Amós 9:1 - DIOSPA QHELQACHISQ

¹ Chantá noqaqa Tukuyta Kamachej Diosta altar qayllapi sayashajta rikorqani. Paytaj niwarqa: Temploj sayantankunata wajtay, punkukuna thalakunankupaj. P'akirakuspa, runakunaj umankuman urmaykuchun. Noqataj puchojkunata espadawan wañurachisaj, manataj pipis pakakuyta nitaj ayqeytapis atenqachu.

Qheshwa Biblia DC

¹ Señorta altar patapi rikorqani, niwarqataj: Wasi k'aspista wajtay, punkus thalakunankama, runaspa uman patapitaj urmaykuspa t'unakuchunku, puchojkunatataj espadawan t'ojsispa wañurachisaj; jinamanta mana pipis kanqachu pakakoj, nitaj ayqejpis, jinamanta llusp'inampaj.

DIOSPA QHELQACHISQAN DEUTEROCANONICAL

¹ Chantá noqaqa Tukuyta Kamachej Diosta altar qayllapi sayashajta rikorqani. Paytaj niwarqa: Temploj sayantankunata wajtay, punkukuna thalakunankupaj. P'akirakuspa, runakunaj umankuman urmaykuchun. Noqataj puchojkunata espadawan wañurachisaj, manataj pipis pakakuyta nitaj ayqeytapis atenqachu.

Amós 9:1 ပူးပေါင်းရင်းမြစ်များ

2 Crónicas 18:18

Chantá Micaiasqa nillarqataj: Kunanqa Tata Diospa nisqanta uyariychej: Tata Diosta rikorqani kamachinan tiyanapi tiyasqata, paywan khuskataj janaj pachapi paña ladonpi, jinataj lloq'e ladonpipis angelkuna kasharqanku.

Salmos 68:21

21 (22) Diosninchejqa awqankunaj umankuta p'altanqa, pikunachus juchallispallapuni purinku, chaykunajta.

Salmos 68:22

22 (23) Tukuyta Kamachej Dios nin: Basanmanta kutichimusqayki. Mama qochaj sonqonmanta oqharisqayki.

Isaías 30:16

Aswanpis qankuna nerqankichej: Mana qanman chimpayta munaykuchu, aswanpis caballokunapi ayqesqayku, nispa. Arí, ajinatapuni ayqenkichej. Chaymantá nillarqankichejtaj: Sumajta correj carretakunaman wicharisqayku, nispa. Arí, chaywanpis qankunata qhatiykojkunaqa imata jina taripasonqachej.

Isaías 6:1

Kuraj kamachej Uziaspa wañupusqan watapi, noqaqa Tukuyta Kamachej Diosta chhika patapi sumaj kamachinan tiyanapi tiyashajta rikorqani, may jatunchasqata. P'achanpa kantuntaj Templonman junt'aykorqa.

Jeremías 11:11

Chayrayku noqa Tata Dios nini: Uj jatun ñak'ariyta paykunaman kachaykamusaj, chaymantataj mana ayqeyta atenqankuchu. May jinata yanapanayta qhaparikamuwajtinkupis, manapuni uyarisajchu.

Jeremías 42:16

maqanaku, yarqhay, mayqenkunatachus qankuna manchachikushankichej, chaypuni Egipto suyupi qhatirisonqachej, jaqaypitaj wañunkichej.

Jeremías 48:44

Pichus chay jatun manchariymanta ayqejqa t'oqoman urmaykonqa. Pichus t'oqomanta llojsimojtaj tojllapiñataj jarap'asqa kanqa, imaraykuchus noqaqa Moabpa patanman chay jasut'ina p'unchayta kachaykamusaj. Noqa Tata Diosmin chayta nini.

Ezequiel 1:28

Imaynatachus k'uychi phuyu chawpipi p'unchay paramojtin rikhurin, ajina lliphipirishaj muyuyninpi karqa. Tata Diospa jatun kayninpa lliphipiyninta mosqoypi jina rikusqayqa chay jina karqa. Chay jinata rikuspataj, pampakama k'umuykorqani, chaypitaj uj parlamojta uyarerqani.

Ezequiel 10:4

Chantá Tata Diospa jatun kayninpa lliphipiynin querubinkunaj patankumanta oqharikuspa, Diospa Templonman yaykuna chaynejman rerqa. Chantá phuyoqa Diospa Templonman junt'aykorqa, Tata Diospa jatun kayninpa lliphipiynintaj patio junt'ata k'anchaykorqa.

