Amós 5:10 - DIOSPA QHELQACHISQ

¹⁰ Ay, qankunamanta justiciata ruwajta chejnejkuna, pikunachus testigo jina cheqanta parlajkunata mana rikuyta atejkuna.

Qheshwa Biblia DC

¹⁰ Ay qankunamanta cheqan kajta ruwajta chejnejkuna, cheqanta sut'inchajkunata millachikojkuna.

DIOSPA QHELQACHISQAN DEUTEROCANONICAL

¹⁰ Ay, qankunamanta justiciata ruwajta chejnejkuna, pikunachus testigo jina cheqanta parlajkunata mana rikuyta atejkuna.

Amós 5:10 ပူးပေါင်းရင်းမြစ်များ

1 Reyes 18:17

Ajabqa Eliasta rikuytawan, nerqa: Kaypi kasqankeqa. Qanrayku Israel suyoqa sinch'i llakiypi kashan, nispa.

1 Reyes 21:20

Eliasqa Ajabman chimpaykojtin, Ajab nerqa: Awqay kashaspapis, jamullankiñatajchu? nispa. Eliastaj kuticherqa: Arí, noqa mask'ashayki, imaraykuchus Tata Diospa ñawpaqenpi qanqa millayta ruwaspa purinki.

1 Reyes 22:8

Chantá Ajab kuticherqa: Arí, uj kanraj, paynejta Tata Diosta tapurinapaj, Imlaj churin Micaías sutiyoj. Chaywanpis payta noqa chejnini, manapuni jayk'aj allin kajta sut'inchawasqanrayku, nispa. Josafattaj nerqa: Ama jinata parlaychu, nispa.

2 Crónicas 25:16

Diosmanta sut'inchaj chayta nejtinkamataj, kuraj kamachej Amasiasqa taporqa: Kuraj kamachejta yuyaychanaykipajchu qantaqa churarqayku? Ch'inlla kakuy. Chayrí munankichu soldadoykuna wañuchisunankuta? nispa. Chantá Diosmanta sut'inchajqa mana astawan imatapis parlarqañachu. Chaywanpis nerqa: Nisqayta mana kasuspa, chay mana allin kajta ruwasqaykimanta Tata Diosqa ninña wañuchisunanta, nispa.

2 Crónicas 36:16

Jinapis paykunaqa Tata Diospa kachamusqan willarajninkunamanta asiykukorqanku, nisqankutataj qhesacharqanku. Diosmanta sut'inchajkunamanta ajinata alqochakuspa, Tata Diosta sinch'ita phiñacherqanku. Chayrayku Tata Diospa phiñakuynin chay runakunaj contranpi k'ajarerqa, jinataj manaña pipis imatapis ruwayta aterqachu Diospa sonqonta tiyaykuchinapaj.

Proverbios 15:12

Alqorakoj runaqa pichus k'amejta mana munakunchu, nitaj yachayniyojkunawanpis tantakunchu.

Isaías 29:21

Mana juchayojta tumpaspa llulla juezkunapis chinkanqanku, jinallataj mana juchayojta imaymana llullakuywan ch'awkiyajkuna, chantá mana cheqan justiciata ruwajkunapis, tukuyninku chinkarparichisqa kanqanku.

Isaías 59:15

Ch'uwa sonqo kayqa chinkapun, pichus mana allin kajta ruwanata saqepojmantataj, tukuy imanta qhechuspa apakapunku. Chayta rikuspa, Tata Dios phiñakorqa, manaña justicia kasqanrayku.

Jeremías 38:7

Chaypacha Etiopiamanta uj runa Ébed Mélec sutiyoj kuraj kamachejpa wasinpi kuraj kamachi karqa. Paytaj uyarisqa Jeremías pujyuman wijch'uykusqa kasqanta. Chaypachataj kuraj kamachejqa Benjaminpa Punkun nisqapi tiyasqa kasharqa.

Oseas 4:4

Tata Dios sacerdotekunata nin: Ama ni pita ch'ataykunkichejchu nitaj wajta k'aminkichejchu. Qankuna sacerdotekunallawan quejanakuyta munani.

Levítico 13:10

Chantá sacerdote payta qhawanqa. Sichus aycha qaranpi punkisqa yuraj kanman, chaynejpi chujchapis yurajyashallanmantaj chayqa, sitajchus chaynejpi kawsashaj aycha rikhurinman chayqa,

Amós 5:15

Mana allin kajta chejniychej, allin kajtataj munakuychej. Justicia ruwana wasipi cheqan justicia ruwasqa kananta mask'aychej. Jinata ruwajtiykichej, ichapis Tukuy Atiyniyoj Tata Dios puchoj israelitakunamanta khuyarikunman.

San Juan 15:19

Sichus qankuna paykuna jinallataj kawajchej chayqa, munakusunkichejman. Qankunarí manaña paykuna jinachu kankichej, imaraykuchus noqa qankunata ajllakorqaykichej manaña paykuna jina kanaykichejpaj. Chayraykumin paykuna chejnisunkichej.

San Juan 3:20

Millayta ruwaspa purejkunaqa k'anchayta chejninku, manataj k'anchayman qayllamunkuchu, millay ruwasqanku ama sut'inchasqa kananpaj.

San Juan 7:7

Runakuna qankunata mana chejnikusunkichejchu. Noqatarí chejnikuwanku, imaraykuchus noqaqa ruwasqanku mana allinchu kasqanta sut'ita nipuni.

Gálatas 4:16

Kunanrí qankunaman cheqa kajta nisqayrayku awqaykichejmanchu tukupuni?

Apocalipsis 11:10

Jinapi Diosman mana kutirikojkuna chay testigokuna wañuchisqa kasqankumanta kusirikonqanku. Chantá ujkuna ujkuna waqekunata jaywanarikonqanku, imaraykuchus chay iskay testigokunaqa paykunata mayta ñak'aricherqanku.