Amós 7:17 - DIOSPA QHELQACHISQ

¹⁷ Tata Diostajrí kay jinata nisunki: Warmiyki llajta chawpipi phisu warmiman tukonqa, jinataj churiykikuna, ususiykikunapis wañurachisqa kanqanku. Jallp'aykitapis suerteta choqaspa rak'inakullanqankutaj, qantaj Diosta mana rejsejkunaj suyunkupi wañunki. Israelitakunapis mana munashajta llajtankumanta karu suyuman apasqa kanqanku, nispa.

Qheshwa Biblia DC

¹⁷ Kay jinatamin nin Señorqa: Warmiyki llajta chaupipi qhenchachakonqa, qhari wawasniyki, jinataj warmi wawasniykipis wañurachisqas kanqanku espadawan. Jallp'asniykitaj sorteopi rak'ikonqanku, qantaj wañumunki mana cheqan Diospi creejkunaj llajtampi, israelitastaj karu llajtasman presos apachisqas kanqanku jallp'asninkumanta.

DIOSPA QHELQACHISQAN DEUTEROCANONICAL

¹⁷ Tata Diostajrí kay jinata nisunki: Warmiyki llajta chawpipi phisu warmiman tukonqa, jinataj churiykikuna, ususiykikunapis wañurachisqa kanqanku. Jallp'aykitapis suerteta choqaspa rak'inakullanqankutaj, qantaj Diosta mana rejsejkunaj suyunkupi wañunki. Israelitakunapis mana munashajta llajtankumanta karu suyuman apasqa kanqanku, nispa.

Amós 7:17 ပူးပေါင်းရင်းမြစ်များ

2 Reyes 17:6

Oseas jisq'on watataña kamachishajtin, Asiria suyuta kuraj kamachejqa Samariata jap'erqa, chaypi tiyakoj israelitakunatataj Asiriaman aparqa. Chaypi paykunata Jalajman, Jaborman, Gozán mayu qayllaman, medokunaj llajtankuman ima churarqa.

Salmos 78:55

Diosqa chaypi tiyakoj runakunata israelitakunaj ñawpaqenkumanta wijch'orqa, chay jallp'atataj Israelpa ayllunkunaman chayaqeta jina rak'irarqa. Chantá paykunata toldonkupi tiyaracherqa.

Isaías 13:16

Chay soldadokunaqa wawakunata tatankoj ñawpaqenpi pampaman ch'allpanqanku. Wasinkumanta tukuy imata suwarakaponqanku, warminkutapis alqochanqanku.

Isaías 22:18

Pelotata jina morq'oykususpa, karu jatun suyukama bolalachisonqa. Chaypi wañunki, chaypitaj may uyarisqa carretaykikuna qhepakonqanku, qantaj kuraj kamachejpaj p'enqay kanki.

Jeremías 14:16

Pikunamanchus llullakuspa parlashanku, chay runakunapis maqanakupi chantá yarqhaywan wañonqanku, jinallataj warminku, churinku, ususinku ima. Ayankutaj Jerusalenpa callenkunapi wijch'urasqa kanqanku, manataj pipis paykunata p'ampaykoj kanqachu. Ajinamanta millay ruwasqankuman jina ñak'arichisqa kanqanku, nispa.

Jeremías 20:6

Qanrí, Pasjur, tukuy aylluykiwan khuska Babiloniaman apasqa kanki. Chaypi wañunki, chayllapitaj qanta p'ampasonqanku, tukuy kawsaqeykikunatawan, pikunamanchus qan llullakuspa Diospa sut'inchajnin jina sut'incharqanki, chaykunata, nispa.

Jeremías 28:12

Jananías Jeremiasmanta yugota qhechuspa, p'akisqanmanta qhepanejman Tata Dios Jeremiasta nillarqataj:

Jeremías 28:16

Chayrayku Tata Dios nisunki: Noqaqa kay pachamanta chinkachisqayki. Qanqa kay watapi wañunki, imaraykuchus sut'inchasqaykiwan runakunata enqhaykunki contrayta oqharikunankupaj, nispa.

