Amós 3:9 - DIOSPA QHELQACHISQ

⁹ Asdod llajtapi kamachina wasikunapi, Egipto suyupi kamachina wasikunapi ima kayta willaychej: Samaria orqoman jamuychej, qhawaychejtaj imaymana ch'ajwa chantá ñak'ariy ima kasqanta, nispa.

Qheshwa Biblia DC

⁹ Asdodpa palaciosnimpi, Egiptoj palaciosnimpiwan willamuychej, niychejtaj: Samaria orqosman tantakamuychej, qhawaychejtaj imayna pejtuchus chaypi kasqanta, imaynatatajchus runasta ñak'arichisqankuta.

DIOSPA QHELQACHISQAN DEUTEROCANONICAL

⁹ Asdod llajtapi kamachina wasikunapi, Egipto suyupi kamachina wasikunapi ima kayta willaychej: Samaria orqoman jamuychej, qhawaychejtaj imaymana ch'ajwa chantá ñak'ariy ima kasqanta, nispa.

Amós 3:9 ပူးပေါင်းရင်းမြစ်များ

2 Samuel 1:20

Chaytaqa ama willaychejchu Gat llajtapi, nillataj willaraychejchu Ascalón llajtapipis, ama chay filistea warmikuna kusikunankupaj, nitaj lantikunata qhatejkunaj ususinku kusiywan tusunankupaj.

Proverbios 1:13

Ajinata ruwaspa, imatachus qhechusqanchejwan wasinchejta junt'aykuchisunchej.

Proverbios 11:16

K'acha sonqoyoj warmeqa respetasqa kanqa, mana khuyakuyniyoj runarí qhapajyayllata ganan.

Eclesiastés 4:1

Kay pachapi tukuy imaymana sarunchasqata rikorqani. Jinallataj sarunchasqa kajkunaj waqasqankuta rikorqani, nitaj pipis paykunata sonqochaykurej karqachu. Pikunachus sarunchajkunarí may atiyniyoj karqanku, nitaj pipis paykunaman sayaykoj karqachu.

Jeremías 31:5

Samaria orqokunapi watej uva huertata mallkinkichej. Pichus uva mallkejtaj poqoyninta mikhullanqataj.

Jeremías 46:14

Egipto suyupi Migdol llajtapi, Menfis llajtapipis, chantá Tafnes llajtapipis kayta willaychej: Soldadokuna, maqanakupaj wakichikuychej, imaraykuchus espadaqa muyuyniykichejpi t'ustita ruwanqa.

Jeremías 50:2

Tukuy suyupi tiyakojkunapis yachanankupaj kayta willamuychej. Wiphalata señalta jina sayarichiychej, ama uj chhikanta pakarispataj, kay jinata niychej: Babiloniata atipaspa jap'enqanku. Bel diosninkoqa p'enqaypi rikhurichisqa kanqa. Merodac diosninkupis manchariywan junt'a kanqa. Lantinkukunataj phirisqa kanqanku.

Ezequiel 36:8

Qankuna, Israelpa orqonkunarí, sumaj sach'akunata wiñarichinkichej, Israel aylluypajtaj tukuy imata sumajta poqochipunkichej, imaraykuchus aylluypa kutimpunan p'unchay qayllamushanña.

Ezequiel 37:22

Kay jallp'apitaj paykunata uj suyullaman tukuchisaj, Israelpa orqonkunapitaj uj kuraj kamachejnillayoj kanqanku. Manaña ujtawan iskay suyuchu kanqanku, nitaj iskayman t'aqakonqankuchu, sapa ujpis waj kuraj kamachejniyoj kanankupaj.

Oseas 7:1

Tata Dios nillantaj: Maypachachus Efrainta, Samariatawan jampikapuyta munarqani chaypacha, juchanku, millay ruwasqanku ima sut'i rikukunku. Tukuyninku llulla kanku. Paykunaqa suwa jina wasikunaman yaykuykunku, ñan patapitaj kallpaman atinikuspa, runamanta kapuyninkuta qhechurparinku.

Amós 1:8

Asdodpi tiyakojkunata phirita ruwasaj, Ascalonpi kuraj kamachejtapis chinkarparichisaj. Tukuy atiyniywan Ecronpa contranpi kachaykukusaj, tukuynin filisteokunataj wañurachisqa kanqanku, nispa. Ajinata Tukuyta Kamachej Tata Dios nin.

Amós 4:1

Samariamanta warmikuna, uyariychej kay nisqayta: Qankunaqa Basanmanta kaj wira waka jina kankichej. Qankuna wajchakunata ñak'arichinkichej, pisichikojkunatataj waqachinkichej. Qosaykichejtataj kamachinkichej: Apamuy vinota machanaykupaj, nispa.

Amós 5:11

Qankunaqa ch'eqosqa rumimanta ruwasqaykichej wasikunapi mana tiyakuyta atinkichejchu, nitaj poqochisqaykichej uvamanta vinotapis ujyayta atinkichejchu, imaraykuchus wajchakunata waqacherqankichej, poqochisqanku trigomantataj ashkha impuestota orqhorqankichej.

Amós 6:1

Ay, Sionpi ni imamanta llakiyniyoj kawsajkuna. Ay, pikunachus ni imamanta manchachikuspa Samariapi tiyakojkuna. Qankunaqa jatunpaj qhawasqa kankichej waj suyukunapi, jinataj israelitakuna yanapata mask'aspa, qankunaman rinku.

Amós 6:3

Qankunaqa llakiy p'unchay kananta karunchayta munankichej. Chaywanpis kallpaman atinikuspa ñak'arichiy kawsayta aysamushankichej.

Amós 8:6

Chantá wajchakunata rantikusunchej, pisichikojkunatataj iskay juk'utawan chhalarparisunchej. Jinallataj ch'usu trigotapis ranqheyasunchej, nispa.

Miqueas 6:10

Juchasapa runaj wasin mana allin kajta ruwaspa qhapajyasqanwan junt'a kashan. Wasinpi kallantaj mana cabal balanza, mayqentachus noqa chejnikuni, chay.

1 Samuel 5:1

Filisteokunaqa Diospa arcanta qhechuspa, Ebenezermanta Asdodman aparqanku.