Amós 4:10 - DIOSPA QHELQACHISQ

¹⁰ Imaynatachus Egiptoman millay onqoykunata kachaykamorqani, ajinallatataj onqoykunata kachaykamorqaykichej. Saqerqani waynaykichejkuna maqanakupi wañuchisqa kanankuta, saqellarqanitaj awqaykichej caballoykichejkunata qhechusunaykichejta. Wañojniykichejpa asnasqankuta jaraykichejpi muskhicherqaykichej. Chaywanpis qankuna manapuni noqaman kutirikamuwarqankichejchu. Noqa Tata Diosmin chayta nini.

Qheshwa Biblia DC

¹⁰ Uj jasut'ita apachimorqaykichej imaynatachus Egiptoman apachimorqani jinata; saqerqani wayna runasniykichejta maqanakupi wañuchinankuta; saqerqani enemigos caballosniykichejta apakapunankuta; muskhicherqaykichejtatj wañusqaspa asnasqankuta. Qankunataj mana kutirimuwarqankichejchu. Ajinata nin Señorqa.

DIOSPA QHELQACHISQAN DEUTEROCANONICAL

¹⁰ Imaynatachus Egiptoman millay onqoykunata kachaykamorqani, ajinallatataj onqoykunata kachaykamorqaykichej. Saqerqani waynaykichejkuna maqanakupi wañuchisqa kanankuta, saqellarqanitaj awqaykichej caballoykichejkunata qhechusunaykichejta. Wañojniykichejpa asnasqankuta jaraykichejpi muskhicherqaykichej. Chaywanpis qankuna manapuni noqaman kutirikamuwarqankichejchu. Noqa Tata Diosmin chayta nini.

Amós 4:10 ပူးပေါင်းရင်းမြစ်များ

2 Reyes 10:32

Chaymantapacha Tata Diosqa Israel suyoj jap'iyninta pisimanta pisi juch'uyyachiyta qallarerqa. Siria suyuta kuraj kamachej Jazaelqa Israel suyuman tukuynejmanta yaykuykamorqa.

2 Reyes 13:3

Chayrayku Tata Diosqa israelitakunapaj sinch'ita phiñakorqa, jinataj Siria suyuta kuraj kamachej Jazaelman, chantá churin Ben Adadman ima unaypaj israelitakunata jaywaykorqa.

2 Reyes 13:7

Joacazpa soldadonkunaqa manaña ashkhachu karqanku. Phishqa chunka caballopi purej soldadokuna, chunka carretakuna, chantá 10.000 soldadokuna imallaña karqanku, imaraykuchus Siriata kuraj kamachej Jazael tukuynintapuni wañuchichispa, erapi pajata jina chinkarparichisqa.

2 Reyes 8:12

Jazaeltajrí payta taporqa: Wiraqochíy, imaraykutaj waqashankiri? nispa. Eliseotaj kuticherqa: Israelitakunata mana allinta ruwaspa ñak'arichinaykita yachaniña: Perqawan muyurichisqa llajtakunata kanaykunki, waynakunata wañuchinki, wawakunatapis ch'allparanki, onqoj warmikunaj wijsankutapis khallaranki, nispa.

Éxodo 10:27

Tata Diosrí ujtawan faraonpa sonqonta rumiyachillarqataj, israelitakunata ama kacharipuyta munananpaj.

Éxodo 10:3

Chaymanta Moiseswan, Aaronwan ima rispa, faraonta nerqanku: Tata Dios, Israelitakunaj Diosnin ajinata nisunki: Mayk'ajkamataj mana k'umuykuyta munankichuri? Kachariy israelitakunata, noqata yupaychamunawankupaj.

Éxodo 14:4

Noqataj ujtawan faraonpa sonqonta rumiyachisaj, qankunata qhatiykamunasuykichejpaj. Chaypacha faraonta, jinataj soldadonkunata chinkachispa, noqa may atiyniyoj kasqayta rikuchisaj. Ajinamanta Egipto llajtayojkuna yachanqanku noqa Tata Dios kasqayta, nispa. Chantá Moisés ajinata paykunaman willasqanrayku israelitakunaqa Diospa kamachisqanta kasorqanku.

Éxodo 15:26

Chantá Tata Dios paykunaman nerqa: Sichus Tata Diosniykichej parlasqanta tukuy sonqo uyarinkichej, ñawpaqenpitaj cheqanta ruwankichej, chantá kamachisqantataj kasunkichej chayqa, Egipto llajtayojkunaman kachaykorqani, chay onqoykunata mana qankunaman kachaykamusqaykichejchu. Noqa Tata Diosmin qhaliyachisojniykichej kani, nispa.

