Amós 7:11 - DIOSPA QHELQACHISQ

¹¹ Payqa tukuynejta purispa, kay jinata nishan: Jeroboán espadawan wañuchisqa kanqa, tukuy Israel ayllutaj mana munashaj waj suyuman apasqa kanqa, nispa.

Qheshwa Biblia DC

¹¹ Payqa tukuynejta purishan kay jinata nispa: Jeroboamqa espadawan wañuchisqa kanqa, tukuy Israel ayllutaj preso waj llajtaman wijch'usqa kanqa.

DIOSPA QHELQACHISQAN DEUTEROCANONICAL

¹¹ Payqa tukuynejta purispa, kay jinata nishan: Jeroboán espadawan wañuchisqa kanqa, tukuy Israel ayllutaj mana munashaj waj suyuman apasqa kanqa, nispa.

Amós 7:11 ပူးပေါင်းရင်းမြစ်များ

2 Reyes 17:6

Oseas jisq'on watataña kamachishajtin, Asiria suyuta kuraj kamachejqa Samariata jap'erqa, chaypi tiyakoj israelitakunatataj Asiriaman aparqa. Chaypi paykunata Jalajman, Jaborman, Gozán mayu qayllaman, medokunaj llajtankuman ima churarqa.

Salmos 56:5

5 (6) Awqaykunaqa tukuy p'unchay nisqayta q'ewinku, contraypi mana allin kajta ruwayllata yuyanku.

Jeremías 26:9

Imaraykutaj Tata Diospa sutinpi parlaj churakuspa, nerqanki kay Templo Silopi yupaychana wasi jina thuñisqa kananta, kay llajtapis ch'inyachisqa kananta, mana runayojtaj qhepakunantari? nispa. Chantá tukuy runakuna Diospa Templonpa ñawpaqenpi Jeremiaspa contranta tantaykukorqanku.

Jeremías 36:16

Chayta uyariytawankama, paykunaqa may mancharisqa ujkuna ujkunaman ninakorqanku: Kay tukuy uyarisqanchejta kuraj kamachejman willananchej tiyan, nispa.

Amós 1:1

Kaymin Amospa willasqan. Payqa Tecoa llajtamanta karqa, uywata mirachej runataj. Diosqa mosqoypi jina Amosman nerqa israelitakunaman sut'inchananpaj, jallp'a ikhakuymanta iskay wata ñawpajta, Judapi Uzías kuraj kamachej kashajtin, Israelpitaj Joaspa churin Jeroboán kamachishajtin.

Amós 7:10

Chaymanta qhepaman Betelmanta sacerdote Amasiasqa Israelta kuraj kamachej Jeroboanman uj willajta kachaspa, nicherqa: Amosqa Israel suyupi qanpa contraykita runakunata oqharichispa purishan. Noqanchejrí mana ajina parlajtaqa qhawallasunmanchu.

Amós 7:12

Chantá sacerdote Amasías Amosta kamacherqa: Diosmanta sut'inchaj, ripuy kaymanta. Sichus Diosmanta sut'inchaspa kawsayta munanki chayqa, ripuy Judá suyuman, chaypitaj sut'inchamuy.

Amós 7:9

Isaacpa yupaychanan wasikuna thuñisqa kanqanku, Israelpa lanti yupaychana templonkunapis urmachisqa kanqa. Jeroboanpa aylluntapis espadawan wañuchichisaj, nispa.

Miqueas 1:16

Sión llajtapi tiyakojkuna, munasqa wawaykichejkunarayku may llakisqa kasqaykichejta rikuchispa, sunkhaykichejta raphakuychej. Suweq'araj umanman rijch'akunankama umaykichejta ruthukuychej, imaraykuchus wawaykichejkunaqa mana munashajpis waj suyuman apasqa kanqanku.

San Mateo 26:61

Paykunataj nerqanku: Kay runata nejta uyarerqayku: Diospa Templonta urmachiyta atiyman, kinsa p'unchaypitaj ujtawan sayarichiyman, nispa.

Hechos 6:14

Chantá uyarillaykutaj nejta Nazaret llajtayoj Jesusqa Templota urmachinanta, jinallataj Moisespa yachachisqan usukunata waj jinaman tukuchinanta, nispa.