Amós 7:3 - DIOSPA QHELQACHISQ

³ Chantá Tata Dios khuyakuspa, nerqa: Chaytaqa mana ruwasajchu, nispa.

Qheshwa Biblia DC

³ Señortaj chay imasta ruwayta mana munarqachu, chayqa mana jinachu kanqa, nispa.

DIOSPA QHELQACHISQAN DEUTEROCANONICAL

³ Chantá Tata Dios khuyakuspa, nerqa: Chaytaqa mana ruwasajchu, nispa.

Amós 7:3 ပူးပေါင်းရင်းမြစ်များ

Génesis 6:7

Noqaqa runa ruwasqayta kay pachamanta chinkachisaj. Jinallataj tukuy uywakunata, pampata qhatatakuspa purejkunata, phawajkunatawan chinkachillasajtaj. Chaykunata ruwasqaymanta anchatapuni llakikuni, nispa.

1 Crónicas 21:15

Chantá Diosqa Jerusalén llajtata tukuchinanpaj uj angelta kacharqa. Ángel Jerusalenpi tiyakojkunata tukuchishasqanta rikuspataj, Tata Dios mayta llakikorqa. Chayrayku wañuchej angelta kamacherqa: Chayllaña kachun, amaña wañuchiychu, nispa. Chaypacha Tata Diospa angelnenqa jebuseo Ornanpa eranpi kasharqa.

Salmos 106:45

Paykunawan trato ruwasqanmanta yuyarikuspa, mana tukukoj khuyakuyniyoj kasqanrayku, paykunata qhespicherqa.

Salmos 78:38

Diostajrí khuyakuyniyoj kaspa, mana allin ruwasqankuta pampachaj, paykunata mana tukuchispalla. Tata Dios ashkha kutita phiñakuyninta ñit'iykukorqa, manataj phiñakuyninwan atipachikorqachu.

Salmos 90:13

Tata Dios, noqaykuman kutirimpuy. Mashkha unaytataj suyachikuwasqaykuri? Kay kamachiykikunamanta khuyarikuy ari.

Éxodo 32:14

Chantá Tata Dios sonqonta tiyaykuchikorqa, manañataj Israel ayllunta chinkachiyta yuyasqanta ruwarqachu.

Jeremías 26:19

Miqueas imatachus nisqanmanta kuraj kamachej Ezequías chantá Judamanta runakunapis payta wañuchisqankuchuri? Manachu kuraj kamachejqa Tata Diosta manchachikuspa, mañakusqa paykunamanta khuyarikunanta? Chayrayku Tata Diosqa ñak'arichinan willachisqanta mana junt'asqachu. Sichus noqanchej Jeremiasta wañuchisun chayqa, Tata Dios jasut'iwasun, nispa.

Jeremías 42:10

Sichus qankuna kay suyupi qhepakunkichej chayqa, noqa qankunata yanapasqaykichej, manataj chinkachisqaykichejchu. Sach'ata jina mallkisqaykichej, manataj t'irasqaykichejchu. Mayta llakikuni kay ñak'ariykunata qankunaman kachaykamusqaymanta.

Oseas 11:8

Efrainníy, imaynatataj saqerparisqaykiri? Israelníy, imaynatataj wijch'urparisqaykiri? Imaynatataj Adma llajtata jina chinkarparichiykimanri? Imaynatataj Zeboyin llajtawan ruwarqani, ajinallatatajchu qanwanpis ruwaymanri? Sonqoyqa wawayawan qanpaj khuyakuyniy junt'a kasqanrayku.

Joel 2:13

Sinch'i llakisqa kasqaykichejmanta p'achaykichejta llik'inaykichejtaqa sonqoykichejta p'akikuychej, nispa. Tata Diosniykichejman kutirimpuychej, imaraykuchus Tata Diosqa may khuyakuyniyoj, jatun sonqoyojtaj. Jinallataj pay may pacienciayoj, tukuy munakuyniyojtaj. Jasut'inan kashajtinpis, payqa runaj juchanta pampachan.

Joel 2:14

Ichapis Tata Dios manaña nisqanman jina qankunata jasut'isonqachejchu. Aswanpis khuyarikuspa, chajrata poqochipusonqachej, vinotawan qosonqachej, Tata Diosniykichejman jaywanaykichejpaj.

Amós 5:15

Mana allin kajta chejniychej, allin kajtataj munakuychej. Justicia ruwana wasipi cheqan justicia ruwasqa kananta mask'aychej. Jinata ruwajtiykichej, ichapis Tukuy Atiyniyoj Tata Dios puchoj israelitakunamanta khuyarikunman.

Amós 7:6

Chayrayku Tata Dios imatachus yuyasqanta manaña ruwayta munarqachu: Manallataj chaypis kanqachu, nispa.

Jonás 3:10

Chantá Dios Nínive llajtayojkuna millay puriyninkuta saqesqankuta rikuspa, imatachus nisqanta manaña ruwarqachu.

Deuteronomio 32:36

Chaypacha Tata Diosqa pisi kallpayojta, rikuspa ayllunman kutikonqa. Tata Diosqa kamachinkunamanta khuyakonqa, manaña kallpayoj, nitaj pisi kallpayoj qhepakusqankuta rikuspa.

Santiago 5:16

Chayrayku, ujkuna ujkuna juchaykichejta rimarinakuychej, jinallataj ujkuna ujkunapaj Diosmanta mañapuychej, Tata Dios qhaliyachisunaykichejpaj. Cheqan runa tukuy sonqo Diosmanta mañakojtin, Dios uyarenqapuni.