Éxodo 8:19

19 (15) Chayrayku yatirikunaqa faraonta nerqanku: Kayqa Diospa ruwasqan, nispa. Faraontajrí, Tata Diospa nisqanman jina, astawan sonqonta rumiyacherqa, manataj Moisesta Aarontawan ima kasorqachu.

Éxodo 9:12

Chay tukuywanpis Moisesman Tata Dios nisqanman jina, faraón astawan sonqonta rumiyacherqa. Chayrayku Moisesta, Aarontawan ima mana kasuta ruwarqachu.

Éxodo 9:17

Chaywanpis qanqa aylluypa contranpi churanakushankiraj, manataj paykunata kachariyta munashankichu.

Isaías 34:3

Chay wañusqakunaqa pachanpi wijch'urayanqanku, ayankutaj millayta asnanqanku, orqokunapitaj yawar mayu purirenqa.

Isaías 50:11

Qankuna, munasqaykichejman jina kawsajkuna, sumajta qhawakuychej imatachus ruwasqaykichejta, imaraykuchus chay ruwasqaykichejpi tojllapi jina urmankichej. Tata Diosqa jasut'iyta apachimusonqachej, ñak'ariypitaj choqarayankichej, nispa.

Isaías 9:12

12 (11) Siriokunaqa inti llojsimuynejmanta jamunku, inti yaykuynejmantataj filisteokuna jamunku. Chaykunataj Israelta ujllata simi junt'ata oqoykuspa chinkarqarichenqanku. Chaywanpis Tata Diospa phiñakuynenqa manarajpuni thasnukunchu, jasut'inanpaj wakichisqallapuni kashan.

Isaías 9:13

13 (12) Israelitakunarí chay jina jasut'isqa kashaspapis, Diosman manapuni kutirikorqankuchu, nillataj Tukuy Atiyniyoj Tata Diosta mask'arqankuchu.

Isaías 9:17

17 (16) Chayrayku Tata Dios waynakunamanta mana kusikunchu, manataj khuyanchu wajcha wawakunamanta, nitaj warmisapakunamantapis. Tukuyninku millayta ruwajkuna, juchasapataj kanku, jinallataj tukuyninku millay imakunallata parlanku. Chay tukuywanpis, Tata Diospa k'araj phiñakuynenqa manarajpuni thasnukunchu. Payqa jasut'inanpaj makin oqharisqallarajpuni kashan.

Jeremías 11:22

Chaykunamanrí Tukuy Atiyniyoj Tata Dios nin: Paykunata noqa kay jinata jasut'isaj: Waynakuna espadawan wañuchisqa kanqanku, churinkukuna, ususinkukunawantaj yarqhaymanta wañonqanku.

Jeremías 15:3

Tata Dios nillantaj: Noqa tawa jasut'iykunata apachimusqaykichej: Maqanakupi wañuchisqa kankichej, alqokuna ayaykichejta qhatataykachanqanku, suwintukunataj ayaykichejta mikhonqanku, k'ita animalkunapis ayaykichejta oqoykonqanku ima.

Jeremías 16:4

Paykunaqa millay onqoykunawan wañonqanku, manataj pipis paykunamanta waqanqachu, nitaj p'ampajkuna kanqachu. Pampapi wanu jina wijch'usqa qhepakonqanku. Maqanaku, yarqhay ima paykunata tukuchenqa, ayankutataj suwintukuna, k'ita animalkunawan mikhonqanku, nispa.

Jeremías 18:21

Kunantajrí wawankuta yarqhaywan wañuchiy, chayrí espadawan. Warminkupis warmisapa qhepakuchunku, mana wawayojtaj. Qosankupis millay onqoywan wañuchunku. Wayna wawankupis maqanakupi wañuchisqa kachunku.

Jeremías 48:15

Kunantajrí Moab phirisqa kanqa, llajtankunataj ch'inyachisqa. Sumaj waynakunapis wañurachisqa kanqanku. Ajinata noqa Tukuyta Kamachej, Tukuy Atiyniyoj Tata Dios nini.

Jeremías 49:26

Chay p'unchaypi waynakunaqa callenkunapi mast'alla wijch'urayanqanku, tukuy soldadonkunataj ch'ajwa tinkuypi wañuchisqa kanqanku. Noqa Tukuy Atiyniyoj Tata Dios chayta nini.

Jeremías 5:3

Noqataj kuticherqani: Tata Dios, qan cheqanta ruwaj runata mask'ashanki. Qanqa paykunata jasut'erqanki, jinapis paykunata mana nanaykorqachu. Paykunata t'unaykorqanki, manataj cheqan ñanman kutiriyta munarqankuchu. Ancha k'ullu kanku, rumimantapis aswan chuki, manapunitaj allin ñanman kutirikuyta munarqankuchu.

