Amós 6:5 - DIOSPA QHELQACHISQ

⁵ Arpaj waqayninpi imapis kachunta takirinkichej, ñawpaj kuraj kamachej Davidpis kawajchej jinataj mosoj tocanakunata ruwakunkichej.

Qheshwa Biblia DC

⁵ Qenata tocarinkichej, mana yachankichejchu imatachus tocasqaykichejta, yuyaychakuspa ruwankichej David jina.

DIOSPA QHELQACHISQAN DEUTEROCANONICAL

⁵ Arpaj waqayninpi imapis kachunta takirinkichej, ñawpaj kuraj kamachej Davidpis kawajchej jinataj mosoj tocanakunata ruwakunkichej.

Amós 6:5 ပူးပေါင်းရင်းမြစ်များ

Génesis 31:27

Imaraykutaj ch'inllamanta ayqemunkiri? Ripunaykita yachaspaqa kusisqa, takiykunawan, tamborawan, arpawan ima kacharpayaykiman karqa.

1 Crónicas 15:16

Jinallataj Davidqa levitakunaj kamachejninkukunata kamachillarqataj, ayllunkumanta takejkunata, chantá salteriota, arpata, platillokunata tocayta yachajkunata ima churanankuta, kusikuywan tocaspa takinankupaj.

1 Crónicas 23:5

Punkuta qhawanankupajtaj 4.000 levitakunata churarqanku. Churallarqankutaj 4.000 levitakunatawan Davidpa ruwasqan tocanakunawan Tata Diosta yupaychanankupaj.

2 Crónicas 29:26

Chay levitakuna sayaspataj, Davidpa ruwachisqan tocanakunata jap'irisqa kasharqanku. Sacerdotekunapis cornetanku jap'irisqa kashallarqankutaj.

Eclesiastés 2:8

Chantaqa ashkha qolqetapis, qoritapis tantallarqanitaj. Chaykunaqa kuraj kamachejkunajta suyunkupi tiyapuyninku karqa. Takejkuna tiyapullawarqataj, tukuy imachus runaj sonqonta kusichin, chaykunapis. Warmikunapis mana yupay atina tiyapullawarqataj.

Isaías 5:12

Qankunaqa jatuchaj mikhuykunata wakirichinkichej, chaypitaj tocarichinkichej arpakunata, salteriokunata, panderetakunata, qenakunatawan. Chantá ashkha vinota ujyarillankichejtaj. Chaywanpis mana Tata Diospi unanchankichejchu, nitaj makinwan ruwasqantapis cuentaman churankichejchu.

Ezequiel 26:13

Ajinata noqa Tata Diosqa takisqaykita ch'inyachisaj, manataj arpaykej waqasqan uyarikonqañachu.

Amós 5:23

Karunchaychej noqamanta ch'ajwaspa takisqaykichejta. Arpaykichejpa waqasqanta mana uyariyta munanichu.

Amós 8:3

Chay p'unchaypi kamachinanku wasipi takisqanku may llakiyman tukonqa. Ashkha runakuna wañusqankuraykutaj, ayanku tukuynejpi wijch'urayanqa, nispa. Noqa Tukuyta Kamachej Tata Diosmin chayta nini.

1 Pedro 4:3

Qankuna may chhika unaytaña Dioswan churanakojkuna jinallataj ruwaspa purerqankichej. Chaypacha purej kankichej sajra purikuypi, khuchiriyopi, machakuykunapi, machasqamanta imaymanata ruwanapi, millay lantikunata yupaychanapi ima.

Apocalipsis 18:22

Babilonia llajta, manaña jayk'ajpis calleykikunapi arpaj waqasqan uyarikonqachu, nitaj takejkunaj takisqankupis, nillataj qenata, cornetata ima tocasqankupis. Jinallataj qanpi ni pi llank'ajkuna kanqachu, molinoj muyusqanpis manaña uyarikonqachu.