Amós 4:9 - DIOSPA QHELQACHISQ

⁹ Chantá ch'aki wayrawan jasut'erqaykichej, chajraykichejtapis khuruwan tukuykucherqani. Huertaykichejta ch'akicherqani, jinallataj uva sach'aykichejtapis. Phinki phinkikunawan higo sach'aykichejta, olivo sach'aykichejta ima tukuykucherqani. Qankunatajrí mana noqaman kutirikamuwarqankichejchu. Noqa Tata Diosmin chayta nini.

Qheshwa Biblia DC

⁹ Q'oñi wayrawan jasut'erqaykichej, chajrasniykichejtapis khuruykucherqani, huertasniykichejta ch'akicherqani, jinallataj uvasniykichejtapis. Langostaswan mikhuracherqani higos sach'asniykichejta, olivo sach'asniykichejta ima. Qankunataj noqaman mana kutirimuwankichejchu. Ajinata ni Señorqa.

DIOSPA QHELQACHISQAN DEUTEROCANONICAL

⁹ Chantá ch'aki wayrawan jasut'erqaykichej, chajraykichejtapis khuruwan tukuykucherqani. Huertaykichejta ch'akicherqani, jinallataj uva sach'aykichejtapis. Phinki phinkikunawan higo sach'aykichejta, olivo sach'aykichejta ima tukuykucherqani. Qankunatajrí mana noqaman kutirikamuwarqankichejchu. Noqa Tata Diosmin chayta nini.

Amós 4:9 ပူးပေါင်းရင်းမြစ်များ

1 Reyes 8:37

Ichapis kay jallp'api yarqhay, onqoy kanman, chajrapi phinki phinki, t'una khuru, piki pikipis kanman. Chayrí ichapis awqanku llajtankukunata muyuykuspa sayaykunkuman, jinataj ima llakiypis, onqoypis rikhurinman.

2 Crónicas 6:28

Ichapis kay suyupi yarqhaypis, millay onqoypis kanman, ruphaywan sach'akuna ch'akirapunkuman, sach'akunapi onqoy rikhurinman, chayrí phinki phinkikunapis, t'una khurupis rikhurinman, chayrí ichapis awqankunapis llajtankuta muyuykuspa, wañurachej sayaykunkuman, chayrí ima llakiypis, onqoypis kanman,

Isaías 1:5

Tata Diospa contranpipuni oqharikuyta munajkuna, imajtintaj ñak'arichisqallapuni kayta munankichejri? Tukuy umaykichejqa k'irisqa, tukuy ukhuykichejpis nanasqa.

Isaías 50:11

Qankuna, munasqaykichejman jina kawsajkuna, sumajta qhawakuychej imatachus ruwasqaykichejta, imaraykuchus chay ruwasqaykichejpi tojllapi jina urmankichej. Tata Diosqa jasut'iyta apachimusonqachej, ñak'ariypitaj choqarayankichej, nispa.

Isaías 9:12

12 (11) Siriokunaqa inti llojsimuynejmanta jamunku, inti yaykuynejmantataj filisteokuna jamunku. Chaykunataj Israelta ujllata simi junt'ata oqoykuspa chinkarqarichenqanku. Chaywanpis Tata Diospa phiñakuynenqa manarajpuni thasnukunchu, jasut'inanpaj wakichisqallapuni kashan.

Jeremías 3:10

Chaywanpis wasanchawaj Judaqa mana tukuy sonqowanchu noqaman kutirimuwarqa, manachayqa pujllakullawarqa. Noqa Tata Diosmin chayta nini.

Jeremías 5:3

Noqataj kuticherqani: Tata Dios, qan cheqanta ruwaj runata mask'ashanki. Qanqa paykunata jasut'erqanki, jinapis paykunata mana nanaykorqachu. Paykunata t'unaykorqanki, manataj cheqan ñanman kutiriyta munarqankuchu. Ancha k'ullu kanku, rumimantapis aswan chuki, manapunitaj allin ñanman kutirikuyta munarqankuchu.

Oseas 11:5

Chaywanpis paykunaqa mana noqaman kutirimuwayta munarqankuchu. Chayraykumari Egiptoman kutirinanku kanqa, Asiriataj paykunata kamachenqa.

Joel 1:4

Phinki phinki khurukunaqa tukuy chajrakunata tukuykorqanku. Puchojtarí, uña phinki phinkikuñataj mikhuykorqanku, chaymanta puchojtataj jatun phinki phinkiñataj mikhukapullarqataj.

Joel 1:7

Uva sach'aykunata q'araykunku, higo sach'aykunatapis q'ara k'aspillata saqerparinku. Tukuyninta q'araykunku, tukuy yurantataj yurajllata saqerparinku.

Joel 2:25

Tata Dios nin: Noqa qankunaj contraykichejpi chajraykichejta tukuykunankupaj kachamorqaykichej soldadokunata jina may chhika phinki phinkikunata. Chaywanpis imatachus mikhukapusqankuta kutichipusqaykichej.

Amós 4:6

Noqaqa tukuy llajtaykichejkunapi yarqhaywan ñak'aricherqaykichej, tukuy juch'uy llajtakunapitaj mikhunamanta pisicherqaykichej. Chaywanpis qankuna mana noqaman kutirikamuwarqankichejchu. Noqa Tata Diosmin chayta nini.

Amós 4:8

Chantá runakuna llajtamanta llajta yakuta mask'aspa purerqanku, manataj ch'akiyninkuta thasnunankupaj tarerqankuchu. Chaywanpis qankuna manapuni noqaman kutirikamuwarqankichejchu. Noqa Tata Diosmin chayta nini.

Habacuc 3:17

Chaypachamari kusiywan junt'a kasaj kacharichiwajniy Tata Diosrayku. Amapis higo sach'akuna t'ikachunkuchu, nitaj uva sach'apis poqochunchu nitaj olivokunapis, nillataj chajrapis poqochunkuchu. Tropamanta ovejakunapis tukukapuchunku, amañapis wakakuna kachunkuchu. Chay tukuywanpis Tata Diosta yupaychallasajpuni, qhespichiwajniy Diosraykutaj kusikusaj.

Hageo 2:17

Noqamin tukuy chajraykichejta imaymana onqoykunawan, chijchi parawan tukucherqani. Chaywanpis qankuna manapuni noqaman kutirikamorqankichejchu, nispa. Ajinata Tata Dios nisunkichej.

Malaquías 3:11

Chaypacha mana saqesajchu ni ima khuru chajraykichejta tukuykunanta, jinallataj uva sach'aykichejpis manchay poqoyniyoj kanqa. Noqa Tukuy Atiyniyoj Tata Dios ajinata nini.

Deuteronomio 28:22

Jinallataj Tata Diosqa wañuchej ch'uju onqoykunata, k'aja onqoykunata, ch'uputa, sinch'i ruphayta, ch'aki watatawan ima kachaykamusonqa. Jinallataj chajrapaj onqoykunata, polvillota, ch'aki wayrata ima kachaykamullasonqataj. Chaykunaqa wañunaykikama qhatiykachasonqa.

Deuteronomio 28:42

Tukuy sach'aykita, chajra tarpukusqaykitapis phinki phinkikuna tukukaponqanku.