Jeremías 6:11

Noqatajrí Tata Diospa phiñakuyninwan junt'asqa kani. Manaña sonqoyta ñit'iykuyta atinichu, nispa. Chayrayku Tata Dios niwarqa: Callepi purishanku, chay wawakunaj patankuman phiñakuyniyta kachaykuy ari, jinallataj waynakunaj patankumanpis. Qharipis warmintin chaypacha presochasqa kanqanku, jinallataj machu runakuna, allin machu runakunapis presochasqallataj kanqanku.

Jeremías 9:22

22 (21) Runakunaj ayankoqa wanu jina pampapi wijch'usqa kashan. Imaynatachus trigoj uman ruthoj qhepanpi t'akakojtin, mana pipis oqharej kanchu, ajina kanku. Ajinata Tata Dios nin.

Oseas 11:5

Chaywanpis paykunaqa mana noqaman kutirimuwayta munarqankuchu. Chayraykumari Egiptoman kutirinanku kanqa, Asiriataj paykunata kamachenqa.

Joel 2:20

Jinallataj wichaynejmanta jamoj phinki phinki khurukunata qankunamanta karunchachisaj, paykunatataj ch'innejman wijch'usaj. Ñawpajpi kajkunata Wañusqa Qochapi jeq'eqachisaj, qhepapi kajkunatataj mama qochapi p'ultiykuchisaj. Wañusqa phinki phinkikunaqa asnaykonqanku, imaraykuchus noqa Tata Diosqa t'ukuna imakunata ruwasaj, nispa.

Levítico 26:16

noqapis qankunawan kay jinata ruwasaj: Manchachikuspalla kawsayta kachaykamusqaykichej, wañuchej onqoyta, k'aja onqoyta, ñawi onqoyta, chantá llawch'iyay onqoytawan ima kachaykamullasqaykichejtaj. Qankunaqa qhasillata tarpunkichej, imaraykuchus poqochisqaykichejta awqaykichej mikhukaponqanku.

Levítico 26:25

Trato ruwasqayta mana kasusqaykichejmanta maqanakupi wañuchisqaykichej. Qankunaqa llajtaykichejman pakakoj ayqekunkichej chaypis, noqa chayman onqoyta kachaykamusqaykichej. Qankunataj awqaykichejpa makinkuman urmankichej.

Amós 4:6

Noqaqa tukuy llajtaykichejkunapi yarqhaywan ñak'aricherqaykichej, tukuy juch'uy llajtakunapitaj mikhunamanta pisicherqaykichej. Chaywanpis qankuna mana noqaman kutirikamuwarqankichejchu. Noqa Tata Diosmin chayta nini.

Amós 8:3

Chay p'unchaypi kamachinanku wasipi takisqanku may llakiyman tukonqa. Ashkha runakuna wañusqankuraykutaj, ayanku tukuynejpi wijch'urayanqa, nispa. Noqa Tukuyta Kamachej Tata Diosmin chayta nini.

Hageo 2:17

Noqamin tukuy chajraykichejta imaymana onqoykunawan, chijchi parawan tukucherqani. Chaywanpis qankuna manapuni noqaman kutirikamorqankichejchu, nispa. Ajinata Tata Dios nisunkichej.

Deuteronomio 28:21

Tata Diosqa, jap'inkichej, chay jallp'api tukuy wañunaykichejkama millay onqoyta kachaykamusonqa.

Deuteronomio 28:22

Jinallataj Tata Diosqa wañuchej ch'uju onqoykunata, k'aja onqoykunata, ch'uputa, sinch'i ruphayta, ch'aki watatawan ima kachaykamusonqa. Jinallataj chajrapaj onqoykunata, polvillota, ch'aki wayrata ima kachaykamullasonqataj. Chaykunaqa wañunaykikama qhatiykachasonqa.

Deuteronomio 28:60

Tata Diosqa Egipto suyuta ima onqoykunawanchus ñak'aricherqa, chaykunata qanman kachaykamusonqa. Chaykunata rikuspa, mancharerqanki, jinapis chay ñak'ariykuna qhatiykachasonqa.

Deuteronomio 7:15

Tata Diosqa tukuy imaymana onqoykunata qankunamanta karunchanqa. Egiptopi rikorqankichej, chay millay onqoykunata mana qankunaman apachimonqachu. Manachayqa chejnikusojkunata chaykunawan ñak'arichenqa.