Amós 5:4 - DIOSPA QHELQACHISQ

⁴ Tata Diosqa israelitakunaman nillantaj: Noqaman kutirikamuwaychej kawsanaykichejpaj.

Qheshwa Biblia DC

⁴ Israelitasmanqa ajinatamin nin Señor Diosqa: Qayllamuwaychej noqaman, chantaqa kausankichejtaj.

DIOSPA QHELQACHISQAN DEUTEROCANONICAL

⁴ Tata Diosqa israelitakunaman nillantaj: Noqaman kutirikamuwaychej kawsanaykichejpaj.

Amós 5:4 ပူးပေါင်းရင်းမြစ်များ

2 Reyes 20:3

Tata Dios, noqamanta yuyarikuy, imaynatachus cheqanta, allin sonqowantaj ñawpaqeykipi purisqaymanta, munayniykiman jina ruwaspa, nispa. Chantá Ezequías manchay llakisqa waqarikorqa.

1 Crónicas 28:9

Qanrí, wawáy Salomón, tukuy sonqowan tataykej Diosninta Diosniykipaj rejsikapuy. Chantá sonqomanta munaspa, payta yupaychay, imaraykuchus Tata Diosqa tukuypa sonqonchejta qhawan, imatachus yuyasqanchejtapis yachan. Ajinaqa, sichus payta mask'anki chayqa, payta tarinki. Payta saqerpariwaj chayrí, wiñaypaj qhesachasonqa.

2 Crónicas 15:2

Paytaj Asata taripaj rispa, nerqa: Kuraj kamachej Asa jinataj tukuy Judamanta, Benjaminmanta kajkunapis, uyariwaychej: Sichus qankuna Tata Diospi atinikunkichej chayqa, payqa qankunawanpuni kanqa. Payta mask'ankichej chaypis tarinkichejpuni. Saqenkichejtajchus chayrí, paypis saqerparillasonqachejtaj.

2 Crónicas 20:3

Josafatqa chayta uyarispa, manchachikorqa, Tata Diosmantaj k'umuykuspa, imatachus ruwananta taporqa. Tukuy Judá suyupi tiyakojkunatataj kamacherqa ayunanankuta.

2 Crónicas 20:4

Jinamanta Judamanta kajkuna tantakorqanku Tata Dios yanapananta mañakunankupaj. Chayrayku tukuynin Judá suyumanta Jerusalenman chayamorqanku.

2 Crónicas 34:3

Pusaj watataña kamachishaspa, waynallaraj karqa. Chaywanpis ñawpa tatan Davidpa Diosninta kasuyta qallarerqa. Chunka iskayniyoj watata kamachisqanmantataj, Judamanta, Jerusalenmantawan loma patapi yupaychana wasikunata, Asera lantikunata, metalmanta jich'asqa lantikunatapis chinkachiyta qallarerqa.

Salmos 14:2

Janaj pachamantapacha Tata Diosqa runakunata qhawamun, Diosta mask'aj yuyayniyoj runata ujllatapis tariyta munaspa.

Salmos 22:26

26 (27) Wajcha runakuna sajsakunankukama mikhonqanku. Tata Diosta mask'ajkuna payta yupaychanqanku, unaytataj kawsanqanku.

Salmos 27:8

Sonqoyqa niwan: Tata Diosta mask'ay, nispa, noqataj, Tata Dios, qanta mask'ayki.

Salmos 69:32

32 (33) Chayta rikuspa, ñak'arichisqa kajkunapis kusikullanqankutaj, Diosta mask'ajkunaj sonqonkutaj kusiywan qhallallarenqa,

Salmos 69:33

33 (34) imajtinchus Tata Diosqa khuyayta kawsajkunata uyarin, manataj presochasqa wawankunata qonqapunchu.

Isaías 31:1

Ay imallachus kanqa, pikunachus yanapata mask'aspa Egiptoman urayk'unku, chaykunapaj. Paykunaqa Egiptomanta caballokunapi atinikunku, maqanakunapaj ashkha carretakunapi, jinallataj wapu soldadokuna carretata apaychajkunapi ima. Chaywanpis manapuni Israelpa May Llimphu Kaj Diosninku yanapananta mañakunkuchu, nitaj Tata Diosta mask'ankuchu.

Isaías 55:3

Noqaman qayllamuwaychej, ninriykichejta kicharispa. Sumajta uyariwaychej, kawsaytataj tarinkichej. Qankunawan wiñaypaj uj tratota ruwasaj, imatachus munakusqay Davidman nerqani, chayta junt'aspa.

Jeremías 38:20

Jeremiasrí kuticherqa: Mana judiokunaj makinman chayankichu. Tata Diospa nisqanta willasusqayta kasuy. Ajinamanta allinmin risonqa, manataj wañunkichu.

Ezequiel 18:9

Kamachisqayman jina kawsan, jinataj nisqayta kasun maychus kajta ruwananpaj. Chaymin cheqan runaqa, chayraykutaj pay kawsanqa. Noqa Tukuyta Kamachej Tata Dios chayta nini.

Oseas 10:12

Paykunata nerqani: Cheqan kaj ruwayta tarpuychej, munakuytataj oqharinkichej. Barbechota ruwaychej, imaraykuchus Tata Diosta mask'ana p'unchay chayamunña. Pay jamuspa qhespichisonqachej, chaytaj ch'aki jallp'apaj para jina kanqa.

Amós 5:6

Tata Diosman kutirikamuychej, kawsanaykichejpaj. Manachus jinata ruwankichej chayqa, Tata Dios israelitakunaj patankuman ninata kachaykamonqa, Betelpitaj ninata thasnunanpaj mana pipis kanqachu.

Sofonías 2:3

Qankunarí, kay pachapi pisi tiyapuyniyojkuna, Diospa kamachisqanta junt'ajkuna, tukuyniykichej Tata Diosta mask'aychej. Jinallataj cheqan kajta ruwaychej, k'umuykuychejtaj. Ajinamanta ichapis Tata Diospa phiñakuyninpa p'unchayninpi waqaychasqa kankichej.

San Mateo 7:8

Pichus Diosmanta mañakojqa jap'in, mask'ajtaj tarin, punkuta takajpajpis Dios punkuta kicharin.

Deuteronomio 32:46

Kay tukuy nisusqaypi allinta unanchaychej, chantá wawaykichejkunata kay kamachisqakunata junt'anankuta kamachiychej.

Deuteronomio 32:47

Kay nisqayqa mana qhasi manakajllachu, imaraykuchus kawsanaykichejqa chaymanta kashan. Sichus qankuna kasunkichej chayqa, kunan Jordán mayu chimpapi jap'inkichej chay jallp'api, unayta kawsankichej, nispa.

Deuteronomio 4:29

Chaywanpis sichus chaypi tiyakushaspa, tukuy sonqoykichejwan, tukuy almaykichejwan ima Tata Diosniykichejta mask'ankichej chayqa, payta tarinkichej.