Ezequiel 15:7

Noqaqa paykunaj contrankupi sayarisaj. Ninamanta ayqejtinkupis, waj ninañataj paykunata q'olaykonqa. Noqa paykunaj contrankupi sayarejtiy, qankuna noqa Tata Dios kasqayta yachankichej.

Ezequiel 9:2

Chantá rikorqani sojta runakunata wichaynejman qhawaj punkunta yaykumushajta, sapa ujninkutaj armayoj karqanku. Paykunawan khuska linomanta ruwasqa p'achayoj runapis jamushallarqataj. Payqa chumpinpi qhelqanapaj imakuna aparisqa kasharqa. Chantá yaykumuytawan, paykuna broncemanta ruwasqa altar qayllapi sayarqanku.

Amós 3:14

Maypachachus Israelta juchallisqanmanta cuentata mañasaj chaypacha, Betelpi tukuy altarkunata phirisaj. Chay altarkunaj wajrankunapis sik'isqa kaspa, pampaman urmanqanku.

Amós 7:17

Tata Diostajrí kay jinata nisunki: Warmiyki llajta chawpipi phisu warmiman tukonqa, jinataj churiykikuna, ususiykikunapis wañurachisqa kanqanku. Jallp'aykitapis suerteta choqaspa rak'inakullanqankutaj, qantaj Diosta mana rejsejkunaj suyunkupi wañunki. Israelitakunapis mana munashajta llajtankumanta karu suyuman apasqa kanqanku, nispa.

Amós 7:9

Isaacpa yupaychanan wasikuna thuñisqa kanqanku, Israelpa lanti yupaychana templonkunapis urmachisqa kanqa. Jeroboanpa aylluntapis espadawan wañuchichisaj, nispa.

Habacuc 3:13

Qan aylluykita yanapaj llojsimunki, jinallataj ajllakusqayki kamachejta yanapanki. Millay runaj wasinpa qhatantapis qan phirerqanki, cimientontapis ura k'uchunkama rikhuricherqanki.

Sofonías 1:12

Chaypacha noqa lamparata jap'ichispa, Jerusalén llajtapi k'uchun k'uchunta mask'asaj. Chantá pikunachus vino jina tekalla kakojkunata jasut'isaj, mana ima llakiyniyoj kashanku, chaykunata. Paykunata jasut'isaj, imaraykuchus nishanku: Tata Dios mana allin kajta ruwanchu, nitaj mana allin kajtapis, nispa.

Sofonías 2:14

Wasinkumanta kurkukuna sik'irasqa kanqa, laqayanpitaj oveja tropa puñonqanku. Jinallataj tukuy imaymana k'ita animalkunapis chay laqayapi wasicharikonqanku. Jukuwan, ch'useqawanqa punku patapi puñonqanku. Suwintukunataj ventananpi, umbralninkunapiwan ch'ajwarenqanku.

San Juan 1:18

Mana pipis Diosta jayk'ajpis rikorqachu. Chaywanpis uj k'ata Churin, pichus Diosmin, pitajchus Tata Dioswan ujchasqa kawsan, paymin Tata Diosta rejsichiwanchej.

San Juan 1:32

Juan willallarqataj: Santo Espirituta urpita jina janaj pachamanta urayk'amojta rikorqani, chaytaj Jesusman tiyaykorqa.

Hechos 26:13

Kuraj kamachejníy, chawpi p'unchaynejta ñanta rishajtiy, janajmanta ujllata sinch'i k'anchay noqata muyuykuwarqa, noqawan khuska rejkunata ima. Chay k'anchayqa intimantapis aswan sinch'itapuni k'ancharerqa.

Josué 10:18

Chantá Josué kamacherqa: Jatuchaj rumikunata tanqaykuspa, chay chhanka jusk'uta wisq'aykuychej, punkumantaj qhawajkunata churaychej.

Apocalipsis 1:17

Maypachachus payta rikorqani chaypacha, noqa wañusqa jina ñawpaqenpi wijch'ukorqani. Paytajrí paña makinta patayman churaspa, niwarqa: Ama mancharikuychu. Noqa kani ñawpaj kaj, qhepa kajtaj,

Apocalipsis 8:3

Chaymantataj waj ángel jamuspa, altarpa ñawpaqenpi sayarqa, qorimanta incienso q'oshñichina jap'irisqa. Chantá chay angelman ashkha inciensota qorqanku, pay Diospa tukuy ajllakusqankunaj mañakusqankuman yapaspa, kamachina tiyanaj ñawpaqenpi, chay qori altarpi jaywananpaj.