Amós 3:10 - DIOSPA QHELQACHISQ

¹⁰ Tata Dios nin: Aylluymanta kajkuna mana imatapis cheqanta ruwayta yachankuchu. Kamachinanku wasipi waqaychanku kallpankuman atinikuspa suwasqankuta, qhechusqankuta ima, nispa.

Qheshwa Biblia DC

¹⁰ Señorqa nin: Mana yachankuchu imatapis allinta ruwayta, palaciosninkupitaj kallpawan mithaspa suwasqasninkuta waqaychanku.

DIOSPA QHELQACHISQAN DEUTEROCANONICAL

¹⁰ Tata Dios nin: Aylluymanta kajkuna mana imatapis cheqanta ruwayta yachankuchu. Kamachinanku wasipi waqaychanku kallpankuman atinikuspa suwasqankuta, qhechusqankuta ima, nispa.

Amós 3:10 ပူးပေါင်းရင်းမြစ်များ

Job 20:21

Oqosiri kasqanrayku mana imawan sajsakuyta atejchu, chayrayku kusiy kawsay tarisqanqa mana unaypajchu kanqa.

Salmos 14:4

Millayta ruwajkuna mana yuyayniyojchu kanku. Paykunaqa aylluyta t'antata jina mikhukapunku. Tata Diospa sutintapis mana oqharillankupischu.

Proverbios 1:13

Ajinata ruwaspa, imatachus qhechusqanchejwan wasinchejta junt'aykuchisunchej.

Proverbios 11:16

K'acha sonqoyoj warmeqa respetasqa kanqa, mana khuyakuyniyoj runarí qhapajyayllata ganan.

Proverbios 28:5

Millayta ruwaj runakunaqa justiciamanta mana yachankuchu. Tata Diosta mask'ajkunarí chay tukuy imata allinta yachanku.

Eclesiastés 4:1

Kay pachapi tukuy imaymana sarunchasqata rikorqani. Jinallataj sarunchasqa kajkunaj waqasqankuta rikorqani, nitaj pipis paykunata sonqochaykurej karqachu. Pikunachus sarunchajkunarí may atiyniyoj karqanku, nitaj pipis paykunaman sayaykoj karqachu.

Jeremías 4:22

Tata Dios nin: Israel aylloyqa ancha wampu kanku, mana rejsikapuwanchu. Mana yuyayniyoj wawakuna kanku, mana allintachu unanchakunku. Juchallinankupajqa churasqa kanku, allin kajtatajrí mana ruwayta yachankuchu, nispa.

Jeremías 5:4

Noqatajrí sonqoypi nerqani: Wajcha runakunalla wampu ajina kanku, imaraykuchus Tata Diospa munayninta mana yachankuchu, nitaj Diosninkoj kamachisqantapis rejsinkuchu.

Ezequiel 18:7

Mana pitapis ñak'arichinchu. Manukojman prenda saqesqanta qopun, manataj pimantapis suwanchu. Yarqhachikojman mikhunata qon, mana p'achayojtataj p'achallichin.

Ezequiel 22:29

Kay suyupi tiyakojkunapis millayta ruwanaman, suwakuymantaj qokullankutaj. Wajcha runakunata, mana kapuyniyojkunatapis munasqankuta ruwanku. Waj llajtayojkunatapis ñak'arichispa, mana paykunapaj cheqan justiciata ruwankuchu.

Ezequiel 8:17

Chantá Tata Dios niwarqa: Runaj churin, imatachus ruwasqankuta rikunkichu? Judá aylloqa chay jina millayta ruwasqanwan mana sajsakunchu. Kay suyuman kallpaman atinikusqa millayta ruwanawan junt'achinku. Astawan astawan phiñachishawanku, millayta ruwasqankumanta asnasqantaj senqayman chayamuwan.

Oseas 7:1

Tata Dios nillantaj: Maypachachus Efrainta, Samariatawan jampikapuyta munarqani chaypacha, juchanku, millay ruwasqanku ima sut'i rikukunku. Tukuyninku llulla kanku. Paykunaqa suwa jina wasikunaman yaykuykunku, ñan patapitaj kallpaman atinikuspa, runamanta kapuyninkuta qhechurparinku.

Amós 4:1

Samariamanta warmikuna, uyariychej kay nisqayta: Qankunaqa Basanmanta kaj wira waka jina kankichej. Qankuna wajchakunata ñak'arichinkichej, pisichikojkunatataj waqachinkichej. Qosaykichejtataj kamachinkichej: Apamuy vinota machanaykupaj, nispa.

Amós 5:7

Ay, qankunamanta, justiciata ñak'arinaman tukuchejkuna, pikunachus cheqan kajta ruwanata pampaman wijch'ojkuna.

Amós 6:12

Caballokuna atinkumanchu chhankata wichariyta? Atinmanchu pipis mama qochapi yuntawan llank'ayta? Qankunarí justiciata wañunaman tukuchinkichej, justiciaj ruwasqantataj jayaman tukuchinkichej.

Amós 6:3

Qankunaqa llakiy p'unchay kananta karunchayta munankichej. Chaywanpis kallpaman atinikuspa ñak'arichiy kawsayta aysamushankichej.

Amós 6:8

Tukuy Atiyniyoj Tata Dios sutinpi tiluspa nin: Israelitakunaj wapuykachasqankuta chejnini, kamachinanku wasikunatataj mana rikuyta atinichu. Kay llajtata awqankuman jaywasaj, imankunachá tiyan, chaytawan, nispa.

Miqueas 6:10

Juchasapa runaj wasin mana allin kajta ruwaspa qhapajyasqanwan junt'a kashan. Wasinpi kallantaj mana cabal balanza, mayqentachus noqa chejnikuni, chay.

Sofonías 1:9

Chay p'unchaypi wasikunaman suwaj yaykuykojkunata jasut'illasajtaj, pikunachus patronninkuta q'otiyaspa, suwasqankuwan diosninkoj wasinkuta junt'achinku, chaykunata, nispa.

2 Pedro 3:5

Chaywanpis paykuna yachashaspa, mana yachajman tukunku. Paykuna qonqapunku qallariypi janajpis, kay pachapis Diospa nisqannejta ruwasqa kasqanta, maypachachus Dios kay pachata yaku ukhumanta rikhuricherqa, yakuwantaj muyuykucherqa, chaypacha.