Amós 5:16 - DIOSPA QHELQACHISQ

¹⁶ Ajinatamin nin Tukuy Atiyniyoj Tata Dios: Tukuy plazakunapi waqay kanqa, tukuy callekunapitaj nanaywan qhapariy kanqa. Campo runakunata wajyanqanku paykunawan khuska waqanankupaj, pagomanta waqajkunatataj waqanankupaj mink'allanqankutaj.

Qheshwa Biblia DC

¹⁶ Ajinatamin nin Tukuy Atiyniyoj Señor Diosqa: Tukuy plazaspi waqay kanqa, tukuy callespitaj nanaywan qhapariy kanqa, chay llakiymantaj campo runasta wajyanqanku, waqaspa kausajkunatapis chay waqayman wajyanqanku.

DIOSPA QHELQACHISQAN DEUTEROCANONICAL

¹⁶ Ajinatamin nin Tukuy Atiyniyoj Tata Dios: Tukuy plazakunapi waqay kanqa, tukuy callekunapitaj nanaywan qhapariy kanqa. Campo runakunata wajyanqanku paykunawan khuska waqanankupaj, pagomanta waqajkunatataj waqanankupaj mink'allanqankutaj.

Amós 5:16 ပူးပေါင်းရင်းမြစ်များ

2 Crónicas 35:25

Jeremiasqa uj llakiy yarawita wakicherqa, Josiaspa wañupusqanmanta yuyarikunapaj. Tukuy takejkuna qharikuna, warmikunapis, Josiasmanta yuyarikuspa kunankama takinku. Chay jina yarawitaqa Israelpi pi wañupojtin takillankupuni. Yarawi qhelqasqapi qhelqasqa kashan.

Isaías 15:8

Chay jinata runakunaj qhaparikusqanku Moab suyoj mojonninkama uyarikun, waqasqankutaj Eglayinkama chayan, Ber Elimkama ima.

Isaías 22:12

Chay p'unchaypi Tukuy Atiyniyoj Tata Dios wajyasorqachej mayta llakikuspa waqanaykichejpaj, llakikusqaykichejta rikuchispa umaykichejta ruthukunaykichejpaj, qhashqa p'achata churakunaykichejpaj ima, chay millay ruwasqaykichejmanta.

Jeremías 30:5

Tata Dios nin: Runakunata manchachikuywan qhaparishajta uyarini. Sinch'i manchachikuy tiyan, manataj allin kawsay kanchu.

Jeremías 4:31

Nanaywan qhaparisqankuta uyarini, imaynatachus uj warmi kuraj kaj wawanta paqarichikushaspa qhaparin, ajinata. Chayqa Sionpa nanaywan qhaparikusqan, makinta jaywarakuspataj, nin: Ay, noqamanta, kay runa wañuchejkuna wañuchiwanqankuña, nispa.

Jeremías 9:10

10 (9) Chantá Jeremías nerqa: Orqokunarayku sonqo nanayta waqasaj, pastokunaraykutaj llakiy yarawita takisaj, imaraykuchus tukuy pastoqa ruphasqa kashan. Mana pipis chayninta purinñachu, manañataj wakakunaj waqasqanpis uyarikunñachu. P'isqokunapis, k'ita animalkunapis ayqekunkuña, nispa.

Jeremías 9:16

16 (15) Paykunata ñawpa tatankoj, nitaj paykunaj mana rejsisqanku suyukunaman ch'eqerachisaj. Chaypitaj paykunata espadawan qhatiykachachisaj, ni uj puchuyoj tukuchisqa kanankukama, nispa.

Oseas 4:3

Chayrayku kay suyu lutuchasqa jinamin, chaypi kajkunataj kallpa wañusqa kanku. K'ita animalkunapis, p'isqokunapis, chantá mama qochapi challwakunapis chinkarapushanku.

Joel 1:11

Chajrata poqochejkuna, uvata poqochejkuna ima, llakisqa waqaychej, imaraykuchus chajra mana kanchu. Manataj kanchu trigo ruthuna, nitaj cebada oqharinapis.

Joel 1:14

Tukuy runata tantaspa, ayunanankuta niychej. Tata Diosniykichejpa Templonpi tantaychej kurajkunata, kay suyupi tiyakojkunatawan, chaypitaj Tata Diosmanta mañakuychej.

Joel 1:15

Ay, Tata Diospa p'unchaynin chayamushanña. Llakiy p'unchayqa qayllapiña. Tukuy Atiyniyoj Diospa thuñinan p'unchay chayamushanña.

Joel 1:8

Ayllúy, mayta waqaychej, imaynatachus casarakoj sipas munasqan wañupojtin, lutokuspa sonqo nanayta waqan, ajinata.

Amós 3:13

Kayta uyariychej, chaymantataj Jacobpa ayllunman willaychej: Tukuy Atiyniyoj Tata Dios kay jinata nin: Jacobpa ayllunpa contranpi rimariychej.

Amós 5:27

Chayrayku noqaqa Damascomanta aswan jaqayman apachisqaykichej. Noqa Tukuy Atiyniyoj Tata Dios chayta nini. Chaymin suteyqa.

Amós 8:10

Raymiykichejta waqanaman tukuchisaj, takisqaykichejtapis llakiy yarawiman. Lutochisqaykichej, umaykichejtataj t'ojluchisqaykichej, sinch'i llakisqa kasqaykichej yachakunanpaj. Waqankichej, imaynatachus uj runa waqan k'ata wawan wañupojtin, jinata. Tukuy imataj may llakiyman tukonqa, nispa.

Amós 8:3

Chay p'unchaypi kamachinanku wasipi takisqanku may llakiyman tukonqa. Ashkha runakuna wañusqankuraykutaj, ayanku tukuynejpi wijch'urayanqa, nispa. Noqa Tukuyta Kamachej Tata Diosmin chayta nini.

Miqueas 1:8

Chayrayku ancha llakisqa waqasaj, jinataj q'alalla, q'ara chakitaj purisaj. K'ita alqo jina awllakuspa, suri jina waqaspataj purisaj.

Miqueas 2:4

Chay p'unchaypi awqaykichejkuna kusipayaspa, kay jina yarawita takipusonqanku: Cheqapuni ni imayoj rikhurinku. Tata Diospata kajkunaqa wajpa makinman chayanku, ni pej jark'akusqan. Tukuy suyunkuta soldadonchejkuna jap'ikapunku, jallp'ankutapis rak'inaykukunchej, nispa.

Apocalipsis 18:10

Paypa ñak'arichisqanta rikuspa, mancharenqanku, karullapi sayaspataj, nenqanku: Ay, Babilonia jatun llajta, kay jina jatun llakiyman chayanaykiri. Manaraj imapi Diospa jasut'iynin pataykiman urmaykamusorqa, nispa.

Apocalipsis 18:19

Ajinaqa umankuman jallp'ata qhalliykukuspa, qhaparerqanku, jik'un jik'unta waqaspataj, nerqanku: Kay jina llakiyman kay llajta chayananri. Mama qochapi tukuy barcoyoj kajkuna paypa kapuyninwan qhapajyarqayku. Kunantajrí manaraj imapi chinkarparichisqa, nispa.