Amós 9:7 - DIOSPA QHELQACHISQ

⁷ Tata Dios kay jinata nin: Israelitakuna, qankuna noqapaj Etiopiamanta kajkuna jinalla kankichej. Imaynatachus Egiptomanta pusamorqaykichej, ajinallatataj filisteokunatapis Cretamanta pusamorqani, arameokunatapis Quirmanta pusamorqani, nispa.

Qheshwa Biblia DC

⁷ Ajinata nin Señorqa: Noqapajqa israelitas etiopeswan ujlla kankichej. Imaynatachus Egiptomanta pusamorqaykichej, ajinallatataj filisteostapis Cretamanta pusamorqani, arameostapis Kirmanta pusamorqani.

DIOSPA QHELQACHISQAN DEUTEROCANONICAL

⁷ Tata Dios kay jinata nin: Israelitakuna, qankuna noqapaj Etiopiamanta kajkuna jinalla kankichej. Imaynatachus Egiptomanta pusamorqaykichej, ajinallatataj filisteokunatapis Cretamanta pusamorqani, arameokunatapis Quirmanta pusamorqani, nispa.

Amós 9:7 ပူးပေါင်းရင်းမြစ်များ

2 Reyes 16:9

Asiria suyuta kuraj kamachejtaj Ajazta uyarispa, Damasco llajtaj contranta maqanakoj rerqa, chantá chay llajtata jap'erqa. Chay llajtayojkunatataj presota jina Quir llajtakama aparqa. Jinallataj kuraj kamachej Resintapis wañuchillarqataj.

2 Crónicas 14:12

12 (11) Chaypacha Tata Diosqa Etiopiamanta soldadokunata atipacherqa Asawan, Judamanta soldadonkunawan ima jinapitaj Etiopiamanta soldadokuna ayqerikaporqanku.

2 Crónicas 14:9

9 (8) Chantá paykunaj contrankupi Etiopiamanta Zerajqa mana yupay atina soldadokunawan maqanakoj jamorqa, 300 carretakunawan ima. Jinataj Maresakama chayamorqa.

Éxodo 12:51

Chay kikin p'unchayllataj Tata Diosqa israelitakunata t'aqa t'aqapi t'aqasqata Egiptomanta orqhorqa.

Isaías 20:4

Ajinata Asiriata kuraj kamachejqa Egipto llajtayojkunata, Etiopía llajtayojkunatawan, waynakunata, jinataj machu runakunatawan ukhunchana p'achayojllata waj suyukunaman apachenqa. Paykunaqa q'ara chakilla, sikinku rikhurishaj ima purenqanku, Egipto p'enqakunanpaj.

Isaías 22:6

Elammanta kajkuna arcowan flechanapaj wakichikunkuña, carretankukunaman, caballonkukunamanpis wicharinkuña. Quirmanta kajkunapis jark'akuna escudonkuta orqhomunkuña.

Isaías 43:3

Noqa Tata Diosniyki kani, Israelpa May Llimphu Kaj Diosnin, qhespichisojniykitaj. Kacharichisunaypaj noqa Egiptota, Etiopiata, Sebatawan ima qanmanta pagota jina qorqani.

Jeremías 13:23

Yana runaqa yurajman tukuyta atinmanchu? Atillanmantajchu onzaqa ch'ejchinta chinkachiyta? Ajinallatataj qankunapis millayta ruwanaman yachasqa kashaspa, manapuni allin kajta ruwayta atiwajchejchu.

Jeremías 47:4

Filisteokunata yanaparej llajtakunapis Tirotawan, jinataj Sidontawan Tata Dios chinkarparichillanqataj. Arí, Tata Diosqa Creta churupi llajtamanta yaykumoj filisteokunata chinkachenqa.

Oseas 12:13

13 (14) Tata Dios Israel ayllunta Egiptomanta uj sut'inchajnejta orqhomorqa, chay sut'inchajnejtataj paykunata waqaycharqa.

Amós 1:5

Jinallataj Damasco llajtaj punkunkunata kallpawan urmachisaj, Bicat Avenpi kamachejtataj phirita ruwasaj, jinallataj Bet Edenpi kamachejtapis. Siriokunapis Quirman apasqa kanqanku, nispa. Tata Dios ajinata nin.

Amós 2:10

Qankunatarí Egipto suyumanta orqhomorqaykichej, tawa chunka watatataj ch'innejpi pusaykacharqaykichej, amorreokunaj jallp'ankuta jap'inaykichejpaj.

Deuteronomio 2:23

Jinallatataj Caftorkunapis Cretamanta jamuspa, Gaza qayllapi tiyakoj aveokunata chinkachillarqankutaj. Chaypitaj paykuna tiyakaporqanku.