Jeremías 29:21

Israelpa Tukuy Atiyniyoj Tata Diosnin kay jinata nin: Colaiaspa churin Ajab, jinataj Maseiaspa churin Sedequías ima llullakuspa nishanku: Tata Diospa sutinpi qankunaman willashayku, nispa. Noqatajrí paykunata Babiloniata kuraj kamachej Nabucodonosorpa makinman urmachisaj, paytaj rikushajtiykichej, paykunata wañurachenqa.

Jeremías 29:25

Israelpa Tukuy Atiyniyoj Tata Diosnin nisunki: Qanllamanta uj cartata apacherqanki, pikunachus Jerusalenpi kashanku, chay tukuy runaman, Maseiaspa churin sacerdote Sofoniasman, chantá tukuy puchoj sacerdotekunaman ima. Chay cartapitaj Sofoniasman nerqanki:

Lamentaciones 5:11

Sión llajtapi awqakunaqa warmiykuta alqochaspa, honrankuta t'akarqanku. Judá jap'iypitaj sipasniykoj honrankutapis t'akallarqankutaj.

Ezequiel 4:13

Chantá Tata Dios nillarqapuni: Israelitakunaqa ajina ch'ichipaj qhawasqa t'antata mikhonqanku, maymanchus paykunata apachisaj, chay suyukunapi, nispa.

Oseas 9:3

Efrainqa Egiptoman kutirenqa, Asiriapitaj ch'ichipaj qhawasqa mikhunata mikhonqa. Manañataj Tata Diospa suyunpi tiyakonqachu.

Amós 6:7

Chayrayku qankuna ñawpajta waj suyuman apasqa kankichej, ajinataj raymiykunapi munasqaykichejta ruwasqaykichej tukukonqa.

Amós 7:11

Payqa tukuynejta purispa, kay jinata nishan: Jeroboán espadawan wañuchisqa kanqa, tukuy Israel ayllutaj mana munashaj waj suyuman apasqa kanqa, nispa.

Amós 8:1

Tukuyta Kamachej Tata Dios mosqoypi jina rikuchiwarqa poqoyniyoj uj canastata.

Amós 9:1

Chantá noqaqa Tukuyta Kamachej Diosta altar qayllapi sayashajta rikorqani. Paytaj niwarqa: Temploj sayantankunata wajtay, punkukuna thalakunankupaj. P'akirakuspa, runakunaj umankuman urmaykuchun. Noqataj puchojkunata espadawan wañurachisaj, manataj pipis pakakuyta nitaj ayqeytapis atenqachu.

Amós 9:8

Tukuyta Kamachej Tata Dios qhawamushan kay juchasapa suyuta. Chantá nin: Kay millay suyuta kay pachamanta chinkachisaj. Chaywanpis Jacobpa ayllunmanta mana tukuyninkutachu chinkachisaj, nispa nin Tata Diosqa.

Miqueas 1:16

Sión llajtapi tiyakojkuna, munasqa wawaykichejkunarayku may llakisqa kasqaykichejta rikuchispa, sunkhaykichejta raphakuychej. Suweq'araj umanman rijch'akunankama umaykichejta ruthukuychej, imaraykuchus wawaykichejkunaqa mana munashajpis waj suyuman apasqa kanqanku.

Zacarías 14:2

Chay p'unchaypi Tata Diosqa tukuy suyukunata tantanqa Jerusalenpa contranta maqanakunankupaj. Chaypacha paykuna Jerusalén llajtata jap'enqanku, chaypi tiyakojkunaj wasinkukunatapis ch'inyachenqanku. Chay runakunaj warminkutapis alqochanqanku, chaypi tiyakojkunamantataj khuskannin waj suyukunaman apasqa kanqanku. Chaykunamanta puchojkunalla llajtapi qhepakonqanku.