Amós 5:18 - DIOSPA QHELQACHISQ

¹⁸ Ay, jatun llakiy kanqa, pikunachus Tata Diospa p'unchaynin chayamunallantaña munashanku, chaykunapaj. Yachankichejchu imaynachus chay p'unchay qankunapaj kananta? Chay p'unchayqa laqhalla kanqa, manataj sut'ichu.

Qheshwa Biblia DC

¹⁸ Ay, phutiy, pikunachus Señorpa p'unchaynin chayamunallantaña munashanku chaykunamanta. Yachankichejchu imaynachus chay p'unchay qankunapaj kananta? Chay p'unchayqa laqha p'unchay kanqa, mana p'unchaychu.

DIOSPA QHELQACHISQAN DEUTEROCANONICAL

¹⁸ Ay, jatun llakiy kanqa, pikunachus Tata Diospa p'unchaynin chayamunallantaña munashanku, chaykunapaj. Yachankichejchu imaynachus chay p'unchay qankunapaj kananta? Chay p'unchayqa laqhalla kanqa, manataj sut'ichu.

Amós 5:18 ပူးပေါင်းရင်းမြစ်များ

Isaías 13:6

Qhaparispa waqaychej, imaraykuchus Tata Diospa p'unchaynenqa qayllapiña kashan. Chay p'unchay chayamojtin, Tukuy Atiyniyoj Tata Dios tukuyta phirenqa.

Isaías 24:18

Pichus manchachikuymanta ayqejqa t'oqoman urmaykonqa. T'oqomanta llojsimojtaj tojllapi jarap'asqa rikhurenqa. Janajmanta jatun para urmamonqa, kay pachaj sonqontaj ikhakonqa.

Isaías 5:19

Qankuna ninkichej: Diosqa imatachus ruwananta usqhayta ruwachun, noqanchej rikunanchejpaj. Israelpa May Llimphu kaj Diosnenqa ruwananta usqhayllata junt'achun, imaraykuchus noqanchej imachus kananta yachayta munanchej, nispa.

Isaías 5:30

Chay p'unchay chayamojtin, chay suyumanta kaj soldadokunaqa mama qocha jina Israelpa contranpi qhaparenqanku. Pillapis suyuntinta qhawarejqa llakiywan laqhayaykushajta rikonqa. Janajpi k'anchajkunatapis yana phuyu laqhayaykuchenqa.

Isaías 58:2

Paykunaqa sapa p'unchay mask'awanku. Kamachisqayta rejsiyta munanku, cheqanta ruwaj ayllupis kankuman jina, Diosninkoj kamachisqanta manapis saqenkumanchu karqa jina. Jinallataj paykuna cheqan justiciata ruwanayta mañawanku, noqaman qayllaykamuwaspataj, kusikunku.

Isaías 8:22

Jallp'ata qhawarispataj, rikonqanku llakiyllata, laqhayayllata, may waqaytataj. Jinataj tuti laqha ukhuman wijch'usqa kanqanku.

Isaías 9:19

19 (18) Tukuy Atiyniyoj Tata Diospa phiñakuyninrayku tukuy suyu lawrarishan, runakunataj ninata enqhanapaj llant'a jina kanku. Chaypacha mana pipis runa masinta khuyanqachu.

Jeremías 13:16

Tata Diosniykichejta jatunchaychej, manaraj laqhayayta apachimushajtin, laqhayaykojtintaj montepi misk'awajchej. Qankunaqa k'anchayta suyashankichej, paytajrí chay k'anchayta tuti laqhaman tukuchenqa.

Jeremías 17:15

Runakunaqa nillawankupuni: Maytaj Tata Diospa nisqan junt'akusqanri? Kunanpacha junt'akuchun ari, nispa.

Jeremías 30:7

Sinch'i ñak'arina p'unchay qayllamushan, chay p'unchay jinaqa mana jayk'ajpis karqachu. Jatun llakiy p'unchay Jacobpa mirayninpaj kanqa. Chaywanpis noqa chaymanta paykunata kacharichisaj.

Ezequiel 12:22

Israelitakuna niyta yachanku: P'unchaykuna pasashan, Diosmanta sut'inchajpa nisqantaj mana junt'akushanchu, nispa. Chayta nispa, imatataj niyta munankuri?

Ezequiel 12:27

Runaj churin, israelitakuna nishanku: Ezequielpa mosqoypi jina rikusqanqa unaymantaraj junt'akonqa, nispa.

Joel 1:15

Ay, Tata Diospa p'unchaynin chayamushanña. Llakiy p'unchayqa qayllapiña. Tukuy Atiyniyoj Diospa thuñinan p'unchay chayamushanña.

Joel 2:10

Jallp'a kharkatitin paykunaj ñawpaqenkupi. Janajpis chujchurin. Intipis, killapis laqhayaykunku, ch'askakunataj ayphuyaykunku.

Joel 2:11

Tata Diosqa soldadonkunaj ñawpaqenkupi purispa, qhon qhon jina kamachisqanta uyarichin. Soldadonkuna may ashkhapuni kanku, kamachisqanta junt'ajkunataj may atiyniyoj kanku. Tata Diospa p'unchaynenqa manchay t'ukuna, manchachikunataj. Manataj pipis ñawpaqenpi sayayta atej kanchu.

Joel 2:31

31 (3.4) Inteqa laqhaman tukonqa, killataj yawar jina puka kanqa, Tata Diospa manchachikuna p'unchaynin manaraj chayamushajtin.

Abdías 1:15

Tata Dios tukuy suyukunata jasut'inan p'unchay chayamushanña. Chayrayku imaynatachus wajkunata ruwarqanki, ajinallatataj qantapis ruwasonqanku. Imatachus ruwasqaykiman jina jap'inki.

Malaquías 4:1

1 (3.19) Tukuy Atiyniyoj Tata Dios nin: Horno jina lawraj juicio p'unchay qayllamushanña, chay p'unchaypitaj tukuy jatunchakojkuna, tukuy millayta ruwajkuna ima ichhu jina ruphanqanku. Chay jamoj p'unchaypi ninaqa tukuyninkuta q'olanqa, nitaj imapis paykunamanta puchonqachu.

Deuteronomio 32:24

Yarqhaywan, chantá k'aja onqoywan ima wañonqanku. Uj millay onqoy paykunata tukuchenqa. Paykunaman khanikoj animalkunata kachaykusaj, venenoyoj katarikunata ima.

2 Pedro 3:10

Tukuyta Kamachej Jesucristoj kutimunan chay p'unchayqa suwa jina chayamonqa. Chaypachataj, janajpis manchayta t'ojyaspa chinkarenqa, tukuy kaj chhikataj ninawan q'olaykusqa kanqa. Jinallataj kay pachapis, tukuy imantin kantumanta tukuchisqa kanqa.

2 Pedro 3:4

Paykuna nenqanku: Cristo kutimunanta nerqa. Maytaj kutimusqanri? Ñawpa tataykupis wañupunkuña, kunankamataj tukuy ima, qallariypi jina imaynachus karqa, jinallapuni kakushan, nispa.