Amós 6:8 - DIOSPA QHELQACHISQ

⁸ Tukuy Atiyniyoj Tata Dios sutinpi tiluspa nin: Israelitakunaj wapuykachasqankuta chejnini, kamachinanku wasikunatataj mana rikuyta atinichu. Kay llajtata awqankuman jaywasaj, imankunachá tiyan, chaytawan, nispa.

Qheshwa Biblia DC

⁸ Pay kikinmanta Señorqa juran. Tukuy Atiyniyoj Señor Diosqa ajinata nin: Jacobpa ayllun wapuykachasqanta chejnini, palaciosninta mana rikuyta munanichu, enemigosman llajtata jaywasaj, imasninchá tiyan chaytawan.

DIOSPA QHELQACHISQAN DEUTEROCANONICAL

⁸ Tukuy Atiyniyoj Tata Dios sutinpi tiluspa nin: Israelitakunaj wapuykachasqankuta chejnini, kamachinanku wasikunatataj mana rikuyta atinichu. Kay llajtata awqankuman jaywasaj, imankunachá tiyan, chaytawan, nispa.

Amós 6:8 ပူးပေါင်းရင်းမြစ်များ

Génesis 22:16

Tata Dios nisunki: Munasqa churiykita qonawaykipaj mana mich'akuwasqaykimanta, noqa kikiyrayku tiluspa, niyki:

Salmos 106:40

Chayrayku Tata Dios ayllunpa contranta mayta phiñakorqa, paypata kajkunamantataj millachikorqa.

Salmos 47:4

4 (5) Tiyakushanchej, kay jallp'ata chayaqenchej kananpaj ajllapuwarqanchej, chay jallp'ataj munakusqan Jacobpa jatunchakunan.

Salmos 50:12

Yarqhawanmanchus chayqa, mana willaykimanchu, imaraykuchus tukuy kay pacha, jinallataj chaypi tukuy ima kajpis noqajtamin.

Salmos 78:59

Dios chayta rikuspa, phiñakorqa, Israeltataj qhesachasqatapuni qhesacharqa.

Proverbios 8:13

Pikunachus Tata Diosta jatun respetowan qhawajkunaqa mana allin kajta chejnikunku. Chayrayku noqa chejnikuni jatunchakuyta, runaykachayta, millay puriyta, llullakuyta ima.

Isaías 28:1

Ay, Samaria llajtamanta, qanqa Efraín suyupi machajkunaj uma oqharinan llajta kanki, qawisqa t'ika pilluwan jina k'achanchasqa. Sumaj vallepi kaspapis, vinoj atipasqan llajta kanki.

Jeremías 12:8

Aylluy, pichus noqajta karqa chay, montepi león jina noqaj contraypi qhaparirinku, chayraykutaj paykunata chejnikuni.

Jeremías 22:14

Qan ninki: Uj jatun wasita ruwachikusaj, alto patapi jatuchaj cuartoyojta, nispa. Jinallataj jatuchaj ventanayojta ruwachinki. Perqantapis cedrowan k'askaykuchispa, pukata pintaykuchinki.

Jeremías 22:5

Sitajchus kay kamachisqayta mana kasunkichejchu chayrí, kay kamachina wasikunatapis raqayllaman tukuchisaj. Noqa Tata Diosmin chayta nini.

Jeremías 44:26

Chaywanpis Egiptopi tiyakoj Judamanta kajkuna, tukuyniykichej noqa Tata Diospa nisqayta uyariychej: Jatun sutiyrayku kayta tiluni: Judamanta Egiptopi tiyakojkuna manaña ujtawan sutiyta oqharenqankuchu, Diosninkupaj rejsikapuwaspa, nitaj tilonqankuchu: Tukuyta Kamachej Tata Diospa sutinrayku tiluni, nispaqa.

