Amós 3:8 - DIOSPA QHELQACHISQ

⁸ León qhaparejtin, pitaj mana kharkatitinmanchu? Tukuyta Kamachej Tata Dios parlajtin, pitaj Tata Diospa sutinpi mana sut'inchanmanchuri?

Qheshwa Biblia DC

⁸ Pitaj mana manchachikuspa kharkanmanchu león qhaparejtinri? Sichus Señor kamachin chayqa, pitaj mana parlanmanchu Señorpa sutimpiri?

DIOSPA QHELQACHISQAN DEUTEROCANONICAL

⁸ León qhaparejtin, pitaj mana kharkatitinmanchu? Tukuyta Kamachej Tata Dios parlajtin, pitaj Tata Diospa sutinpi mana sut'inchanmanchuri?

Amós 3:8 ပူးပေါင်းရင်းမြစ်များ

Isaías 21:10

Ayllúy, erapi trillasqa trigo jina karqanki chaymantataj wayrachisqa. Noqaqa imatachus Israelpa Diosnin Tukuy Atiyniyoj Tata Diosmanta uyarisqayta willarqayki.

Isaías 31:4

Tata Dios kay jinata niwarqa: Uj león uñanwan ima ovejata wañuchispa, mayta phiñarikun. Michejkuna mancharichinankupaj tantakuspa mayta qhaparejtinkupis, león mana manchachikunchu. Ajinallatataj Tukuy Atiyniyoj Tata Diosqa Sión orqoman israelitakunaj awqankoj contranta maqanakoj urayk'amonqa.

Jeremías 20:9

Sichus nini: Manaña Tata Diospi yuyasajchu, niñataj sutinpipis parlasajchu, nispa chayqa, qanpa nisqaykeqa sonqoypi nina jina ruphaykuwan, tukuy tulluykamataj chayan. Sonqoyta ñit'iykukuyta munashaspapis, manapuni atinichu.

Jeremías 26:12

Chantá Jeremías tukuy runaman, kurajkunaman ima kuticherqa: Tata Diosmin kachamuwan kay Temploj contranpi, kay llajtaj contranpi ima willanaypaj, imatachus uyarinkichej, chayta.

Ezequiel 29:21

Chay p'unchaypitaj Israel aylluyman atiyta qosaj. Chantá qan Ezequiel, paykunaj ñawpaqenkupi parlanaykipaj qalluykita watarasaj. Chaypacha noqa Tata Dios kasqayta yachanqanku, nispa.

Amós 1:2

Amós nerqa: Jerusalenpi Tata Dios sinch'ita Sión orqomanta parlajtin, pampapi q'omer pasto ch'akiponqa, jinallataj Carmelo orqopis ch'akiponqa.

Amós 2:12

Qankunatajrí, nazareokunata mana munashajta vinota ujyacherqankichej, sut'inchajkunatapis sutiypi ama parlanankupaj jark'arqankichej.

Amós 3:4

Sichus león montepi qhaparin chayqa, jap'isqanmanta qhaparin. Sitajchus jusk'unpi uña león qhaparin chayqa, imatachá jap'isqanmanta qhaparin.

Hechos 4:20

Noqaykurí mana ch'in kayta atisqaykuchu. Manachayqa imatachus rikusqaykuta, uyarisqaykuta ima willaranaykupuni tiyan, nispa.

Hechos 5:20

Temploman riychej, chaypitaj runakunaman kay mosoj kawsaymanta willaychej, nispa.

Hechos 5:29

Chantá Pedrowan, Jesuspa chay waj kuraj kachankunawan ima kuticherqanku: Diostapuni astawanqa kasunayku tiyan, runakunata kasunaykumantaqa.

1 Corintios 9:16

Jesusmanta sumaj willaytachus willani chayqa, mana imamanta jatunchakunay kanchu. Noqaqa munaspa mana munaspa ruwanaypuni tiyan, Dios kamachiwasqanrayku. Ay noqamanta imachus kanman, manachus sumaj willaymanta willayman chayqa.

Apocalipsis 5:5

Kuraj runakunamanta ujninrí niwarqa: Ama waqaychu. Judá jatun ayllumanta León, pichus kuraj kamachej Davidpa kamachinan tiyanata chayaqeta jina jap'ej, chaymin atipasqanrayku qanchis sellokunata llik'ispa, kay p'anqata kichariyta atin, nispa.