Amós 7:9 - DIOSPA QHELQACHISQ

⁹ Isaacpa yupaychanan wasikuna thuñisqa kanqanku, Israelpa lanti yupaychana templonkunapis urmachisqa kanqa. Jeroboanpa aylluntapis espadawan wañuchichisaj, nispa.

Qheshwa Biblia DC

⁹ Isaacpa sumaj altaresnin thuñisqas kanqanku, Israelpa Diospa yupaychana wasisnin urmachisqas kanqanku. Espadata oqharisaj Jeroboampa ayllumpa contrampi.

DIOSPA QHELQACHISQAN DEUTEROCANONICAL

⁹ Isaacpa yupaychanan wasikuna thuñisqa kanqanku, Israelpa lanti yupaychana templonkunapis urmachisqa kanqa. Jeroboanpa aylluntapis espadawan wañuchichisaj, nispa.

Amós 7:9 ပူးပေါင်းရင်းမြစ်များ

Génesis 46:1

Jinamanta Jacobqa tukuy imanta apariykukuspa, purirerqa. Bersebaman chayaspataj, uywa ñak'asqata q'olacherqa tatan Isaacpa Diosninman jaywananpaj.

2 Reyes 14:24

Jeroboanqa mana Tata Diospa munasqanman jinachu ruwarqa, imajtinchus Nabatpata churin Jeroboán jinallataj ruwaspa, israelitakunata juchallicherqa.

Isaías 63:18

Noqayku ajllasqa aylluyki pisi tiempollapaj qanpaj t'aqasqa cheqata jap'erqayku. Kunantajrí awqaykukuna Temploykita sarunku.

Jeremías 51:51

Qankuna ninkichej: Turiyawasqaykuta uyarispa, p'enqakuyku. Uyaykutapis mana mayman churayta atiykuchu, imaraykuchus waj llajtayoj runakuna Templopi Diosllapaj T'aqasqa Cheqakama yaykunku, nispa.

Ezequiel 6:3

Israelpi orqokuna, lomakuna, vallekuna, mayukuna ima, uyariychej imatachus Tukuyta Kamachej Tata Dios nisqanta: Maqanakuta qankunaman apachimusqaykichej, lanti yupaychanaykichejtataj thuñirasaj.

Oseas 10:8

Bet Avenpi lanti yupaychana cheqakuna thuñisqa kanqanku, maypichus Israelpi tiyakojkuna juchallej kanku, chaykuna. Chay altarninkukuna patapi qhewayllukuna, khishkakuna ima wiñanqanku. Runakunataj orqokunata nenqanku: Pakaykuwayku, nispa, moqokunatataj nenqanku: Pataykuman urmaykamuwayku, nispa.

Amós 3:14

Maypachachus Israelta juchallisqanmanta cuentata mañasaj chaypacha, Betelpi tukuy altarkunata phirisaj. Chay altarkunaj wajrankunapis sik'isqa kaspa, pampaman urmanqanku.

Amós 5:5

Amaña Betelman qayllaychejchu, amataj Gilgalman riychejchu. Amallataj Bersebanejtapis chimpaychejchu, imaraykuchus Gilgalpi tiyakojkuna apasqa kanqanku, Beteltaj laqayallamanña tukuchisqa kanqa, nispa.

Amós 7:11

Payqa tukuynejta purispa, kay jinata nishan: Jeroboán espadawan wañuchisqa kanqa, tukuy Israel ayllutaj mana munashaj waj suyuman apasqa kanqa, nispa.

Amós 7:13

Amaña Betelpi Diosmanta sut'inchaychu, imaraykuchus kay llajtapi tiyan tukuy israelitakunaj kuraj kaj templonku, maymanchus kuraj kamachejwan, tukuy runawan ima yupaychaj jamunku, chay, nispa.

Amós 8:14

Samariaj lantinkunarayku tilojkunapis, pikunachus ninku: Dan aylloj diosninrayku, chayrí Bersebaj diosninkunarayku tiluyku, nispa, chaykunapis urmanqanku, manañataj ujtawan oqharikonqankuchu.

Amós 9:1

Chantá noqaqa Tukuyta Kamachej Diosta altar qayllapi sayashajta rikorqani. Paytaj niwarqa: Temploj sayantankunata wajtay, punkukuna thalakunankupaj. P'akirakuspa, runakunaj umankuman urmaykuchun. Noqataj puchojkunata espadawan wañurachisaj, manataj pipis pakakuyta nitaj ayqeytapis atenqachu.

Miqueas 1:5

Chay ajina kanqa, Jacobpa ayllun mana kasukusqanrayku, Israel suyu juchallikusqanrayku ima. Jacob imata ruwaspa juchallinri? Imatachus ruwasqanqa Samaria llajtapi kashan. Maypitaj Judá suyoj lanti yupaychanan kashanri? Chayqa Jerusalén llajtapi kashan.