Amós 5:12 - DIOSPA QHELQACHISQ

¹² Tata Dios nillantaj: Noqa millay ruwasqaykichejta yachani, juchaykichejtaj may jinamin kanku. Qankunaqa cheqanta ruwajta ñak'arichinkichej, juzgadopitaj wajchakuna quejapi atipachikunankupaj lluk'ita jap'ikunkichej.

Qheshwa Biblia DC

¹² Noqa rejsini millay sajra kasqankuta, juchasninkoqa mana tukukoj, llakichinku cheqan runasta, lluk'irastataj jap'inku; cheqanchana wasispitaj wajchastaqa imapipis atipankupuni.

DIOSPA QHELQACHISQAN DEUTEROCANONICAL

¹² Tata Dios nillantaj: Noqa millay ruwasqaykichejta yachani, juchaykichejtaj may jinamin kanku. Qankunaqa cheqanta ruwajta ñak'arichinkichej, juzgadopitaj wajchakuna quejapi atipachikunankupaj lluk'ita jap'ikunkichej.

Amós 5:12 ပူးပေါင်းရင်းမြစ်များ

Job 20:19

Payqa wajchakunamanta kapuyninkuta qhechuspa, mana imayojta saqerqa, mana ruwasqan wasikunatapis jap'ikapullarqataj.

Job 31:21

Juezkunawan rejsinakusqayrayku, mana jayk'aj wajcha wawata waqacherqanichu.

Salmos 127:5

Ashkha wawayoj kajqa manchay kusisqa kanqa, imajtinchus juezkunaj ñawpaqenpi awqankunaman kutichikushajtin, mana p'enqachisqachu kanqa.

Éxodo 23:3

Amallataj quejapi wajcha runa kasqanraykulla sayakunkichu.

Éxodo 23:6

Wajcha runaj quejakusqanmanqa justiciata cheqanta ruwanki.

Proverbios 17:8

Pichus lluk'iyta yachajqa atiyniyoj kasqanta yuyakun, imajtinchus imata ruwasqanpi allillan rin.

Proverbios 22:22

Ama wajcha runamanta wajcha kasqanrayku imantapis qhechuychu. Amallataj juezpa ñawpaqenpi payta ñak'arichinkichu.

Isaías 1:23

Kamachisojkunaqa contraypi oqharikunku, suwajkunaj kawsaqenkutaj kanku. Tukuyninku qolqewan lluk'ichikunku, jinallataj t'inkata qochikuyta mask'anku. Wajcha wawapaj mana justiciata ruwankuchu, nitaj warmisapaj qhaparikusqantapis uyarinkuchu.

Isaías 10:2

Chaywan wajchakunapaj mana justiciata ruwankichejchu, jark'ankichejtaj ñak'arichisqa kajkunapaj cheqan justicia kananta. Warmisapakunamantapis chay kamachisqakunawan tukuy kapuyninkuta suwankichej, wajcha wawamantapis suwallankichejtaj.

Isaías 29:21

Mana juchayojta tumpaspa llulla juezkunapis chinkanqanku, jinallataj mana juchayojta imaymana llullakuywan ch'awkiyajkuna, chantá mana cheqan justiciata ruwajkunapis, tukuyninku chinkarparichisqa kanqanku.

Isaías 33:15

Kay jina runalla chaypi tiyakonqa: Pichus cheqanta ruwaspa kawsan, cheqan kajtataj parlan, pichus runata waqachispa, qolqe jap'inata chejnikun, manataj lluk'ichikunchu, pichus runata wañuchimuna nejtinkupis, ninrinta wisq'aykun, ñawintapis wisq'aykullantaj chay millaykunata mana ruwananpaj ima.

Isaías 47:9

Chaywanpis kay iskaynin llakiykuna ujllata, uj p'unchayllapi qhatirisonqa: Ujllapi mana wawayoj, mana qosayojtaj rikhurinki. Chay jina yatiriyoj, layqayoj kashajtiykipis, chay llakiykunaqa kaymanta jinalla chayamusonqapuni.

Isaías 5:23

Qankunaqa juchayoj runawan lluk'ichikusqaykichejrayku, juchayoj runata mana juchayoj kasqanta ninkichej, mana juchayojtatajrí juchachankichej.

Isaías 66:18

Noqa yachani paykunaj mana allin ruwasqankuta, imatachus yuyasqankutapis. Aswan qhepaman uj p'unchay chayamonqa tukuy suyuta, tukuy llajtapi tiyakojkunata ima ujllaman tantanaypaj. Chayman jamuspa, paykuna jatun kayniypa lliphipiyninta rikonqanku.

Jeremías 29:23

Paykunaqa millay mana ruwanata Israelpi ruwarqanku. Runa masinkoj warminwan khuchichakorqanku, sutiypitaj llullakuspa parlarqanku, mana noqa kamachisqallayta. Chayta noqa yachani, rikunitaj. Noqa Tata Diosmin chayta nini.

Lamentaciones 3:34

Tata Dios mana walej ninchu, atiyniyojkuna carcelpi kajkunata mana khuyakuspa sarojtinku.

