Amós 5:14 - DIOSPA QHELQACHISQ

¹⁴ Mask'aychej allin kajta, amataj mana allin kajtaqa, kawsankichejtaj. Ajinata niyta atinkichej: Tukuy Atiyniyoj Tata Dios noqanchejwan kashan, nispa, chay nisqaykichejtaj jinapuni kanqa.

Qheshwa Biblia DC

¹⁴ Mask'aychej allin kajta, mamataj sajra kajtaqa, chantaqa kausankichejtaj; ajinamanta qankunaj nisqaykichejqa cheqan kanqa. Tukuy Atiyniyoj Señor Dios qankunawan kashan.

DIOSPA QHELQACHISQAN DEUTEROCANONICAL

¹⁴ Mask'aychej allin kajta, amataj mana allin kajtaqa, kawsankichejtaj. Ajinata niyta atinkichej: Tukuy Atiyniyoj Tata Dios noqanchejwan kashan, nispa, chay nisqaykichejtaj jinapuni kanqa.

Amós 5:14 ပူးပေါင်းရင်းမြစ်များ

Génesis 39:23

Chayrayku carcelmanta cuentayoj runaqa José imatachus ruwashasqanta mana qhawajchu, imaraykuchus Tata Dios Josewan kasqanrayku tukuy ima ruwasqanpi allin rerqa.

1 Crónicas 28:20

Chantá Davidqa Salomonta nillarqataj: Kallpachakuy, sinch'ita sayay, ruwaj sayaykuypachataj. Ama iskayrayaychu, nitaj manchachikuychu, imaraykuchus Tata Diosneyqa qanwanpuni kanqa. Tata Diospa Templonpi tukuy imachus ruwanata tukunaykikama, payqa mana saqesonqachu, nitaj qonqarparisonqachu.

2 Crónicas 15:2

Paytaj Asata taripaj rispa, nerqa: Kuraj kamachej Asa jinataj tukuy Judamanta, Benjaminmanta kajkunapis, uyariwaychej: Sichus qankuna Tata Diospi atinikunkichej chayqa, payqa qankunawanpuni kanqa. Payta mask'ankichej chaypis tarinkichejpuni. Saqenkichejtajchus chayrí, paypis saqerparillasonqachejtaj.

Salmos 46:11

11 (12) Tukuy Atiyniyoj Tata Dios noqanchejwan kashan. Jacobpa Diosnenqa pakakunanchej.

Salmos 97:10

Tata Diosta munakojkuna, millay kajta ruwanata chejnikuychej. Tata Diosqa payta kasojkunaj kawsayninkuta waqaychan, paykunatataj millayta ruwajkunaj makinmanta kacharichin.

Éxodo 3:12

Chantá Dios kuticherqa: Noqamin qanwan kasaj. Noqa qanta kachasusqayta yachanaykipajtaj, kaymin señal kanqa: Maypachachus israelitakunata Egiptomanta orqhomunki chaypacha, tukuyniykichej kay orqopipuni yupaychawankichej, nispa.

Proverbios 11:27

Pichus allin kajpa qhepanta purejqa allinpaj qhawasqa kayta mask'an. Mana allin kajta mask'ajmanrí mana allinchu renqa.

Isaías 55:2

Imaraykutaj qolqeykichejta tukunkichej mana mikhuna kajllapi? Imaraykutaj pagoykichejta tukunkichej mana sajsachej mikhunallapiri? Allinta uyariwaychej, jinaspataj allin kajmanta mikhunkichej, sumaj mikhuykunawantaj misk'irichikuychej.

Isaías 8:10

Sumajtapis maqanakunapaj wakichikojtiykichej, qhasi manakajllapaj kanqa. Imata parlasqaykichejqa manapuni junt'akonqachu, imaraykuchus Diosqa noqaykuwan kashan, nispa.

Amós 3:3

Sichus iskay runakuna khuska purinku chayqa, ujllata parlasqankurayku ajinata purinku.

Amós 5:6

Tata Diosman kutirikamuychej, kawsanaykichejpaj. Manachus jinata ruwankichej chayqa, Tata Dios israelitakunaj patankuman ninata kachaykamonqa, Betelpitaj ninata thasnunanpaj mana pipis kanqachu.

Miqueas 3:11

Llajtapi justiciata ruwajkuna, qankuna rantichikunkichej. Sacerdotekuna, qankunapis qolqeraykulla yachachinkichej, sut'inchajkunapis qolqeraykullataj imatapis willankichej. Chantá mayta parlankichej Tata Diospi atinikusqaykichejmanta: Tata Dios noqanchejwan kashan, manataj ni ima mana allin kajpis qhatiriwasunchu, nispa.

Miqueas 6:8

Ayllúy, Tata Dios nisunkiña imachus allin kasqanta. Payqa kayta ruwanaykita munan: Cheqan kajta ruwanaykita, khuyakuyniyoj kanaykita, chantá k'umuykukoj sonqowan payta kasunaykita ima.

Sofonías 2:3

Qankunarí, kay pachapi pisi tiyapuyniyojkuna, Diospa kamachisqanta junt'ajkuna, tukuyniykichej Tata Diosta mask'aychej. Jinallataj cheqan kajta ruwaychej, k'umuykuychejtaj. Ajinamanta ichapis Tata Diospa phiñakuyninpa p'unchayninpi waqaychasqa kankichej.

Números 16:3

Tukuyninku tantaykukuspa, Moisesman, Aaronmanwan sayaykuspa, nerqanku: Munasqaykichejta ruwanaqa kaykamalla kachun. Tukuy israelitakuna Diospaj t'aqasqa kanchej, Tata Diospis tukuyninchejwan kashan. Imaraykutaj qankuna Tata Diospa ayllunmanta aswan kasqaykichejta yuyakunkichejri? nispa.

San Mateo 1:23

Qharej mana chayasqan uj sipas wijsallikonqa, uj qhari wawatataj paqarichikonqa. Chay wawata Emanuel sutiwan sutichanqanku. Chay suti niyta munan: Diosqa noqanchejwan, nispa.

San Mateo 28:20

Chantá paykunaman yachachimuychej, imatachus noqa kamacherqaykichej, chayta, paykunapis kasunankupaj. Jinallataj yachaychej noqa qankunawan tuta p'unchay kanayta kay pacha tukukunankama, nispa.

San Mateo 6:33

Aswanpis qankunaqa Dios kuraj kamachejniykichej kananta tukuy sonqo munaychej, chayman jina cheqan kawsaytapis ñawpajta mask'aychej, jinapitaj Diosqa chay waj imakunata yapata jina qosonqachej.

2 Timoteo 4:22

Tukuyta Kamachej Jesucristo qanwan kachun. Jinallataj Diospa qhasilla k'acha yanapayninpis qankunawan kachun.

Josué 1:9

Noqamin kamachiyki: Sumajta kallpachakuy, waputaj kay. Ama manchachikuychu, nitaj q'ewakuychu. Noqa Tata Diosniyki qanwanpuni kasaj, maymanchá rinki, chaypi, nispa.