Amós 4:6 - DIOSPA QHELQACHISQ

⁶ Noqaqa tukuy llajtaykichejkunapi yarqhaywan ñak'aricherqaykichej, tukuy juch'uy llajtakunapitaj mikhunamanta pisicherqaykichej. Chaywanpis qankuna mana noqaman kutirikamuwarqankichejchu. Noqa Tata Diosmin chayta nini.

Qheshwa Biblia DC

⁶ Noqa yarqhayta apachimorqaykichej tukuy llajtasniykichejman; noqa mikhunamanta pisicherqaykichej, tukuy llajtasniykichejpi. Chaywampis qankunaqa mana noqaman kutirimuwankichejchu. Ajinata nin Señorqa.

DIOSPA QHELQACHISQAN DEUTEROCANONICAL

⁶ Noqaqa tukuy llajtaykichejkunapi yarqhaywan ñak'aricherqaykichej, tukuy juch'uy llajtakunapitaj mikhunamanta pisicherqaykichej. Chaywanpis qankuna mana noqaman kutirikamuwarqankichejchu. Noqa Tata Diosmin chayta nini.

Amós 4:6 ပူးပေါင်းရင်းမြစ်များ

1 Reyes 17:1

Diosmanta sut'inchaj Eliasqa Galaad jap'iypi Tisbé llajtayoj karqa. Uj kuti payqa kuraj kamachej Ajabta nimorqa: Israelpa Tata Diosninpa sutinpi, pejpa kamachinpichus noqa kashani, chaypa sutinpi niyki: Mana kay jamoj watakunapi paramonqachu nitaj chhullamonqachu, noqa ujtawan ninaykama, nispa.

1 Reyes 18:2

Chantá Eliasqa Ajabwan parlaj rerqa. Chaypacha Samariapi yarqhayqa anchañapuni karqa.

2 Reyes 4:38

Chaymanta Eliseoqa Gilgalman kutimorqa. Chaypacha chay cheqanejpi manchay yarqhay kasharqa. Uj kuti Eliseoqa Diosmanta sut'inchajkunawan khuska tiyashaspa, kamachinta nerqa: Mikhunata wayk'unaykipaj jatun mankata churamuy, nispa.

2 Reyes 8:1

Sunenpi tiyakoj warmej wawanta Eliseo kawsarichisqa, chay warmiman Eliseo aswan qhepaman nisqa: Tata Dios nin kay suyupi qanchis watata manchay yarqhay kananta. Chayrayku qanwan, tukuy aylluykiwan ima kaymanta ripuychej, maymanchá munankichej, chayman, nispa.

2 Crónicas 28:22

Chay jina llakiywan ñit'isqa kashaspapis, Ajazqa Tata Diosta wasancharqa, contranpitaj juchallillarqapuni.

Isaías 26:11

Tata Dios, qanqa ñapis paykunata jasut'inaykipajña kashanki, paykunatajrí mana reparakunkuchu. Chay aylluykipaj munakuyniykita rikuspa, millayta ruwajkuna p'enqaypi rikhurichunku, k'araj phiñakuyniykej lawraynintaj awqaykikunata tukuchichun.

Isaías 3:1

Qhawaychej allinta, noqa Tukuy Atiyniyoj Tata Dios Judá suyumanta, Jerusalén llajtamantawan qhechukapusaj imapichus atinikushanku, chaykunata: Tukuy mikhunanta, tukuy yakuta,

Isaías 9:12

12 (11) Siriokunaqa inti llojsimuynejmanta jamunku, inti yaykuynejmantataj filisteokuna jamunku. Chaykunataj Israelta ujllata simi junt'ata oqoykuspa chinkarqarichenqanku. Chaywanpis Tata Diospa phiñakuynenqa manarajpuni thasnukunchu, jasut'inanpaj wakichisqallapuni kashan.

Isaías 9:13

13 (12) Israelitakunarí chay jina jasut'isqa kashaspapis, Diosman manapuni kutirikorqankuchu, nillataj Tukuy Atiyniyoj Tata Diosta mask'arqankuchu.

Jeremías 14:18

Campoman llojsispa, maqanakupi wañuchisqa ayankuta rikuni. Llajtankuman yaykuspataj, yarqhaymanta wañushaj runakunata rikuni. Sut'inchajkuna, sacerdotekunataj llajtamanta llajta purinku, imachus kashasqanta mana yachaspa, nispa.

Jeremías 5:3

Noqataj kuticherqani: Tata Dios, qan cheqanta ruwaj runata mask'ashanki. Qanqa paykunata jasut'erqanki, jinapis paykunata mana nanaykorqachu. Paykunata t'unaykorqanki, manataj cheqan ñanman kutiriyta munarqankuchu. Ancha k'ullu kanku, rumimantapis aswan chuki, manapunitaj allin ñanman kutirikuyta munarqankuchu.

Ezequiel 14:21

Ajinaqa Tukuyta Kamachej Tata Dios nillantaj: Aswan llakiyraj kanqa, imaraykuchus noqa kay tawantin sinch'i jasut'iyta Jerusalenman apachimusaj: Maqanakuta, yarqhayta, phiña k'ita animalkunata, millay onqoykunata ima. Chantá chaykuna runakunata, uywakunata ima wañurachenqanku.

Ezequiel 16:27

Chayrayku jasut'inaypaj makiyta oqharerqani. Mikhunaykita pisiyacherqani, awqayki filisteokunamantaj jaywaykorqayki. Paykunaqa chejnikusunku, millayta purisqaykimantataj p'enqachikusorqanku.

Oseas 11:5

Chaywanpis paykunaqa mana noqaman kutirimuwayta munarqankuchu. Chayraykumari Egiptoman kutirinanku kanqa, Asiriataj paykunata kamachenqa.

Oseas 5:15

Chantá jinata ruwaytawankama, maypichus kanayman kutipusaj, paykuna juchayoj kasqankuta rejsikapuspa, noqata mask'anawankukama. Ñak'ariypi rikhurispa, noqata mask'awanqankupuni, nispa.

Joel 1:16

Qhawashajtillanchej, mikhunanchejta qhechurawarqanchej. Diosninchejpa Templonpi kusikuy manaña kanchu.

Levítico 26:23

Chay tukuywanpis sichus manapuni kasuwaspa, noqaj contraypi sayaykuspallapuni kankichej chayqa,

Levítico 26:26

Maypachachus mikhunaykichejta qhechusqaykichej chaypachaqa, chunka warmikuna uj hornollapi t'antata chayachenqanku. Qankunamantaj pisimanta pisi t'antata qosonqachej, manataj sajsakunkichejchu.

Hageo 2:17

Noqamin tukuy chajraykichejta imaymana onqoykunawan, chijchi parawan tukucherqani. Chaywanpis qankuna manapuni noqaman kutirikamorqankichejchu, nispa. Ajinata Tata Dios nisunkichej.

Deuteronomio 28:38

Jallp'aykipi ashkhata tarpunki, pisitataj oqharinki, imaraykuchus phinki phinkikunalla mikhuykakaponqanku.

Apocalipsis 2:21

Noqa unayta suyarqani Jezabelqa watej noqata kasuwaspa purinanta. Paytajrí mana munanchu khuchichakuspa purinata saqeyta.

Rut 1:1

Juezkuna kamachisharqanku chaypacha, Israel suyupi manchay yarqhay karqa. Chantá Judá jap'iypi Belén llajtamanta uj runa, warminwan churinkunawan ima Moabman rerqanku.