Amós 7:2 - DIOSPA QHELQACHISQ

² Chantá chay phinki phinkikuna chajrata tukuykushajtinña, nerqani: Tukuyta Kamachej Tata Dios, juchaykuta pampachawayku. Imawantaj kawsasqayku juch'uy suyulla kashaspari? nispa.

Qheshwa Biblia DC

² Chay langostasqa chay chajrasta rukushajtinña noqa nerqani: Señor Dios, juchasniykuta pampachapuwayku. Imaynatataj Jacobpa chhikititan aylluyki ñak'arenqari?

DIOSPA QHELQACHISQAN DEUTEROCANONICAL

² Chantá chay phinki phinkikuna chajrata tukuykushajtinña, nerqani: Tukuyta Kamachej Tata Dios, juchaykuta pampachawayku. Imawantaj kawsasqayku juch'uy suyulla kashaspari? nispa.

Amós 7:2 ပူးပေါင်းရင်းမြစ်များ

Salmos 12:1

1 (2) Qhespichiwayku Tata Dios, imaraykuchus qanta may jatun respetowan qhawajkunaqa manaña kankuchu, nillataj ch'uwa sonqoyoj runakunapis.

Éxodo 10:15

Phinki phinkikunaqa pampaman yanalla tiyaykusqanrayku, mana jallp'a rikukorqachu. Chantá jallp'api tukuy q'omer kajta, sach'akunaj poqoyninta, chijchi paramanta imachus puchojta ima mikhuykorqanku. Chayrayku tukuy Egiptopi ni ima q'omer, ni ima sach'a laqhe, nitaj qhorapis puchorqachu. Q'arallata saqerqanku.

Éxodo 34:9

Diosníy, sichus khuyarikuspa qhawarinawaykita tarini chayqa, noqaykuwan riy ari. Kay runakunaqa mana uyarikuyta munaj kanku. Chaywanpis millayta ruwaspa purisqaykuta, juchaykuta ima pampachapuwayku, jinaspataj, aylluykita jina jap'ikapuwayku, nispa.

Isaías 37:4

Ichapis Tata Diosniyki Asiriamanta soldadokunata kamachejpa nisqanta uyarin, pitachus Asiriata kuraj kamachej kachamun kaypi Kawsaj Diospa contranta parlananpaj, chaypata. Tata Diostaj payta imatachus parlasqanmanta jasut'ichun. Chayrayku Tata Diosmanta mañapuwayku ari, kaypi mashkhachus puchunchejraj, chaykunapaj, nispa.

Isaías 51:19

Kay iskay llakiykuna qanta qhatirisorqa: Llajtaykeqa tukuchisqa, ch'inpacha saqesqa karqa, runaykikunataj yarqhaywan, espadawan ima wañurachisqa karqanku. Kunantaj pitaj qanmanta llakikonqari? Pitaj sonqochaykurisonqari?

Jeremías 14:7

Runakuna ninku: Tata Dios, juchayku ch'ataykushawayku chaypis, sutiyki jatunchasqa kananrayku yanapawayku ari. Noqaykoqa ashkha kutita qanmanta karunchakorqayku, contraykitataj mayta juchallerqayku.

Jeremías 42:2

Diosmanta sut'inchaj Jeremiasta nerqanku: Kay mañakusqaykuta uyaririwayku, amataj qhesachawaykuchu. Kay pisilla puchojkunapaj Diosniykimanta mañapuwayku. Ñawpajta ashkha karqayku, kunantajrí uj chhikallaña kayku, rikunki jina.

Ezequiel 11:13

Tata Diospa sutinpi paykunaman chayta parlashajtillayraj, Benaiaspa churin Pelatías wañorqa. Noqataj pampakama k'umuykorqani, jatunmanta qhaparispataj, nerqani: Ay, Tukuyta Kamachej Tata Dios, pisi puchoj israelitakunatapis tukuynintachu wañurachinki? nispa.

Ezequiel 9:8

Chay jinata runakunata wañurachishajtinku, noqa sapallay qhepakuspa, pampakama k'umuykorqani, qhaparikuspataj nerqani: Tukuyta Kamachej Tata Dios, phiñakuyniykita Jerusalenman kachaykamuspa, tukuyninkutachu tukuchinki? Israelitakunaqa pisillaña kanku, nispa.

Daniel (hebreo) 9:19

Tukuyta Kamachej Diosniyku, uyariwayku. Tukuyta Kamachej Diosniyku, juchaykuta pampachay ari. Uyarillawayku, Tukuyta Kamachej Diosniyku, jamuspataj yanapariwayku. Qanpa sutiykirayku, Diosníy, usqhayllata jamuy ari, llajtaykipi, aylluykipi ima sutiyki yupaychasqa kasqanrayku, nispa.

Joel 2:17

Templopi altar qayllapi Tata Diospaj ruwanayoj sacerdotekunapis waqaspa kay jinata mañachunku: Tata Diosniyku, kay tukuy runaj juchankuta pampachay ari. Ama saqeychu qanpata kajkunamanta pipis alqochakunanta. Amallataj saqeychu waj suyumanta runakuna suyuykita kamachinankuta. Amallataj saqeychu qanta mana manchachikojkuna ninankuta: Maypitaj kashan israelitakunaj Diosninkuri? nispa.

Amós 4:9

Chantá ch'aki wayrawan jasut'erqaykichej, chajraykichejtapis khuruwan tukuykucherqani. Huertaykichejta ch'akicherqani, jinallataj uva sach'aykichejtapis. Phinki phinkikunawan higo sach'aykichejta, olivo sach'aykichejta ima tukuykucherqani. Qankunatajrí mana noqaman kutirikamuwarqankichejchu. Noqa Tata Diosmin chayta nini.

Amós 7:5

Chantá nerqani: Ama ari chayta ruwaychu, Tukuyta Kamachej Tata Dios. Imawantaj kawsasqayku juch'uy suyulla kashaspari? nispa.

Zacarías 4:10

Wasi perqay qallariypi pisillata ruwasqata rikuspa, pikunachus pisipaj chayta qhawarqanku, chaykuna Zorobabelpa tukuychasqanta rikuspa, kusikonqanku, nispa. Chantá ángel nillawarqataj: Kay qanchis lamparakunaqa Tata Diospa ñawinkuna kanku, pichus tukuy kay pachata qhawashan, chaypata, nispa.

Apocalipsis 9:4

Chay phinki phinkikunaqa kamachisqa karqanku jallp'api kaj qhorata, ni ima q'omerta, nitaj ima sach'atapis ama imananankuta. Manachayqa runakunallata ñak'arichinanku karqa, pikunachus mat'inkupi Diospa sellonwan mana sellasqachu karqanku, chaykunata.