Ezequiel 13:22

Qankunaqa llullakusqaykichejwan cheqan ruwajkunata llakichinkichej. Noqataj mana munanichu llakisqa kanankuta. Qankunarí sonqochankichej sajra sonqoyojkunata millay purisqankumanta ama t'aqakunankupaj.

Oseas 5:3

Efrainta noqa rejsini. Payqa manamin mana rejsisqa jinachu noqapajqa. Efrainqa phisu warmi jina wajkunawan khuchichakorqa, Israelpis ch'ichichakullarqataj.

Amós 2:16

Chay p'unchaypi aswan wapu soldado kajpis p'achanta ch'uskikuspa, q'alalla ayqenqa. Noqa Tata Diosmin ajinata nini.

Amós 2:3

Jinallataj Moabta kuraj kamachejta, jinallataj wapu soldadonkunatapis wañuchisajpuni. Noqa Tata Dios ajinata nini.

Amós 5:10

Ay, qankunamanta justiciata ruwajta chejnejkuna, pikunachus testigo jina cheqanta parlajkunata mana rikuyta atejkuna.

Amós 5:7

Ay, qankunamanta, justiciata ñak'arinaman tukuchejkuna, pikunachus cheqan kajta ruwanata pampaman wijch'ojkuna.

Amós 8:4

Uyariychej kayta: Qankunaqa pisi tiyapuyniyojkunaj kallpanta ch'onqankichej, wajchakunatataj chinkachiyta munashankichej.

Miqueas 3:11

Llajtapi justiciata ruwajkuna, qankuna rantichikunkichej. Sacerdotekuna, qankunapis qolqeraykulla yachachinkichej, sut'inchajkunapis qolqeraykullataj imatapis willankichej. Chantá mayta parlankichej Tata Diospi atinikusqaykichejmanta: Tata Dios noqanchejwan kashan, manataj ni ima mana allin kajpis qhatiriwasunchu, nispa.

Miqueas 7:3

Millayta ruwanapaj may yuyayniyoj kanku. Kurajkunaqa runakuna t'inkata apamunankuta mat'inku, justiciata ruwajkunataj lluk'ichikunku. Atiyniyoj kajkunataj munayninkuman jina ruwaspa, runakunata mana allinta ruwanaman apanku.

Malaquías 3:5

Tukuy Atiyniyoj Tata Dios nin: Noqa qankunata juzgaj jamusaj. Chaypachataj noqamin testigo jina sayasaj kay jina kajkunaj contrankupi: Layqakuna, wasanchajkuna, llullakuspa tilojkuna, jornal pagota mana qopojkuna, pikunachus warmisapatawan ni piniyoj wajchakunatawan ñak'arichejkuna, waj llajtayojta ñak'arichejkuna, pikunachus mana jatun respetowan noqata qhawawanku ima, chaykunaj contrankupi sayaykusaj.

Hechos 7:52

Diosmanta mayqen sut'inchajtataj ñawpa tatanchejkuna mana qhatiykacharqankuchu ñak'arichinankupaj? Chantá wañuchillarqankutaj pikunachus unaymantapacha willarqanku cheqan kaj runa jamunanta, chaykunata. Pay jamojtintaj, qankunaqa payta wasanchaspa wañuchillarqankichejtaj.

Deuteronomio 16:18

Tata Diosniykichej qosonqachej, chay llajtakunapi juezkunata, kurajkunatawan ima churankichej, paykuna tukuypaj justiciata ruwanankupaj.

Deuteronomio 31:21

Chay chhika nanaykuna, llakiykuna ima patankuman jamojtintaj, kay takiymanta yuyarikonqanku, imaraykuchus mirayninku yuyarikuspa takenqanku. Paykuna qonayta nerqani, chay jallp'aman manaraj yaykunkurajchu chaypis, noqa paykuna sonqonku ukhupi imatachus yuyashasqankuta yachaniña, nispa.

Santiago 5:4

Chantá qankuna chajraykichejta oqharejkunaman ch'awkiyaspa mana pagarqankichejchu, chay mana pagasqaykichej qolqetaj contraykichejta qhaparishan. Arí, chajraykichejta oqharejkunaj qhaparisqankoqa Tukuy Atiyniyoj Diospa ninrinkama chayan.

Santiago 5:6

Jinallataj qankunaqa mana juchayoj runakunata juchachaspa wañuchinkichej, paykunataj mana imatapis kutichikuyta atinkuchu.

Rut 4:1

Chay qhepata Boozqa llajta yaykuna punkuman rispa, tiyaykukorqa, maypichus runakuna tantakoj kanku, chaypi. Chaypachapuni, pimantachus Boozqa Rutman parlasqa, chay ayllun chayninta pasasharqa. Booztaj nerqa: Yu, jamuriy má. Kaypi tiyarikuy, nispa. Chay runataj chimpaspa, tiyarikorqa.

1 Samuel 8:3

Chaywanpis Samuelpa churinkunaqa mana tatanku jinachu imatapis allinta ruwarqanku. Manachayqa qolqeta munapayanawan atipachikuspa, lluk'ita jap'ikorqanku, nitaj justiciata ruwarqankuchu.