Amós 5:6 - DIOSPA QHELQACHISQ

⁶ Tata Diosman kutirikamuychej, kawsanaykichejpaj. Manachus jinata ruwankichej chayqa, Tata Dios israelitakunaj patankuman ninata kachaykamonqa, Betelpitaj ninata thasnunanpaj mana pipis kanqachu.

Qheshwa Biblia DC

⁶ Señorman qayllaychej, chantaqa kausankichejtaj. manachus jinata ruwankichej chayqa, Pay ninata apachimonqa Israelpa patanman; Betelpitaj mana pipis kanqachu chay ninata thasnoj.

DIOSPA QHELQACHISQAN DEUTEROCANONICAL

⁶ Tata Diosman kutirikamuychej, kawsanaykichejpaj. Manachus jinata ruwankichej chayqa, Tata Dios israelitakunaj patankuman ninata kachaykamonqa, Betelpitaj ninata thasnunanpaj mana pipis kanqachu.

Amós 5:6 ပူးပေါင်းရင်းမြစ်များ

2 Samuel 19:20

20 (21) Noqa yachakuni juchallisqayta, chayrayku tukuynin Joséj ayllunmanta, noqaqa aswan ñawpajta, kuraj kamachejniyta taripaj llojsimuni, nispa.

1 Reyes 11:28

Jeroboán sumaj kallpayoj wapu runa kasqanta chantá sumaj k'uchi kasqanta ima rikuspa, Salomonqa payta churarqa Joséj mirayninmanta jatun ayllumanta mit'api ruwajkunata qhawananpaj.

2 Crónicas 34:25

Paykunaqa waj dioskunaman inciensota q'oshñichispa saqerpariwanku, jinamantataj tukuy ruwasqankuwan phiñachiwarqanku. Chayrayku kay cheqaj contranpi phiñakuyniy k'ajarin manataj thasnukonqachu, nispa.

Salmos 27:8

Sonqoyqa niwan: Tata Diosta mask'ay, nispa, noqataj, Tata Dios, qanta mask'ayki.

Salmos 69:33

33 (34) imajtinchus Tata Diosqa khuyayta kawsajkunata uyarin, manataj presochasqa wawankunata qonqapunchu.

Éxodo 22:6

6 (5) Ichapis pipis khishkata ruphachinanpaj ninata jap'ichinman, ninataj atipaykuspa wajpa chajranman jap'iykukuspa, trigo marq'ata, chayrí manaraj ruthusqa trigota ruphaykunman chayqa, ruphaykusqanmanta chajrayojman pagapunan tiyan.

Isaías 1:31

Qankunamanta wapu kajkunaqa q'opa jina kanqanku, millay ruwasqankutaj phawaj nina jina pajaman urmamonqa. Chay runakuna millay ruwasqankuwan ima ujllapi lawrarenqanku, nitaj pipis thasnoj kanqachu, nispa.

Isaías 55:3

Noqaman qayllamuwaychej, ninriykichejta kicharispa. Sumajta uyariwaychej, kawsaytataj tarinkichej. Qankunawan wiñaypaj uj tratota ruwasaj, imatachus munakusqay Davidman nerqani, chayta junt'aspa.

Isaías 55:6

Tata Diosta mask'aychej, kunan tarinapaj jina kashajtin. Qayllallapiraj kashajtin, Diosta wajyakuychej.

Jeremías 38:20

Jeremiasrí kuticherqa: Mana judiokunaj makinman chayankichu. Tata Diospa nisqanta willasusqayta kasuy. Ajinamanta allinmin risonqa, manataj wañunkichu.

Jeremías 4:4

Judá suyupi, Jerusalén llajtapipis runakuna, noqawan trato ruwasqaykichejta junt'aychej. Sumajta sonqoykichejta wakichiychej yachachisqayta jap'inaykichejpaj. Pajtataj millay ruwasqaykichejrayku phiñakuyniy nina jina k'ajarinman, jap'iykukojtintaj, ni pi thasnuyta atinmanchu, nispa.

