Amós 5:22 - DIOSPA QHELQACHISQ

²² Sutiypi uywata ñak'aspa q'olachinata mana munanichu, nitaj ch'aki mikhuy jaywanawaykichejtapis. Manallataj wira torillokunata allinyakuna jaywanata jina q'olachisqaykichejtapis jap'ikusqaykichejchu.

Qheshwa Biblia DC

²² Mana noqaqa munanichu rikuchikusta sutiyrayku ruphachipuwasqaykichejta, ch'aki mikhuykunamanta ofrendasta apamuwasqaykichejtapis mana munanichu. Manallataj jap'isqaykichejchu sumachaj wira waka uñasta allinyakunawaykichejpaj ruphachisqaykichejtapis.

DIOSPA QHELQACHISQAN DEUTEROCANONICAL

²² Sutiypi uywata ñak'aspa q'olachinata mana munanichu, nitaj ch'aki mikhuy jaywanawaykichejtapis. Manallataj wira torillokunata allinyakuna jaywanata jina q'olachisqaykichejtapis jap'ikusqaykichejchu.

Amós 5:22 ပူးပေါင်းရင်းမြစ်များ

Isaías 66:3

Chaywanpis pichus wakata ñak'aspa jaywawajqa uj runata wañuchejwan ninakun. Corderota ñak'aspa jaywanata apamojqa alqotapis wañuchispa jaywanman jina. Ch'aki mikhuy jaywanata apamojqa khuchej yawarninta apamojman ninakun. Inciensota q'oshñichejqa lantitapis yupaychanman jina kashan. Paykunaqa sapa ujninku imatachus munasqankuta ajllakunku, chay millay ruwasqankuwantaj sonqonkupi kusikunku.

Salmos 116:17

Tata Dios, pachis nispa uywa ñak'asqata jaywasqayki, sutiykita oqharispataj, qanmanta mañarikusaj.

Salmos 50:23

Chaywanpis pichus pachis pachis nispa niwajqa noqata jatunchawan. Sitajchus puriyniykita allinchanki chayqa, noqa qanta qhespichisqayki.

Levítico 7:11

Tata Diosman k'achata kawsakuy jaywanata jaywanapaj kamachisqakunaqa kaymin:

Salmos 40:6

6 (7) Qanqa uywa ñak'asqa q'olachinata mana munankichu, nitaj ch'aki mikhuy jaywanatapis. Mana uywa ñak'asqa q'olachisqata mañakorqankichu, nitaj jucha pampachanapaj uywa ñak'asqa jaywanatapis. Aswanpis ninriyta uyarinaypaj kichariwarqanki.

Proverbios 21:27

Tata Diosqa millayta ruwajkunaj uywa ñak'asqa jaywasqankuta millachikun, mana allin sonqowan jaywasqankurayku.

Isaías 1:11

Tata Dios nin: Pitaj nisunkichej uywa ñak'asqa jaywanata munasqaytari? Amisqaña kani q'olachisqa carnerokunawan, jinallataj waka uñaj wiranta jaywawasqaykichejwan. Manaña munanichu torokunaj, ovejakunaj, chantá chivokunaj yawarninkuta.

Jeremías 6:20

Imapajtaj qankuna Sabamanta inciensota apamuwankichejri? Imapajtaj karu llajtamanta sumajta q'apaj qhorakunatapis apamullawankichejtajri? Uywa ñak'asqa q'olachisqata jaywawasqaykichejqa mana jap'ikunaypaj jinachu, nillataj waj jaywasqaykichejpis kusichiwanchu, nispa.

Jeremías 7:21

Israelpa Diosnin Tukuy Atiyniyoj Tata Dios ayllunman nillantaj: Uywa ñak'asqa q'olachinakunata, waj jaywasqaykichej imakunatawan tantakuspa, qankunalla chay aychata mikhukapuychej.

Jeremías 14:10

Ajinata Tata Dios israelitakunamanta nin: Paykunaqa lantikunata yupaychayta misk'ichikunku, kayman jaqayman yupaychaspa purinku. Chayrayku noqa mana paykunata allinpaj qhawanichu. Kunan millay ruwasqankumanta yuyarikuspa, paykunata jasut'isaj, nispa.

Amós 5:23

Karunchaychej noqamanta ch'ajwaspa takisqaykichejta. Arpaykichejpa waqasqanta mana uyariyta munanichu.

Malaquías 1:9

Sacerdotekuna, Diosmanta mañakuychej khuyasunaykichejta. Chaywanpis, sichus chay jina ofrendata payman jaywankichej chayqa, ama yuyaychejchu Dios uyarinasuykichejta. Noqamin Tukuy Atiyniyoj Tata Dios chayta nini.

1 Samuel 15:22

Chantá Samuel kuticherqa: Imataj astawan Tata Diospa sonqonta kusichinri? Uywata ñak'aspa q'olachinachu, chayrí kamachisqanta kasunachu? Cheqamanta aswan allin payta kasuna, uywata ñak'aspa q'olachinamanta nisqaqa. Jinataj nisqanta uyarina aswan allin, corderoj wiranta jaywanamanta nisqaqa.

Proverbios 15:8

Tata Diosqa mana allin ruwajkunaj jaywasqankuta millachikun. Cheqan runakunaj mañakusqankutarí kusisqa uyarin.