Amós 3:11 - DIOSPA QHELQACHISQ

¹¹ Chayrayku ajinata Tukuyta Kamachej Tata Dios nin: Samaria llajtata awqan muyuykonqa, phatu perqantataj urmachenqa. Chaymantataj kamachinanku wasikunatapis ch'usajta saqenqanku, nispa.

Qheshwa Biblia DC

¹¹ Chayrayku ajinata nin Señorqa: Uj enemigo muyuykonqa llajtata, urmachenqataj sinch'i perqasniykita, orqhosonqataj palaciosniykimanta.

DIOSPA QHELQACHISQAN DEUTEROCANONICAL

¹¹ Chayrayku ajinata Tukuyta Kamachej Tata Dios nin: Samaria llajtata awqan muyuykonqa, phatu perqantataj urmachenqa. Chaymantataj kamachinanku wasikunatapis ch'usajta saqenqanku, nispa.

Amós 3:11 ပူးပေါင်းရင်းမြစ်များ

Génesis 34:27

Chantá Jacobpa wakin churinkuna riytawan, wañusqakunaj patanta pasaspa, llajtaman yaykorqanku. Jinaspataj, tukuy imankuta apakaporqanku. Chayta ruwarqanku panankoj honranta Sichem t'akasqanmanta.

2 Reyes 15:19

Chaypachataj Asiria suyuta kuraj kamachej Pul sutiyojqa Israel suyuman yaykuykorqa. Israel suyuta kuraj kamachej Menajentaj Pulman 33.000 kilo qolqe metalta apacherqa, kuraj kamachej jina kamachiyninta sumajta sayachiyta yanapananpaj.

2 Reyes 15:29

Israel suyuta Pecaj kamachishajtin, Asiria suyuta kuraj kamachej Tiglat Piléser jamuspa, israelitakunamanta kay llajtakunata qhechorqa: Iyonta, Abel Betmacata, Yanojata, Cedesta, Jazorta, Galaadta, Galileata, chantá tukuynin Neftalí jatun aylloj jap'iynintawan ima jap'erqa. Chay llajtakunapi tiyakojkunatataj presota jina Asiriaman aparqa.

2 Crónicas 36:19

Chay jawaqa Babiloniamanta soldadokuna Diospa Templontapis ruphaykucherqanku, Jerusalén llajtaj perqankunatataj thuñiykorqanku. Kamachina wasimanpis ninata jap'iykucherqanku. Chay valorniyoj kaj imakunatapis tukuyninta t'unaykorqanku.

Job 20:21

Oqosiri kasqanrayku mana imawan sajsakuyta atejchu, chayrayku kusiy kawsay tarisqanqa mana unaypajchu kanqa.

Amós 2:5

Chayrayku Judá suyuman ninata jap'iykuchisaj, chay ninataj Jerusalenpi kaj kamachina wasita ruphaykonqa, nispa.

Amós 3:10

Tata Dios nin: Aylluymanta kajkuna mana imatapis cheqanta ruwayta yachankuchu. Kamachinanku wasipi waqaychanku kallpankuman atinikuspa suwasqankuta, qhechusqankuta ima, nispa.

Amós 3:15

Chiri tiempopaj ruwasqa wasikunata laqayaman tukuchisaj, jinallataj q'oñi tiempopaj ruwasqa wasikunatapis. Marfilmanta wasikunata chinkachisaj, kamachina wasikunatapis thuñillasajtaj, nispa. Ajinata Tata Dios nin.

Amós 6:14

Israelitakuna, qankunaqa allinta qhawakuychej, imaraykuchus Tukuy Atiyniyoj Tata Dios kay jinata nisunkichej: Qankunaj contraykichejpi uj suyuta sayarichisaj. Paykunataj sonqo nanayta ñak'arichisonqachej, Jamat llajtaman yaykuna q'asamantapacha Arabá mayukama, nispa.

Amós 6:8

Tukuy Atiyniyoj Tata Dios sutinpi tiluspa nin: Israelitakunaj wapuykachasqankuta chejnini, kamachinanku wasikunatataj mana rikuyta atinichu. Kay llajtata awqankuman jaywasaj, imankunachá tiyan, chaytawan, nispa.