Jeremías 7:20

Chayrayku Tukuyta Kamachej Tata Dios kayta nin: Tukuy phiñakuyniyta kay suyoj contranpi jich'aykamusaj, jinallataj chaypi tiyakojkunaj contranpi, uywankukunaj contranpi, sach'akunaj contranpi, chantá chajra poqoykunaj contranpi ima. Chay phiñakuyniytaj nina jina mana thasnuy atina kanqa, nispa.

Ezequiel 21:3

3 (8) Kay jinata ninki: Tata Dios nin: Noqa contraykipi sayaykuni. Juchayojta mana juchayojtapis espadaywan wañurachisaj.

Ezequiel 33:11

Chayrayku paykunata niy: Noqa Tukuyta Kamachej Tata Dios sutiyrayku tiluspa nini: Mana munanichu mana allinta ruwaj runa juchanrayku wañunanta. Astawanpis munani millay ruwananmanta kutirikuspa, kawsananta. Israelitakuna, millay kawsayniykichejmanta kutirikamuychej. Imaraykutaj qankuna wañuyta munankichejri? nispa.

Ezequiel 37:19

Qantaj kutichinki: Tukuyta Kamachej Tata Dios kay jinata nin: Joséj k'aspinta jap'isaj, mayqenchus Efrainpa makinpi kashan, chayta. Chantá Israelpa ayllunkuna pikunachus payman ujchasqa kashanku, chaykunatapis jap'illasajtaj. Chaymantataj Judáj k'aspintawan ujllaman tantaykuspa, uj k'aspillaman tukuchisaj, jinamanta makiypi ujlla kanankupaj, nispa.

Amós 3:14

Maypachachus Israelta juchallisqanmanta cuentata mañasaj chaypacha, Betelpi tukuy altarkunata phirisaj. Chay altarkunaj wajrankunapis sik'isqa kaspa, pampaman urmanqanku.

Amós 5:14

Mask'aychej allin kajta, amataj mana allin kajtaqa, kawsankichejtaj. Ajinata niyta atinkichej: Tukuy Atiyniyoj Tata Dios noqanchejwan kashan, nispa, chay nisqaykichejtaj jinapuni kanqa.

Amós 5:4

Tata Diosqa israelitakunaman nillantaj: Noqaman kutirikamuwaychej kawsanaykichejpaj.

Amós 6:6

Jatuchaj copapi vinotapis ujyankichej, sumachaj q'apashaj jawinawan jawikunkichej, manataj llakikunkichejchu llajtaykichej mana allin kashasqanmanta.

Sofonías 2:3

Qankunarí, kay pachapi pisi tiyapuyniyojkuna, Diospa kamachisqanta junt'ajkuna, tukuyniykichej Tata Diosta mask'aychej. Jinallataj cheqan kajta ruwaychej, k'umuykuychejtaj. Ajinamanta ichapis Tata Diospa phiñakuyninpa p'unchayninpi waqaychasqa kankichej.

Zacarías 10:6

Tata Dios nillantaj: Noqaqa Judáj mirayninta kallpachasaj, jinallataj Joséj miraynintapis kacharichisaj. Paykunamanta khuyarikusqayrayku, watej paykunata llajtankuman kutichisaj. Manapis ni jayk'aj paykunata qhesachaymanchu karqa, ajina kanqa. Noqa, Tata Diosninku kani, mañakuwasqankutataj uyarisaj.

Deuteronomio 32:22

Phiñakuyneyqa nina jina lawrarin, chay ninataj ukhu pachakama lawrarenqa. Jallp'ata, tukuy imantinta q'olaykonqa. Orqokunatapis saphinmantapacha ruphaykonqa.

Deuteronomio 4:24

Tata Diosniykichejqa manchay celosomin. Sichus pay jasut'isunkichejman chayqa, tukuy imata ruphaj nina jina tukuchisunkichejman.

Josué 18:5

Jallp'ata qhawamoj rejkunaqa jallp'ata qanchisman t'aqanqanku. Uranejpi Judáj jap'iyninta saqenqanku, wichaynejpitaj Joséj mirayninpa jap'iyninta saqellanqankutaj.