Amós 7:12 - DIOSPA QHELQACHISQ

¹² Chantá sacerdote Amasías Amosta kamacherqa: Diosmanta sut'inchaj, ripuy kaymanta. Sichus Diosmanta sut'inchaspa kawsayta munanki chayqa, ripuy Judá suyuman, chaypitaj sut'inchamuy.

Qheshwa Biblia DC

¹² Chaymanta Amasías Amosta kamacherqa: Profeta, riy kaymanta. Diosmanta willaspa kausayta munanki chayqa, ripuy Judaman, chaypi willamuy.

DIOSPA QHELQACHISQAN DEUTEROCANONICAL

¹² Chantá sacerdote Amasías Amosta kamacherqa: Diosmanta sut'inchaj, ripuy kaymanta. Sichus Diosmanta sut'inchaspa kawsayta munanki chayqa, ripuy Judá suyuman, chaypitaj sut'inchamuy.

Amós 7:12 ပူးပေါင်းရင်းမြစ်များ

2 Crónicas 16:10

Chayta uyarispa, kuraj kamachej Asaqa sinch'itapuni phiñarikorqa, Jananitataj carcelman wisq'aykucherqa. Jinallatataj chay kutipeqa kamachisqan runakunamanta wakinkunata llakiyta ñak'aricherqa.

Isaías 30:10

Paykunaqa mosqoypi jina sut'inchajkunata ninku: Amaña mosqoypi jina imatapis rikuychejchu, nispa. Jinallataj Diosmanta sut'inchajkunamanpis nillankutaj: Ama cheqan kajtaqa sut'inchawaykuchu, manachayqa misk'illata parlaykuwayku, llullallata willawayku, amataj sut'inchasqaykichejwan q'enaqachiwaykuchu.

Isaías 56:11

Alqo jina mikhunawan mana sajsakuyta atej kanku. Paykuna michejkuna kashaspapis, mana yuyayniyoj wampu kanku. Sapa ujninku imatachá munasqankuta ruwaspa purinku. Sapa ujninku imachá paykunapaj allin kajllata mask'akunku munasqankuman jina.

Ezequiel 13:19

Qankunaqa aylluy ukhupi uj maki cebadarayku, uj chhikan t'antaraykutaj watuspa, honrayta t'akankichej. Wañunanpaj kaj runatataj kawsananta ninkichej, kawsananpaj runatataj wañunanta sut'inchankichej. Ajinata qankuna aylluyta ch'awkiyankichej, llullata sut'inchasqaykichejmanta jap'ikusqankurayku.

Amós 2:12

Qankunatajrí, nazareokunata mana munashajta vinota ujyacherqankichej, sut'inchajkunatapis sutiypi ama parlanankupaj jark'arqankichej.

Amós 7:11

Payqa tukuynejta purispa, kay jinata nishan: Jeroboán espadawan wañuchisqa kanqa, tukuy Israel ayllutaj mana munashaj waj suyuman apasqa kanqa, nispa.

Malaquías 1:10

Chantá Tukuy Atiniyoj Tata Diosqa nillantaj: May sumaj kanman, sichus mayqennillaykichejpis Temploj punkunta wisq'aykunman chayqa, ama ujtawan qhasi manakajpaj altarniypi ninata jap'ichinankupaj. Qankunawanqa mana sonqo junt'asqachu kani, nitaj ofrendaykichejtapis jap'ikusajchu.

San Mateo 8:34

Jinapi chay llajtamanta tukuy runakuna Jesusta taripaj llojserqanku. Chaywanpis paywan tinkukuspa, chay cheqamanta ripunanta mañarikorqanku.

San Lucas 13:31

Chay p'unchayllapitaj wakin fariseokuna chayamuspa, Jesusta nerqanku: Ripuy kaymanta, imaraykuchus kuraj kamachej Herodes wañuchisuyta munashan, nispa.

Hechos 16:39

Chantá carcelman rispa, paykuna mañarqanku Pablowan, Silaswan chay ruwasqankuta qonqayman churanankuta. Jinaytawantaj, carcelmanta paykunata orqhospa, mañallarqankutaj chay llajtamanta ripunankuta.

Romanos 16:18

Chay jina runakuna mana Tukuyta Kamachej Jesucristoj munasqantachu ruwanku, manachayqa wijsallankumanta qhawanku. Jinataj k'achata parlaspa, misk'i simiwan manaraj allin yachajkunata q'otiyanku.

1 Corintios 2:14

Diosman mana kutirikoj runarí Diospa Espiritunpa yachachisqanta mana jap'ikuyta atinchu, imaraykuchus paypajqa wampoj thawtisqan jinalla. Chayta mana entiendeyta atinchu, imaraykuchus imatachus niyta munasqanta yachananpajqa Santo Espíritoj yanapasqan kanan tiyan.

1 Pedro 5:2

Qankuna tropata michiychej, pikunatachus Dios qhawanaykichejpaj makiykichejman churarqa, chaykunata. Tukuy sonqomanta paykunata qhawaychej, imaynatachus Dios munasqanman jina, ama tanqasqa jinallachu. Amataj qolqeta mask'aspachu paykunata qhawaychej, manachayqa Tukuyta Kamachej Jesucristoj kamachisqanta ruwayta munasqaykichejrayku.

1 Samuel 2:36

Aylluykimanta kawsashajraj qhepakojkunarí, ajllakusqay sacerdoteman k'umuykonqanku uj pisi qolqeta, chayrí uj chhikan mikhunata mañarikunankupaj: Mikhunaykupaj sacerdotekuna ukhupi imallatapis ruwarichiwayku ari, nispa.

1 Samuel 9:9

Unaypachapi sichus mayqen israelita Diosta tapurikuyta munaj chayqa, kay jinata nej: Jaku rina yachaj runaman, nispa. Unay sut'inchajkunata: “Yachaj runa”, nispa nej kanku. Chaymantaqa: “Diosmanta sut'inchajkuna”, nispa rejserqanku.