Amós 7:14 - DIOSPA QHELQACHISQ

¹⁴ Amostajrí Amasiasman kuticherqa: Noqaqa mana Diosmanta sut'inchajchu kani, nitaj Diosmanta sut'inchaj kanaypaj yachachiwarqankuchu. Kawsanaypajqa uywata michini, k'ita higotataj pallakuni.

Qheshwa Biblia DC

¹⁴ Amostaj chayman kutichin: Noqaqa mana profetachu kani, nitaj munanichu kayta. Kausanaypajqa ganakuni ovejasta michispa, k'ipa higoskunasta pallaspataj.

DIOSPA QHELQACHISQAN DEUTEROCANONICAL

¹⁴ Amostajrí Amasiasman kuticherqa: Noqaqa mana Diosmanta sut'inchajchu kani, nitaj Diosmanta sut'inchaj kanaypaj yachachiwarqankuchu. Kawsanaypajqa uywata michini, k'ita higotataj pallakuni.

Amós 7:14 ပူးပေါင်းရင်းမြစ်များ

1 Reyes 19:19

Eliasqa chaymanta ripuspa, Safatpa churin Eliseota tarerqa. Payqa chunka iskayniyoj yuntawan llank'achisharqa, chaykunamanta ujnin yuntawantaj qhepallata risharqa. Jinallapi Eliasqa ponchon jina qhatananta Eliseoj patanman choqaykorqa.

1 Reyes 20:35

Chaykama wajnejpi Diosmanta uj sut'inchajqa sut'inchaj masinta nerqa: Maqaway, nispa. Paytajrí mana maqayta munarqachu.

2 Reyes 2:15

Chaypacha Jericomanta sut'inchajkuna Jordán mayoj chimpanmanta chayta qhawamusharqanku. Jinataj ninakorqanku: Eliseoqa Eliaspa cuentanpi qhepakun, nispa. Chantataj paykunaqa Eliseota taripaj rerqanku, qayllaykuspataj, pampakama k'umuykorqanku.

2 Reyes 2:3

Betelman chayashajtinku, Betelpi tiyakoj sut'inchajkunaqa Eliseota taripaj llojsimuspa, payta nerqanku: Yachankichu Tata Diosqa yachachejniykita kunan pusakapunanta? nispa. Eliseotaj kuticherqa: Arí, yachaniña. Ch'inlla kaychej, nispa.

2 Reyes 2:5

Chantá Jericoman chayashajtinku, Jericopi tiyakoj sut'inchajkunaqa Eliseota nillarqankutaj: Yachankichu Tata Dios kunan yachachejniykita pusakapunanta? nispa. Eliseotaj kuticherqa: Arí, yachaniña. Ch'inlla kaychej, nispa.

2 Reyes 2:7

Chantá sut'inchajkunamanta phishqa chunka chayamuspa, paykunamanta karunejpi sayarqanku. Eliaswan, Eliseowantajrí Jordán mayu patapi sayallarqankutaj.

2 Reyes 4:38

Chaymanta Eliseoqa Gilgalman kutimorqa. Chaypacha chay cheqanejpi manchay yarqhay kasharqa. Uj kuti Eliseoqa Diosmanta sut'inchajkunawan khuska tiyashaspa, kamachinta nerqa: Mikhunata wayk'unaykipaj jatun mankata churamuy, nispa.

2 Reyes 6:1

Uj kuti Diosmanta sut'inchajkuna Eliseota nerqanku: Maynejpichus qanwan tiyakushayku, chaynejqa ancha k'iski.

2 Crónicas 16:7

Chay tiempopi Diosmanta sut'inchaj Jananiqa Judáj kuraj kamachejnin Asaman rispa, nerqa: Tata Diospi atinikunaykitaqa, qanqa Siriaj kuraj kamachejninpi atinikorqanki. Chayrayku Siriaj soldadonkunata jap'inaykipaj kashajtin, llusp'inku.

2 Crónicas 19:2

Chantá Diosmanta sut'inchaj Jehú, pichus Jananíj churin karqa, chay runaqa Josafatta taripaj llojsispa, nerqa: Imaraykutaj chay millay runata yanapankiri, Tata Diosta chejnikojkunawantaj kawsakunkiri? Chayrayku kunanqa Tata Dios qanpaj phiñakun.

2 Crónicas 20:34

Josafat kamachishaspa tukuy ruwasqan qallariymanta tukukuyninkama Diosmanta sut'inchaj Jananíj churin Jehúj qhelqanpi qhelqasqa kashan. Israelpa kuraj kamachejkunaj qhelqanpipis qhelqasqallataj kashan.

Job 30:4

Ch'umi ukhumanta qhorata pallakoj kanku, retamaj saphintataj mikhoj kanku.

Amós 1:1

Kaymin Amospa willasqan. Payqa Tecoa llajtamanta karqa, uywata mirachej runataj. Diosqa mosqoypi jina Amosman nerqa israelitakunaman sut'inchananpaj, jallp'a ikhakuymanta iskay wata ñawpajta, Judapi Uzías kuraj kamachej kashajtin, Israelpitaj Joaspa churin Jeroboán kamachishajtin.

Amós 3:8

León qhaparejtin, pitaj mana kharkatitinmanchu? Tukuyta Kamachej Tata Dios parlajtin, pitaj Tata Diospa sutinpi mana sut'inchanmanchuri?

Zacarías 13:5

Manachayqa sapa ujpis nenqa: Noqaqa mana Diosmanta sut'inchajchu kani, manachayqa llank'aj runalla. Wayna kasqaymantapacha chajrapi llank'aj kani, nispa.

1 Corintios 1:27

Diostajrí kay pachapi wampupaj qhawasqa kajkunata ajllakorqa yachayniyojkunata p'enqachinanpaj. Ajllakullarqataj kay pachapi pisi kallpayojkunata p'enqachinanpaj.

1 Samuel 10:11

Pikunachus Saulta rejsejkuna Diosmanta sut'inchajkunatawan khuska rikuspa, ninakorqanku: Cispa churin, imanakuntajri? Saulpis Diosmanta sut'inchajllamantajchu tukupun? nispa.