Amós 5:2 - DIOSPA QHELQACHISQ

² Manaraj qharita rejsej sipas jina Israelqa urman, manaña ujtawan sayariyta atinanpaj jina. Kikin jallp'api wijch'usqa qhepakun, manataj pipis kanchu aysarej.

Qheshwa Biblia DC

² Chhika k'acha llimphu Israel urmapun, manaña ujtawan sayariyta atinampaj. Kikin pampapi wijch'usqa qhepakun, mana pipis kanchu aysarej.

DIOSPA QHELQACHISQAN DEUTEROCANONICAL

² Manaraj qharita rejsej sipas jina Israelqa urman, manaña ujtawan sayariyta atinanpaj jina. Kikin jallp'api wijch'usqa qhepakun, manataj pipis kanchu aysarej.

Amós 5:2 ပူးပေါင်းရင်းမြစ်များ

2 Reyes 15:29

Israel suyuta Pecaj kamachishajtin, Asiria suyuta kuraj kamachej Tiglat Piléser jamuspa, israelitakunamanta kay llajtakunata qhechorqa: Iyonta, Abel Betmacata, Yanojata, Cedesta, Jazorta, Galaadta, Galileata, chantá tukuynin Neftalí jatun aylloj jap'iynintawan ima jap'erqa. Chay llajtakunapi tiyakojkunatataj presota jina Asiriaman aparqa.

2 Reyes 17:16

Tata Diosninkoj tukuy kamachisqanta mana kasuspa, qorita unuyacherqanku. Chantá waka uñaman rijch'akoj iskay lantikunata ruwakorqanku. Asera nisqa lantikunatapis ruwakullarqankutaj. Chay jawaqa Baalta, chantá janajpi tukuy ch'askakunatawan yupaychallarqankutaj.

Isaías 14:21

Wakichikuychej chay runaj churinkunata wañuchinaykichejpaj, ñawpa tatankukuna may millayta ruwasqankurayku. Amaña chay churikuna oqharikuspa, watejmanta suyukunata jap'ikuchunkuchu, nillataj kay pachata llajtankukunawan junt'achichunkuchu.

Isaías 24:20

Kay pachaqa machasqa runa jina chankaykachanqa, wayraj phukusqan ch'ujlla jinataj kaynejman jaqaynejman wajtaykachakonqa. Diospa contranta oqharikuspa juchallikusqanqa kay pachata manchaytapuni llasaykonqa urmachinankama, manañataj ujtawan sayarenqachu.

Isaías 3:8

Cheqapuni Jerusalén llajtaqa urmananpajña kashan. Judá suyupis urmallanqataj, imaraykuchus chaypi tiyakojkuna Tata Diospa contranta parlanku. Mana kamachisqanta kasunkuchu, paypa jatun kayninmantaj sayaykunku.

Isaías 37:22

Tata Diosqa Senaqueribpa contranta kay jinata nin: Kuraj kamachej Senaquerib, Sión llajtaqa sipas jina pisipaj qhawasunki, uyaykipitaj asiykukusunki. Jerusalén llajtaqa qhepaykimanta umanta khiwirispa, asiykukusunki.

Isaías 43:17

Chantá Egiptomanta kallpasapa soldadokunata wajyarqani, carretakunata, caballopi lloq'ajkunata, mayta wapuykachaj soldadokunatawan ima. Jinaspataj, tukuyninkuta yakupi p'ultiracherqani, chinkacherqanitaj q'oshñishaj mecherota jina, nispa.

Jeremías 14:17

Tata Dios nillawarqataj: Aylluyman kayta niy: Tuta p'unchay mana sayk'uyta ñawiymanta waqay t'akakuchun, imaraykuchus may munasqa aylloyqa ñak'arichisqa, k'irisqataj kashan.

Jeremías 18:13

Chayrayku Tata Dios nin: Waj suyukuna ukhupi tapuriychej, ichapis pillapis kayman rijch'akojta uyarin. Mana qharej chayasqan sipas jina Israelqa manchay millayllatapuni ruwan.

Jeremías 2:27

Qankunaqa uj k'ulluta ninkichej: Qan tatay kanki, nispa. Uj rumitataj ninkichej: Qan mamitay kanki, nispa. Noqatatajrí wasanchawankichej, wajnejmantaj qhawaykachankichej. Ñak'ariypi rikhurispalla, niwankichej: Jamuy yanaparinawaykupaj, nispa.

Jeremías 31:4

Munasqa Israel ayllúy, watej oqharisqayki, sayarichisqataj kanki. Watej panderetata oqharispa, kusiywan tusurinki.

Jeremías 4:20

Patanpi patanpi llakiy willay chayamun. Tukuy Judá suyu ch'inyachisqa kashan. Kaymanta jinalla toldoykuna phirisqa rikhurerqanku, jarakunaytaj phirisqa karqanku.

Jeremías 50:32

Runaykachaj suyu, qanqa misk'aspa urmanki, manataj pipis sayarichisoj kanqachu. Tukuy llajtaykikunaman ninata jap'iykuchisaj, chay ninataj tukuy muyuynintinta ruphaykonqa, nispa.

Jeremías 51:64

Babilonia ajinatamin chinkaponqa, manañataj ujtawan jatarimonqañachu, Tata Dios kay suyuman apachimunan kashan, chay ñak'ariypi urmasqanmanta, nispa. Kaykamalla Jeremiaspa sut'inchasqan karqa.

Jeremías 8:4

Tata Dios nillawarqataj: Qan, Jeremías, aylluyman kay parlasqayta sutiypi willay: Pipis urmaytawanqa, sayarikun. Ñanta chinkachejpis ñanman kutirimunpuni.

Jeremías 9:21

21 (20) Wañoyqa wasinchejkunaman yaykuykamun, kamachina wasimanpis. Callekunapi wawakunata wañuchin, plazakunapitaj waynakunata.

Jeremías 9:9

9 (8) Manachu kay millayta ruwasqankumanta paykunata jasut'iymanri? Manachu ajinata ruwaj suyumanqa ruwasqanman jina qopuymanri? Ajinata noqa Tata Dios nini.

Lamentaciones 2:13

Jerusalén llajta, imatataj niykimanri? Jerusalén, imawantaj rijch'anachiykiman qanta sonqochanaypajri? Qanpa llakiyniykeqa mama qocha jina. Pitaj sonqoykita tiyaykuchiyta atisunkimanri?

Oseas 14:1

Israel, Tata Diosniykiman kutirikuy juchallispa urmasqaykimanta.

Oseas 6:2

Iskay p'unchaymantawan kawsarichiwasunchej, kinsa p'unchayninmantaj sayarichiwasunchej paypa ñawpaqenpi kawsananchejpaj.

Amós 8:14

Samariaj lantinkunarayku tilojkunapis, pikunachus ninku: Dan aylloj diosninrayku, chayrí Bersebaj diosninkunarayku tiluyku, nispa, chaykunapis urmanqanku, manañataj ujtawan oqharikonqankuchu.

Amós 9:11

Uj p'unchay jamushan, chay p'unchaypitaj Davidpa ayllunta urmasqa kasqanmanta oqharisaj, watejmantataj sayarichisaj, imaynachus ñawpajta karqa, kikinta.