Amós 8:5 - DIOSPA QHELQACHISQ

⁵ Qankuna ninkichej: Mayk'ajllañataj mosoj killa raymi tukukonqa trigota ranqheyananchejpajri? Mayk'ajllañataj samarina p'unchay tukukonqa trigota kurajpi, chantá suwa romanapi ranqheyananchejpajri?

Qheshwa Biblia DC

⁵ Qankuna ninkichej: Mayk'ajllañataj mosoj killa fiesta chayamonqa chay qhepata trigota vendenanchejpajri? Mayk'ajllañataj samakuna p'unchay chayamonqa chay qhepata trigota ashkhapi, pisitataj, chanta mana allin pesaspitaj vendenanchejpajri?

DIOSPA QHELQACHISQAN DEUTEROCANONICAL

⁵ Qankuna ninkichej: Mayk'ajllañataj mosoj killa raymi tukukonqa trigota ranqheyananchejpajri? Mayk'ajllañataj samarina p'unchay tukukonqa trigota kurajpi, chantá suwa romanapi ranqheyananchejpajri?

Amós 8:5 ပူးပေါင်းရင်းမြစ်များ

2 Reyes 4:23

Qosantaj nerqa: Imaraykutaj kunan paywan parlaj riyta munankiri? Mana killa rikhuriy jatun p'unchaychu, nitaj samarina p'unchaychu, nispa. Paytajrí nerqa: Ama imamantapis llakikushaychu, nispa.

Éxodo 31:13

Israelitakunaman kay jinata ninki: Qankunaqa samarina p'unchayniyta maypaj qhawankichej, imaraykuchus samarina p'unchayqa qankunawan, mirayniykichejwan ima wiñaypaj tratota ruwasqaymanta señal kanqa. Chaynejta yachankichej noqa Tata Diosmin qankunata ajllakusqayta.

Proverbios 11:1

Tata Diosqa suwa pesakunata chejnikun, cabal pesakunamantarí kusikun.

Proverbios 16:11

Mana suwa pesakunawan, romanakunawan ima Tata Diospatamin kanku. Allin pesakunaqa paypa ruwasqanmin.

Proverbios 20:23

Mana cabal pesata, chantá suwa romanata ima Tata Dios chejnikun.

Isaías 1:13

Amaña qhasi manakaj jaywanata apamuwaychejchu. Inciensoykichejpa q'oshñinta millachikuni. Killa qallariy raymi ruwasqaykichej, samarina p'unchay waqaychasqaykichejpis qhasi manakaj. Raymi ruwasqaykichejqa millay, manaña rikuyta atinichu.

Isaías 58:13

Samarina p'unchaypi ama karuta puriychejchu, nitaj ajllakusqay p'unchaypi munayniykichejta ruwaychejchu. Manachayqa kayta niychej: Chay p'unchayqa Tata Diospa sumaj p'unchaynin, nispa. Chay p'unchaypi noqata jatunchawankichej mana imatachus munasqaykichejta ruwaspa, nitaj munasqaykichejta mask'aspa, nillataj qhasi manakajta parlaspa.

Oseas 12:7

7 (8) Tata Dios nin: Canaanqa mana cabalta pesaj balanzata apaykachan, imaraykuchus runakunata q'otiyaspa misk'irichikun.

Oseas 12:8

8 (9) Efraín nin: Qhapajyaykuni, jinataj tukuy imayoj kani. Jinapis ni pi ch'ataykuwanmanchu mana cheqan kajta ruwaspa qhapajyasqaymantaqa, nispa.

Levítico 19:36

Balanzaykichej, pesanaykichej romana, chantá chimpuykichejpis cabal kanan tiyan. Noqa Tata Diosmin Diosniykichej kani, pichus qankunata Egiptomanta orqhomusorqachej, chay.

Zacarías 5:6

Noqataj taporqani: Imataj chayri? nispa. Paytaj kutichiwarqa: Chayqa tukuy kay suyukunaj juchankuta chimpunapaj, nispa.

Zacarías 5:8

Chantá ángel niwarqa: Kay warmeqa millayta ruwanamin, nispa. Chantá chimpuna ukhuman chay warmita tanqaykuspa, titi kirpananwan kirpaykorqa.

Malaquías 1:13

Qankuna nillankichejtaj: Kay ruwanawan amisqaña kayku, nispa. Chayta nispa, pisipaj qhawawankichej. Chantá yuyankichejraj kusikunayta, maypachachus noqaman apamuwankichej suwasqa uywata, chakin p'akisqata, chayrí onqosqatapis, chaypacha. Noqa Tukuy Atiyniyoj Tata Dios chayta nini.

Números 10:10

Jinallataj raymita ruwanaykichejpaj, chantá mosoj killa raymita ruwanaykichejpaj ima, trompetata waqachinkichej. Jinallataj q'olachispa Tata Diosman jaywanata jaywashaspa, allinyakuy jaywanata ima jaywashaspa, trompetata waqachillankichejtaj. Ajinata ruwajtiykichej, noqa qankunamanta yuyarikusaj. Noqamin Tata Diosniykichej kani, nispa.

Colosenses 2:16

Chayrayku qankuna ama kasuta ruwaychejchu pipis imatachus mikhusqaykichejmanta, chayrí ujyasqaykichejmanta juchachasojtiykichej. Amallataj kasuychejchu pipis raymikunata mana ruwasqaykichejmanta, nitaj killa qallariy raymita, samarina p'unchaytapis mana maypaj qhawasqaykichejmanta juchachasojtiykichej.

1 Samuel 20:5

Davidtaj Jonatanman kuticherqa: Q'aya p'unchayqa mosoj killa raymi kanqa, noqataj kuraj kamachejwan khuska mikhunay kashan. Ama jinachu kay, saqeriway ch'inman rispa, minchha tardekama pakakamunayta.