Amós 8:8 - DIOSPA QHELQACHISQ

⁸ Chay jina millay ruwasqankumanta kay suyoqa kharkatitenqa. Jinallatataj chay suyupi tukuy tiyakojkuna waqanqanku. Chaypacha jallp'a pachallanmanta kuyurenqa, tiyaykonqataj, imaynatachus Nilo mayupi yaku ashkhayantaj pisiyantaj, jinata, nispa.

Qheshwa Biblia DC

⁸ Manachu jallp'aqa ikhakonqa kay tukuy imasmantaqa? Manachu chay jallp'api tiyajkunaqa waqanqanku? Chay jallp'ataj oqharikonqa tiyaykonqataj, imaynatachus Nilo mayu yaku ashkhayantaj pisiyantaj jinata.

DIOSPA QHELQACHISQAN DEUTEROCANONICAL

⁸ Chay jina millay ruwasqankumanta kay suyoqa kharkatitenqa. Jinallatataj chay suyupi tukuy tiyakojkuna waqanqanku. Chaypacha jallp'a pachallanmanta kuyurenqa, tiyaykonqataj, imaynatachus Nilo mayupi yaku ashkhayantaj pisiyantaj, jinata, nispa.

Amós 8:8 ပူးပေါင်းရင်းမြစ်များ

Salmos 18:7

7 (8) Chantá jallp'a sinch'ita khatatiterqa. Orqokunapis tejsinmantapacha kharkatiterqanku Tata Dios phiñakusqanrayku.

Isaías 5:25

Chayrayku Tata Diospa phiñakuynenqa ayllunpa contranta k'ajarin, makintataj jasut'inanpaj oqharin. Orqokunapis kharkatitinku, wañusqakunapis callepi q'opa jina wijch'urayashanku. Chay tukuywanpis Tata Diospa k'araj phiñakuynin manaraj thasnukunchu. Payqa jasut'inanpaj makin oqharisqallapuni kashan.

Jeremías 12:4

Mayk'ajkamataj jallp'a ch'akillapuni kanqari? Mayk'ajkamataj campopi qhorapis qawisqa kanqari? Uywakuna, p'isqokunapis wañurapushanku, kay suyupi tiyakojkunaj millay ruwasqanrayku. Paykunaqa imatachus ruwasqankuta qan mana rikusqaykita ninku, nispa.

Jeremías 46:7

Pitaj Nilo mayu jina wiñaykamuspa wasaykunri, sinch'i llump'irishaj mayu jinari?

Jeremías 46:8

Chayqa Egiptomin. Payqa Nilo mayupi yaku jina wiñan, sinch'ita llump'irishaj yaku jina. Egipto nin: Astawan wiñaykuspa, kay pachata p'ampaykusaj. Tukuy llajtakunata phiriykusaj, chaypi tiyakojkunatapis wañuchisaj, nispa.

Jeremías 51:29

Kay pacha ikhakun, kharkatitintaj, imaraykuchus Tata Dios wakichikusqanta junt'ashan, Babiloniata ch'in t'ajra pampaman tukuchinanpaj.

Daniel (hebreo) 9:26

Chay sojta chunka iskayniyoj semana qhepata Diospaj Ajllasqan Kuraj Kamachejta wañuchenqanku. Chantá waj kuraj kamachej jamuspa, Jerusalén llajtata, jinallataj Templotapis soldadonkunawan thuñiykuchenqa. Tukuy imaj tukukuynenqa jatun mayu jina ujllata chayamonqa. Chay tukukuykamarí Dios kamachisqanman jina maqanakuy, llakiykuna ima kallanqapuni.

Oseas 10:5

Samariamanta runakuna kharkatitinku, jinataj Bet Avenpi torillo lanti chinkachisqa kasqanmanta waqashanku. Chaymantamá chay llajtayojkuna, sacerdotekuna ima waqashanku, maypaj qhawasqanku lantinkuta wajkuna apakapusqankurayku.

Oseas 4:3

Chayrayku kay suyu lutuchasqa jinamin, chaypi kajkunataj kallpa wañusqa kanku. K'ita animalkunapis, p'isqokunapis, chantá mama qochapi challwakunapis chinkarapushanku.

Amós 8:10

Raymiykichejta waqanaman tukuchisaj, takisqaykichejtapis llakiy yarawiman. Lutochisqaykichej, umaykichejtataj t'ojluchisqaykichej, sinch'i llakisqa kasqaykichej yachakunanpaj. Waqankichej, imaynatachus uj runa waqan k'ata wawan wañupojtin, jinata. Tukuy imataj may llakiyman tukonqa, nispa.

Amós 9:5

Tukuy Atiyniyoj Tata Dios jallp'ata llankhan, jallp'ataj unuyan, chaypi tiyakojkunataj waqanku. Jallp'a oqharikonqa, tiyaykonqataj, imaynatachus Egiptopi Nilo mayu ashkhayantaj, pisiyantaj, jinata.

Nahúm 1:8

Chaywanpis imaynatachus yaku junt'aykuspa tukuy imata apakapun, ajinatamin paywan tukuy churanakojkunata picharparenqa. Tukuy awqankunata manchay laqhayaylla qhatirenqa.

San Mateo 24:30

Chaypacha Runaj Churinpa jamuyninmanta señal janajpi rikhurimonqa. Jinapitaj tukuy kay pachapi ayllukuna mayta manchachikuspa, waqanqanku. Chantá paykuna Runaj Churinta janaj pachamanta phuyu patapi jamushajta rikuwanqanku, jatun atiywan, jatun kayniypa lliphipiyninwan ima.