Amós 6:1 - DIOSPA QHELQACHISQ

¹ Ay, Sionpi ni imamanta llakiyniyoj kawsajkuna. Ay, pikunachus ni imamanta manchachikuspa Samariapi tiyakojkuna. Qankunaqa jatunpaj qhawasqa kankichej waj suyukunapi, jinataj israelitakuna yanapata mask'aspa, qankunaman rinku.

Qheshwa Biblia DC

¹ Ay, Siompi sumajta kausakojkunamanta! Ay, Samariapi k'achata kausakojkuna, chay llajtapi sumajta kamachejkuna, mayqenkunapichus israelitas atienekunku!

DIOSPA QHELQACHISQAN DEUTEROCANONICAL

¹ Ay, Sionpi ni imamanta llakiyniyoj kawsajkuna. Ay, pikunachus ni imamanta manchachikuspa Samariapi tiyakojkuna. Qankunaqa jatunpaj qhawasqa kankichej waj suyukunapi, jinataj israelitakuna yanapata mask'aspa, qankunaman rinku.

Amós 6:1 ပူးပေါင်းရင်းမြစ်များ

1 Reyes 16:24

Omritaj Semer sutiyoj runamanta Samariapi orqota sojta chunka sojtayoj kilo qolqe metalwan ranterqa. Chaypitaj Samaria sutiyoj llajtata jataricherqa, chay orqoj ñawpa dueñon Semer sutiyoj kasqanrayku.

Salmos 123:4

Sayk'usqaña kayku qhapajkuna alqochakuwasqaykuwan, jinallataj may kasqankuta yuyakuspa pisipaj qhawawasqaykuwan.

Proverbios 1:32

Mana yachayniyojkunataqa pantasqallankutaj wañuchenqa. Wampu runataqa mana allinta qhawakuspa, purisqallantaj chinkachenqa.

Isaías 33:14

Juchasapakuna Sionpi mayta kharkatitinku, puraj uyakunatapis t'ukuylla jap'in. Noqanchejmanta pitaj kay q'olaj nina ukhupi kawsanmanri? Pitaj wiñaypaj nina lawraywan khuska tiyakunmanri?

Jeremías 2:3

Israel noqapaj t'aqasqa karqa, chajraymanta aswan allin kaj oqharisqay jina karqa. Pillapis paykunata ñak'arichejtenqa, noqa ñak'arichillajtaj kani, sinch'i ñak'ariykunata apachispa. Noqa Tata Diosmin chayta nini.

Jeremías 48:11

Moabqa ni pejpa ima nisqan unaymantapacha tiyakorqa. Mana jayk'ajpis chay llajtayojkunata suyunkumanta apasqankuchu. Sumaj vinotaqa uj cheqallapi mana wich'imanta waj wich'iman wisispa poqochinchej, ajinamanta misk'i kaynin, q'apaynintaj ama chinkananpaj, icharí? Ajinallataj Moabqa jallp'allanpi qhepakorqa.

Jeremías 49:31

Noqa Tata Dios kamachini: Chay suyoj contranta maqanakoj riychej. Chay llajtayojkunaqa ni imata manchachikuspa tiyakushanku, mana punkuyoj, mana wisq'anayojtaj llajtankupi sapallanku tiyakushanku.

Jeremías 5:5

Chayrayku noqa kurajninkukunaman risaj, paykunamantaj parlamusaj, imaraykuchus paykuna imachus Tata Diospa munaynin kasqanta yachankupuni. Diospa kamachisqantapis rejsillankutaj, nispa. Chaywanpis, paykunapis ujllata Diospa contranpi oqharikusqanku, manataj kamachisqanta kasuyta munasqankuchu.

Jeremías 7:4

Ama atinikuychejchu q'otiyajkunaj nisqankupi. Paykuna nisunkichej: Tata Diospa Templon kaypi kasqanrayku, Dios kay llajtata mana chinkachenqachu, nispa.

Lamentaciones 1:1

Jerusalén llajta unay may chhika runayoj karqa, kunantaj ch'inpacha qhepakun. Llajtakuna ukhupi chay chhika jatun llajta kashaspa, warmisapaman jina tukun. Suyukunata kamachej llajtataj kunanqa mit'animan tukun.

Amós 3:2

Tukuy kay pachapi ayllukunamanta qankunallata ajllakorqaykichej. Chayrayku tukuy juchaykichejmanta cuentata mañasqaykichej.

Amós 3:9

Asdod llajtapi kamachina wasikunapi, Egipto suyupi kamachina wasikunapi ima kayta willaychej: Samaria orqoman jamuychej, qhawaychejtaj imaymana ch'ajwa chantá ñak'ariy ima kasqanta, nispa.

Amós 4:1

Samariamanta warmikuna, uyariychej kay nisqayta: Qankunaqa Basanmanta kaj wira waka jina kankichej. Qankuna wajchakunata ñak'arichinkichej, pisichikojkunatataj waqachinkichej. Qosaykichejtataj kamachinkichej: Apamuy vinota machanaykupaj, nispa.

Amós 5:27

Chayrayku noqaqa Damascomanta aswan jaqayman apachisqaykichej. Noqa Tukuy Atiyniyoj Tata Dios chayta nini. Chaymin suteyqa.

Amós 8:14

Samariaj lantinkunarayku tilojkunapis, pikunachus ninku: Dan aylloj diosninrayku, chayrí Bersebaj diosninkunarayku tiluyku, nispa, chaykunapis urmanqanku, manañataj ujtawan oqharikonqankuchu.

Amós 9:10

Aylluymanta tukuy juchasapa kajkunarí espadawan wañuchisqa kanqanku, pikunachus ninku: Mana ima llakiypis qhatiriwasunchu, nitaj taripawasunchu, nispa, chaykuna.

Miqueas 3:1

Kunan uyariychej, Israelta kamachejkuna, jinataj kurajkuna: Manachu qankuna yachanaykichej kashan imachus justicia kasqanta?

Sofonías 1:12

Chaypacha noqa lamparata jap'ichispa, Jerusalén llajtapi k'uchun k'uchunta mask'asaj. Chantá pikunachus vino jina tekalla kakojkunata jasut'isaj, mana ima llakiyniyoj kashanku, chaykunata. Paykunata jasut'isaj, imaraykuchus nishanku: Tata Dios mana allin kajta ruwanchu, nitaj mana allin kajtapis, nispa.

Santiago 1:18

Payllataj munasqanrayku cheqan nisqannejta kawsayta qowarqanchej, tukuy imatachus ruwasqanmanta noqanchej ñawpaj kaj poqoy jina kananchejpaj.

Santiago 5:5

Qankunarí kay pachapi chhika patapi kawsarikushankichej, sonqoykichejpa tukuy munasqanta ruwaspa, manchayta kusirikuspataj. Qankuna ñak'ana p'unchaypaj waka jina manchayta wirayarishankichej.

1 Pedro 5:7

Imamantachus phutikushankichej, tukuy chayta Diosman saqepuychej, imaraykuchus payqa qankunamanta qhawashan.

Jueces 18:7

Chaymantataj chay phishqa kachakunaqa Laisman rerqanku. Chay llajtayojkunaqa mana imamanta manchachikuspa tiyakoj kanku, imaynatachus sidoniokuna kawsayta yachasqankuman jina, ni ima ch'ajwawan, sumajpi kawsarqanku, ni pejpa imanasqan, nitaj ni imamanta pisichikuspa. Paykunaqa sidoniokunamanta karupi tiyakorqanku, manataj piwanpis tratoyojchu karqanku.