Amós 5:11 - DIOSPA QHELQACHISQ

¹¹ Qankunaqa ch'eqosqa rumimanta ruwasqaykichej wasikunapi mana tiyakuyta atinkichejchu, nitaj poqochisqaykichej uvamanta vinotapis ujyayta atinkichejchu, imaraykuchus wajchakunata waqacherqankichej, poqochisqanku trigomantataj ashkha impuestota orqhorqankichej.

Qheshwa Biblia DC

¹¹ Qankunaqa mana atiwajchejchu rumimanta ruwasqaykichej wasispi, nitaj vinotapis ujyawajchejchu tarpusqaykichej uvasmanta; wajchasta sarusqaykichejrayku; trigomanta impuestota mañasqaykichejrayku.

DIOSPA QHELQACHISQAN DEUTEROCANONICAL

¹¹ Qankunaqa ch'eqosqa rumimanta ruwasqaykichej wasikunapi mana tiyakuyta atinkichejchu, nitaj poqochisqaykichej uvamanta vinotapis ujyayta atinkichejchu, imaraykuchus wajchakunata waqacherqankichej, poqochisqanku trigomantataj ashkha impuestota orqhorqankichej.

Amós 5:11 ပူးပေါင်းရင်းမြစ်များ

Job 20:19

Payqa wajchakunamanta kapuyninkuta qhechuspa, mana imayojta saqerqa, mana ruwasqan wasikunatapis jap'ikapullarqataj.

Isaías 16:10

Llank'ana jallp'akunapi kusiy takiy tukukapun, uva huertakunapipis manaña takiykuna uyarikunchu. Manaña vino ruwanapaj uvatapis ch'irwankuchu, imaraykuchus kusiywan ch'ajwasqankuta ch'inyachini.

Ezequiel 26:12

Chantá qhapaj kapuyniykita apakaponqanku, tukuy imaykitapis suwakaponqanku. Perqaykita loqheykonqanku, sumaj wasiykikunatapis thuñiykonqanku. Rumiykikunata, kurkuykikunata ima, thuñisqa perqaykitawan khuska mama qochaman wijch'onqanku.

Ezequiel 34:21

Qankuna wira ovejakunaqa tulluyasqa ovejakunata teqerarqankichej, wajraspataj ayqecherqankichej.

Oseas 9:2

Chayrayku Israel, qan mana trigoyoj nitaj vinoyoj kanki, mosoj vino kajpis pisilla kanqa.

Levítico 26:16

noqapis qankunawan kay jinata ruwasaj: Manchachikuspalla kawsayta kachaykamusqaykichej, wañuchej onqoyta, k'aja onqoyta, ñawi onqoyta, chantá llawch'iyay onqoytawan ima kachaykamullasqaykichejtaj. Qankunaqa qhasillata tarpunkichej, imaraykuchus poqochisqaykichejta awqaykichej mikhukaponqanku.

Amós 2:6

Tata Dios kay jinata nin: Israelitakuna millayta ruwaspa, anchatañataj juchallikunku. Chayrayku paykunata jasut'isajpuni, imaraykuchus mana juchayojta vendenku, wajcha runatataj juk'utaraykulla chhalarparinku.

Amós 2:7

Pisi tiyapuyniyojta ñak'arichinku, k'umuykachachinkutaj, llamp'u sonqoyojkunapajpis mana justiciata ruwayta munankuchu. Chantá tatawan, churinwan ima uj warmillawan puñuykunku, ajinata ruwaspataj, may llimphu sutiyta sarunku.

Amós 3:15

Chiri tiempopaj ruwasqa wasikunata laqayaman tukuchisaj, jinallataj q'oñi tiempopaj ruwasqa wasikunatapis. Marfilmanta wasikunata chinkachisaj, kamachina wasikunatapis thuñillasajtaj, nispa. Ajinata Tata Dios nin.

Amós 3:9

Asdod llajtapi kamachina wasikunapi, Egipto suyupi kamachina wasikunapi ima kayta willaychej: Samaria orqoman jamuychej, qhawaychejtaj imaymana ch'ajwa chantá ñak'ariy ima kasqanta, nispa.

