Amós 2:9 - DIOSPA QHELQACHISQ

⁹ Chaywanpis noqa qankuna israelitakunapaj ñanta kicharispa, amorreokunata chinkacherqani. Paykunaqa pino sach'a jina jatunkaray karqanku, roble sach'a jinataj sinch'i karqanku.

Qheshwa Biblia DC

⁹ Chaywampis noqaqa ñanta kicharerqani qankunapaj, amorreosta chinkachinaykama wañuchispa. Chaywampis paykunaqa jatuchaj runas karqanku cedro sach'as jina, sinch'istaj roble sach'as jina.

DIOSPA QHELQACHISQAN DEUTEROCANONICAL

⁹ Chaywanpis noqa qankuna israelitakunapaj ñanta kicharispa, amorreokunata chinkacherqani. Paykunaqa pino sach'a jina jatunkaray karqanku, roble sach'a jinataj sinch'i karqanku.

Amós 2:9 ပူးပေါင်းရင်းမြစ်များ

Génesis 15:16

Tawa pachaj wata tukukuytataj mirayniykeqa kay jallp'aman kutimponqanku, imajtinchus kaypi tiyakoj amorreokunaj millayta ruwasqankoqa manaraj chaykamachu. Chayrayku paykunata manaraj chinkarparichisajchu, nispa.

1 Crónicas 1:14

Canaanmanta mirajkuna karqanku: Jebuseokuna, amorreokuna, gergeseokuna,

Job 18:16

Chay runaqa llajtanmanta sach'a jina sik'isqa kanqa, manataj jayk'aj aylluyojchu kanqa.

Éxodo 3:8

Chayrayku Egipto llajtayojkunaj makinmanta paykunata kacharichinaypaj urayk'amuni, Egiptomanta orqhospa, paykunata sumaj jallp'aman pusanaypaj, maypichus lechewan, abeja misk'iwan yaku jina purishan, chayman. Chay jallp'api tiyashanku: Cananeokuna, jeteokuna, amorreokuna, ferezeokuna, heveokuna, jebuseokuna ima.

Éxodo 34:11

Kunan kamachisusqayta junt'aychej, noqataj ñawpaqeykichejmanta amorreokunata, cananeokunata, jititakunata, ferezeokunata, heveokunata, jebuseokunatawan ima qharqosaj.

Isaías 10:33

Chaywanpis Tukuy Atiyniyoj Tata Diosta qhawariychej, imaraykuchus manchay kallpanwan Asiria sach'ata k'ajllaranqa. Astawan jatuchaj kaj sach'akunapis k'utusqa kanqanku, aswan jatunchajkunatataj pampaman urmachenqa, chay runaykachaj sach'atataj k'uturanqa.

Isaías 5:24

Chayrayku imaynatachus nina ichhuta q'olaykun, lawraynintaj ch'aki laqheta ujllata rupharparin, ajinallatataj qankunapis chinkachisqa kankichej. Qankunaqa saphinmanta ismoj yura jina kankichej, t'ikantaj ñut'u jallp'aman tukupun, ajina, imaraykuchus Tukuy Atiyniyoj Tata Diospa kamachisqanta qhesacharqankichej, Israelpa May Llimphu Kaj Diosninpa nisqantataj pisipaj qhawarqankichej.

Ezequiel 17:9

Dios nillawarqataj: Paykunaman niy noqa Tukuyta Kamachej Tata Dios kayta nisqayta: Chay uva sach'aqa mana allintachu wiñanqa. Manachayqa chay ñawpaj kaj ankaqa saphinta sik'iraspa, poqoyninta urmarachispataj, chay sach'ata ch'akirpayachenqa. Tukuy q'omer laqhentaj ch'akiponqa. Pisi kallpallawan, pisi runallataj saphinmantapacha sik'enqanku.

Malaquías 4:1

1 (3.19) Tukuy Atiyniyoj Tata Dios nin: Horno jina lawraj juicio p'unchay qayllamushanña, chay p'unchaypitaj tukuy jatunchakojkuna, tukuy millayta ruwajkuna ima ichhu jina ruphanqanku. Chay jamoj p'unchaypi ninaqa tukuyninkuta q'olanqa, nitaj imapis paykunamanta puchonqachu.

Números 32:13

Chaymanta Tata Dios manchayta phiñakuspa, tawa chunka watata israelitakunata ch'innejpi puricherqa Tata Diosta tukuy mana kasojkuna wañuspa tukukunankukama.

Deuteronomio 1:28

Kunanqa maymantaj risunri? Chay jallp'ata qhawaj rejkuna niwanchej, jaqaypi runaqa noqanchejmanta aswan atiyniyoj, astawan jatuchajtaj kasqankuta. Nillawanchejtaj llajtankukunapis jatuchaj sumaj perqawan muyuykuchisqa kasqankuta. Rikullasqankutaj Anacpata miraynenqa jatunkaray runakuna kasqankuta, nispa.

Deuteronomio 3:11

Refaitakunamanta jatunkaray runakuna nisqamanta, Basanta kuraj kamachej Ogllaña qhepakorqa. Puñunanqa fierromanta ruwasqa karqa, sayt'unman tawa metro, kinrayninmantaj yaqha iskay metro jina. Chay puñunanqa kunankama amonitakunaj llajtanku Rabapi kakushan.

Josué 10:12

Maypachachus Tata Dios amorreokunata israelitakunawan atipaykucherqa chaypacha, Josueqa israelitakuna rikushajtinku, Tata Dioswan parlaspa, nerqa: Inti, Gabaonpi sayay. Qanpis killa, Ayalón vallepi sayallaytaj, nispa.

Josué 3:10

Kawsaj Dios qankunawan kashasqanta kay jinamanta yachankichej: Risqaykichejman jina cananeokunata, jititakunata, heveokunata, ferezeokunata, gergeseokunata, amorreokunata, chantá jebuseokunata ima, paymin ñawpaqeykichejmanta wijch'onqa.