqa Tata Diospa sutiyta oqharispa Diosninkupaj rejsikapuwajkunaqa wañunamanta qhespichisqa kanqanku. Noqa Tata Dios nisqayman jina Sión orqopi, Jerusalenpi ima paykunata qhespichisaj. Pikunatachá noqa ajllasaj, chaykunamin kawsanqanku.

Amós 3:12

Tata Dios nillantaj: Imaynatachus oveja michejqa leonpa siminmanta qhechun iskay chakillataña, chayrí uj ninrej puntallantaña, ajinallatataj Samariapi tiyaj israelitakunamanta, Damascopi sumaj puñunapi sirejkunamanta ima pisilla qhepakonqanku, nispa.

Amós 7:17

Tata Diostajrí kay jinata nisunki: Warmiyki llajta chawpipi phisu warmiman tukonqa, jinataj churiykikuna, ususiykikunapis wañurachisqa kanqanku. Jallp'aykitapis suerteta choqaspa rak'inakullanqankutaj, qantaj Diosta mana rejsejkunaj suyunkupi wañunki. Israelitakunapis mana munashajta llajtankumanta karu suyuman apasqa kanqanku, nispa.

Amós 9:10

Aylluymanta tukuy juchasapa kajkunarí espadawan wañuchisqa kanqanku, pikunachus ninku: Mana ima llakiypis qhatiriwasunchu, nitaj taripawasunchu, nispa, chaykuna.

Amós 9:4

Awqankukuna paykunata mana munashajta waj suyuman apanqanku chaypis, chaypipis espadawan wañuchinankuta kamachillasajtaj. Paykunataqa ñawillaypi purichisaj, mana allinninkupajchu, manachayqa llakiyninkupaj, nispa.

Deuteronomio 4:31

Tata Diosniykichejqa manchay khuyakuyniyoj kasqanrayku, mana saqerparisonqachejchu, nitaj chinkachisonqachejchu, nillataj ñawpa tataykichejkunawan tiluspa trato ruwasqanta qonqaponqachu.

Deuteronomio 6:15

imajtinchus Tata Diosniykichejqa qankunawan kashan. Payqa manchay celoso. Qankunaj contraykichejpichus phiñakunman chayqa, chinkarparichisunkichejman.