Amós 4:1

Samariamanta warmikuna, uyariychej kay nisqayta: Qankunaqa Basanmanta kaj wira waka jina kankichej. Qankuna wajchakunata ñak'arichinkichej, pisichikojkunatataj waqachinkichej. Qosaykichejtataj kamachinkichej: Apamuy vinota machanaykupaj, nispa.

Amós 6:11

Chay ajina kanqa, imaraykuchus Tata Dios jasut'ita apachimonqa jatuchaj wasikunaman, juch'uychaj wasikunamanwan, ajinamantataj tukuy wasikuna thuñisqa, chinkachisqataj kanqanku.

Amós 6:12

Caballokuna atinkumanchu chhankata wichariyta? Atinmanchu pipis mama qochapi yuntawan llank'ayta? Qankunarí justiciata wañunaman tukuchinkichej, justiciaj ruwasqantataj jayaman tukuchinkichej.

Amós 8:4

Uyariychej kayta: Qankunaqa pisi tiyapuyniyojkunaj kallpanta ch'onqankichej, wajchakunatataj chinkachiyta munashankichej.

Amós 9:14

Chantá karu suyukunaman mana munashajta apasqa kasqanmanta Israel aylluyta pusakampusaj. Paykuna thuñisqa llajtankukunata watej sayarichenqanku, chaypitaj tiyakonqanku. Watej uva sach'akunata mallkenqanku, vinotataj ujyanqanku. Huertakunatapis ruwanqanku, poqojtataj mikhonqanku.

Miqueas 1:6

Chayraykumin, Tata Dios nin: Samaria llajtata laqayaman tukuchisaj, uva huertata churanapaj jina. Chay llajtaj perqanmanta rumikunata valleman wijch'usaj, cimientontapis sut'iman rikhurichisaj.

Miqueas 2:2

Waj runaj jallp'anta moq'erinku, qhechuspataj jap'ikapunku. Wajpa wasinta munapayanku, qhechunkutaj. Kallpankuman atinikuspa, runata aylluntinta ñak'arichinku. Q'otiyaspataj, paykunata wasinkumanta wijch'unku.

Miqueas 6:15

Tarpunki chaypis, mana poqoyta oqharinkichu. Olivo sach'amanta aceitunata takaspapis, mana aceitenta llamirinkichu. Uvata ch'irwaspapis, mana vinota ujyankichu.

Sofonías 1:13

Chayrayku tiyapuyninkutaqa suwakuna qhechonqanku, wasinkutaj laqayaman tukuchisqa kanqa. Wasitapis ruwakonqanku, manataj chaypi tiyakonqankuchu. Uvatapis mallkenqanku, poqoyninmantataj mana vinota ujyanqankuchu, nispa. Ajinata Tata Dios nin.

Hageo 1:6

Qankuna ashkhata tarpunkichej, pisitataj oqharinkichej. Mikhunkichej, manataj sajsakunkichejchu. Yakuta ujyankichej, chaywanpis yakumanta ch'akichikullankichejpuni. P'achallikunkichej chaypis, mana chirimanta jark'asunkichejchu. Jornalpi ganakusqaykichejpis mana imapaj wakinchu, nispa.

Malaquías 1:4

Esaúj mirayninmanta kajkuna ninkuman: Phirisqa karqanchej. Chaywanpis watej llajtanchejkunata sayachinallataj, nispa. Tukuy Atiyniyoj Tata Diosrí nenqa: Watej llajtankukunata sayarichinkuman chaypis, ujtawan phirillasajtaj. Chay edomitakunaj suyunkutaqa runakuna sutichanqanku: “Millayta ruwaj suyu”, chantá “Tata Diospa wiñaypaj chejnisqan runakuna”, nispa.

Deuteronomio 28:30

Casaranaykipaj parlapayakusqayki warmiwanpis waj qhari puñuykonqa. Wasita ruwakunki chaypis, mana chaypi tiyakunkichu. Uva huertata ruwanki chaypis, nillataj poqoyninta mikhunkichu.

Santiago 2:6

Qankunatajrí wajchakunata k'umuykachachinkichej. Manachu qhapajkuna yawarniykichejta ch'onqasunkichej? Manachu paykunallataj juchachasqa kanaykichejpaj juezkunaman qhatatasunkichej?