Amós 8:11 - DIOSPA QHELQACHISQ

¹¹ Tukuyta Kamachej Tata Dios nillantaj: Uj p'unchay chayamonqa, chay p'unchaypitaj noqa yarqhayta kay pachaman apachimusaj. Mana t'antamanta yarqhaychu kanqa, nitaj yakumanta ch'akiychu. Manachayqa noqaj nisqayta uyarinamanta yarqhachikuyta apachimusaj.

Qheshwa Biblia DC

¹¹ Señorqa nin, jamushanku p'unchaykuna, chay p'unchaykunapi jallp'a pataman yarqhayta apachimusaj; mana t'antamanta yarqhaytachu, nitaj yakumanta ch'akiytachu, manachayqa Diospa palabranta uyarinamanta yarqhayta.

DIOSPA QHELQACHISQAN DEUTEROCANONICAL

¹¹ Tukuyta Kamachej Tata Dios nillantaj: Uj p'unchay chayamonqa, chay p'unchaypitaj noqa yarqhayta kay pachaman apachimusaj. Mana t'antamanta yarqhaychu kanqa, nitaj yakumanta ch'akiychu. Manachayqa noqaj nisqayta uyarinamanta yarqhachikuyta apachimusaj.

Amós 8:11 ပူးပေါင်းရင်းမြစ်များ

Salmos 74:9

Manaña wiphalaykuta rikuykuchu. Noqayku ukhupi Diosmanta sut'inchajkunapis manaña kankuchu. Chantá chay tukuy mayk'ajchus tukukunanta mana pipis niyta atiwaykuchu.

1 Samuel 3:1

Waynuchu Samuelqa Elí sacerdotewan khuska Tata Diospaj llank'ashallarqapuni. Chaypacha Tata Diosqa runakunaman mayninpi jinalla parlaj. Mosqoypi jina rikunapis manaña chhika karqachu.

2 Crónicas 15:3

May unayta Israelqa mana cheqa Diosniyojchu karqa, mana yachachej sacerdoteyoj, nitaj kamachejniyoj.

1 Samuel 28:6

Chantá Tata Diosta taporqa imatachus ruwananta. Tata Diostajrí mana ni mosqoypi jina, nitaj Urimnejtapis, nillataj Diosmanta sut'inchajkunanejtapis kuticherqachu.

Ezequiel 7:26

Llakiy kawsayqa qhepan qhepanta chayamonqa, mana allin willaykunataj ñataj ñataj uyarikonqa. Yanqhallata mask'anqanku mayqellanpis Diosmanta sut'inchananta. Paykunata yachachinankupaj sacerdotekuna mana kanqachu, nitaj kurajkunapis paykunata yuyaychanankupaj kallanqatajchu.

San Mateo 9:36

Ashkha runata rikuspataj, paykunamanta khuyakorqa, imaraykuchus paykuna saqerpayasqa, ch'eqerasqataj karqanku, mana michejniyoj ovejakuna jina.

Miqueas 3:6

Chayrayku tutapi Diosmanta sut'inchana tukukonqa, laqhapi Diosmanta sut'inchayta jap'inapis tukukapullanqataj. Inteqa chay sut'inchajkunapaj pakakonqa, p'unchaypis laqhayaykapullanqataj.

1 Samuel 28:15

Chantá Samuel nerqa: Imapajtaj kakushajta jamuchiwanki, imapajtaj wajyawankiri? nispa. Saultaj kuticherqa: Sinch'i llakisqa kashani, imaraykuchus filisteokuna junt'aykamushawanku, Diosrí qonqarpariwan. Manaña parlawanchu, ni Diosmanta sut'inchajkunanejta, nitaj mosqoynejtapis. Chayrayku wajyacherqayki imatachus ruwanayta ninawaykipaj, nispa.

Isaías 5:6

Ch'in t'ajra pampata ruwasaj. Manaña pipis uva sach'ata llimphuchanqachu, nitaj qhoranqachu. Manachayqa imaymana khishka qhorakuna junt'aykonqa. Phuyutapis nillasajtaj amaña chaynejman paramunanta, nispa.

Proverbios 29:18

Sichus runakuna Diospa nisqanta mana jap'ikunkuchu chayqa, runaqa kacharparisqa jina imaynapis purillan. Diospa kamachisqanta junt'ajrí may kusikuyniyojmin.

Oseas 2:3

3 (5) Manachus saqenqa chayqa, imaynatachus paqarerqa, ajina q'alallata saqesaj. Ch'in ch'aki jallp'a jinaman tukuchisaj, yaku ch'akiywantaj wañuchisaj.