Amós 6:4 - DIOSPA QHELQACHISQ

⁴ May valorniyoj marfilmanta ruwasqa puñunapi winkurinkichej. Raymikunaykichejpipis tiyanaykichejpi thallarinkichej. Corderokunata, wira torillokunata ñak'aspa, aycha mat'ata mikhurinkichej.

Qheshwa Biblia DC

⁴ Marfilmanta ruwasqa k'ancharishaj sirinaspi winkurinkichej, fiestachakunaykichejpi sumajta mast'arikunkichej; mikhunasta wakichinkichej malta ovejasmanta, wira kaj ternero wakasmantawan.

DIOSPA QHELQACHISQAN DEUTEROCANONICAL

⁴ May valorniyoj marfilmanta ruwasqa puñunapi winkurinkichej. Raymikunaykichejpipis tiyanaykichejpi thallarinkichej. Corderokunata, wira torillokunata ñak'aspa, aycha mat'ata mikhurinkichej.

Amós 6:4 ပူးပေါင်းရင်းမြစ်များ

Génesis 37:25

Chantá Joséj wawqenkuna mikhunankupaj tiyarikorqanku. Mikhushaspataj, qhatuwan purej ismaelitakunata Galaadmanta jamushajta rikorqanku. Paykuna camellonkunapi sumaj q'apashaj jawinata, balsamota, mirrata ima Egiptoman apasharqanku.

Ester (hebreo) 1:6

Chay kamachina wasej pationqa sumaj karqa, yuraj llijllakunawan, q'omer llijllakunawan, anqa llijllakunawan ima k'achanchasqa. Chaytataj jap'icherqanku linomanta ruwasqa kulli q'aytuwan, qolqemanta ruwasqa anillokunaj chawpinta jusk'urachispa. Chaykunataj, mármol k'achitu rumimanta ruwasqa sayantakunaman jap'ichisqa karqanku. Chay ukhupi tiyanakunaqa qorimanta, qolqe metalmanta karqanku. Chay kamachina wasej pampantaj k'acha rumikunawan losasqa karqa: Pórfido nisqawan, marmolwan, alabastrowan, jacinto nisqa rumiwan ima.

Salmos 73:7

Paykuna chhika wira kasqankurayku ñawinkupis phawashanña. Sonqonkoj munasqanta ruwankupuni.

Isaías 22:13

Qankunarí aswanpis asikorqankichej, kusikorqankichejtaj. Ovejakunata, wakakunatapis ñak'aytawan, sumaj aychata mikhuspa, vinotapis ujyaspa, nerqankichej: Mikhunachej, ujyanachej, imaraykuchus q'aya wañupusun, nispa.

Isaías 28:1

Ay, Samaria llajtamanta, qanqa Efraín suyupi machajkunaj uma oqharinan llajta kanki, qawisqa t'ika pilluwan jina k'achanchasqa. Sumaj vallepi kaspapis, vinoj atipasqan llajta kanki.

Jeremías 16:8

Maypichus raymita ruwashanku, chay wasiman amallataj yaykuychu paykunawan khuska mikhunaykipaj, ujyanaykipaj ima.

Ezequiel 16:49

Sodoma ñañaykej juchanqa kay jina karqa: Pay, jinataj ususinkunapis jatunchakorqanku. Ashkha mikhunayoj chantá tukuy imayoj kaspa, wapuykacharqanku, manataj wajchakunamanta, ni pisichikojkunamantapis khuyarikorqankuchu.

Ezequiel 23:41

Chantá sumaj k'achanchasqa puñuna patapi tiyarikorqanku. Mesapipis mikhuna wakichisqaña karqa. Chaymantaj noqapaj t'aqasqa inciensoyta, aceiteytawan churarqanku.

Amós 3:12

Tata Dios nillantaj: Imaynatachus oveja michejqa leonpa siminmanta qhechun iskay chakillataña, chayrí uj ninrej puntallantaña, ajinallatataj Samariapi tiyaj israelitakunamanta, Damascopi sumaj puñunapi sirejkunamanta ima pisilla qhepakonqanku, nispa.

Amós 8:3

Chay p'unchaypi kamachinanku wasipi takisqanku may llakiyman tukonqa. Ashkha runakuna wañusqankuraykutaj, ayanku tukuynejpi wijch'urayanqa, nispa. Noqa Tukuyta Kamachej Tata Diosmin chayta nini.

Miqueas 6:12

Kay llajtamanta qhapajkunaqa tukuyninku runa masinkuta ch'uskejkuna kanku, ch'awkiyajkuna, q'otiyajkuna ima.

San Lucas 16:19

Chantá Jesús nerqa: Uj qhapaj runa karqa. Payqa linomanta awasqa may sumaj puka p'achawan p'achallikoj, sapa p'unchaytaj jatun mikhuyta wayk'uchej.

Santiago 5:5

Qankunarí kay pachapi chhika patapi kawsarikushankichej, sonqoykichejpa tukuy munasqanta ruwaspa, manchayta kusirikuspataj. Qankuna ñak'ana p'unchaypaj waka jina manchayta wirayarishankichej.