Jeremías 49:13

Noqa Tata Dios sutiyrayku tiluni: Bosra llajtaqa thuñisqa, ch'inpacha qhepakonqa, k'umuykachachisqataj, maldicisqataj kanqa. Wajkuna chayta rikuspa, manchachikonqanku. Chay waj llajtankunataj wiñaypaj raqayllaña kanqanku, nispa.

Jeremías 51:14

Tukuy Atiyniyoj Tata Dios sutinrayku tilun: Llajtaykita awqaykikunawan phinki phinkikunawan jina junt'aykuchisaj, paykunataj qanta atipaykususqankurayku, kusiymanta takirikonqanku, nispa.

Lamentaciones 2:5

Tukuyta Kamachej Dios awqa jina tukuynin israelitakunata tukuchin. Kamachina wasita thuñiran, jark'achasqa llajtaj perqankunatapis pampata ruwan. Jinamanta k'achitu Judá suyuta manchay llakiywan, waqaywan ima junt'achin.

Ezequiel 24:21

Israel aylluyman niy: Tukuyta Kamachej Tata Dios nisunkichej: Noqa Temployta ch'ichipaj qhawasqata ruwasaj, mayqentachus chay jinatapuni munakuspa runaykachankichej, chayta. Jinallataj Jerusalenpi saqesqaykichej churiykichejkuna, ususiykichejkuna ima espadawan wañuchisqa kanqanku, nispa.

Oseas 11:6

Israelpa llajtankunapi maqanaku kanqa, jark'achasqa llajtankunapis thuñisqa kanqa. Imaymana wakichikusqankupis chinkachisqallataj kanqa.

Levítico 26:11

Noqaqa qankunaj chawpiykichejpi tiyakusaj, manataj qhesachasqaykichejchu.

Levítico 26:30

Noqataj orqo patapi lanti yupaychana wasiykichejta thuñirasaj, incienso q'oshñichina altarniykichejtapis loqherasaj. Qankunaj ayaykichejtaqa mana kawsayniyoj lantiykichejpa patanman tawqasaj. Qankunamantataj millachikusqaykichej.

Amós 3:10

Tata Dios nin: Aylluymanta kajkuna mana imatapis cheqanta ruwayta yachankuchu. Kamachinanku wasipi waqaychanku kallpankuman atinikuspa suwasqankuta, qhechusqankuta ima, nispa.

Amós 3:11

Chayrayku ajinata Tukuyta Kamachej Tata Dios nin: Samaria llajtata awqan muyuykonqa, phatu perqantataj urmachenqa. Chaymantataj kamachinanku wasikunatapis ch'usajta saqenqanku, nispa.

Amós 4:2

Tukuyta Kamachej Tata Diostajrí may llimphu kayninrayku tiluspa, nin: Uyariwaychej, jamoj p'unchaypi qankunata ganchowan jap'ispa apasonqachej, wawaykichejkunapis anzuelowan watasqa kanqanku.

Amós 5:21

Tata Dios nillantaj: Yupaychanawaykichejpaj raymikunata chejnikuni, millachikunitaj. Sutiypi jatun tantakuyniykichejtapis mana awantayta atinichu.

Amós 8:3

Chay p'unchaypi kamachinanku wasipi takisqanku may llakiyman tukonqa. Ashkha runakuna wañusqankuraykutaj, ayanku tukuynejpi wijch'urayanqa, nispa. Noqa Tukuyta Kamachej Tata Diosmin chayta nini.

Amós 8:7

Tata Diostajrí, piraykuchus Jacob jatunchasqa kashan, chay sutinrayku tiluspa nin: Mana jayk'ajpis qonqasajchu chay jina ruwasqankutaqa, nispa.

Zacarías 11:8

Uj killallapi kinsa mana allin michejkunata wijch'orqani. Chaywanpis ovejakunapis noqawan sayk'usqankurayku, chejnikuwarqanku.

Deuteronomio 32:19

Chayta rikuspa, Tata Diosqa mayta phiñarikorqa. Chantá qhari wawankunata, warmi wawankunata ima qhesacharqa.