Amós 2:7 - DIOSPA QHELQACHISQ

⁷ Pisi tiyapuyniyojta ñak'arichinku, k'umuykachachinkutaj, llamp'u sonqoyojkunapajpis mana justiciata ruwayta munankuchu. Chantá tatawan, churinwan ima uj warmillawan puñuykunku, ajinata ruwaspataj, may llimphu sutiyta sarunku.

Qheshwa Biblia DC

⁷ Wajchasta ñak'arichinku, k'umuykachachinkutaj, manataj imatapis cheqanta ruwayta munankuchu pisi yachayniyoj runaspaj. Tatantaj wawantaj uj warmillawan puñuykunku. Ajinamanta llimphu sutiyta ch'ichichanku.

DIOSPA QHELQACHISQAN DEUTEROCANONICAL

⁷ Pisi tiyapuyniyojta ñak'arichinku, k'umuykachachinkutaj, llamp'u sonqoyojkunapajpis mana justiciata ruwayta munankuchu. Chantá tatawan, churinwan ima uj warmillawan puñuykunku, ajinata ruwaspataj, may llimphu sutiyta sarunku.

Amós 2:7 ပူးပေါင်းရင်းမြစ်များ

2 Samuel 12:14

Chaywanpis Tata Diosta pisipaj qhawasqaykirayku, wawaykeqa wañonqapuni, nispa.

1 Reyes 21:4

Chantá Ajabqa wasinman llakisqa, phiñasqataj riporqa, Jezrelmanta Nabot kay jinata payman nisqanmanta: Tataypa qowasqan huertaytaqa mana qanman qoykimanchu, nispa. Jinapi puñunanman perqa ladoman qhawarisqa siriykukorqa, manataj mikhuytapis munarqachu.

Proverbios 28:21

Wakillanman uyata orqhonaqa mana allinchu. Chaywanpis uj chhika qolqeraykulla wakinkuna mana allin kajta ruwanku.

Isaías 10:1

Ay, qankunata imallachus qhatirisonqachej, mana allin kamachisqakunata wakichejkuna, runakunata ñak'arichinapaj kamachisqakunata qhelqajkuna.

Isaías 10:2

Chaywan wajchakunapaj mana justiciata ruwankichejchu, jark'ankichejtaj ñak'arichisqa kajkunapaj cheqan justicia kananta. Warmisapakunamantapis chay kamachisqakunawan tukuy kapuyninkuta suwankichej, wajcha wawamantapis suwallankichejtaj.

Isaías 3:14

Tata Dios ayllunpa kurajninkunawan juicioman yaykun, ayllunpa llajtankunawan, kamachejkunawan ima. Pay nin: Israelqa uva huertay jina, qankunataj chayta chinkarparichinkichej. Wasiykichejpis wajcha runakunamanta imatachus suwasqaykichejwan junt'a kashan.

Isaías 3:15

Ima nispataj qankuna aylluyta munasqaykichejta ruwankichejri? Imaraykutaj qankuna wajchakunata sonqo nanayta k'umuykachachinkichejri? nispa. Ajinata Tukuy Atiyniyoj Tata Dios nin.

Ezequiel 22:11

Wakinkunataj runa masinkoj warminwan khuchichakunku, chayrí ñojch'anwan, manachayrí tatanpa ususinta alqochanku.

Ezequiel 36:20

Chantá may suyukunamanchá apasqa karqanku, chaypipis llimphu sutiyta p'enqaypi rikhurichillarqankutaj, imaraykuchus waj suyukunapi kaj runakuna nerqanku: Kay runakuna Tata Diospa ayllun kanku, chaywanpis paypa suyunmanta wijch'usqa kanku, nispa.

Oseas 4:14

Chaywanpis noqaqa ususinkukunata phisu warmiman tukusqankumanta mana jasut'isajchu, nitaj ñojch'ankukunatapis jasut'isajchu waj qharikunawan khuchichakusqankumanta. Mana paykunata jasut'isajchu, imaraykuchus qankuna qharikunapis phisu warmikunawan khuchichakoj ripunkichej. Chay warmikunawan khuskataj uywa ñak'asqata lantikunaman jaywankichej. Ajinata mana yuyayniyoj suyoqa urman.

Levítico 18:15

Ama ñojch'aykiwan puñuykunkichu, imajtinchus payqa churiykej warminmin. Chayrayku ama paywanqa puñuykunkichu.

Levítico 18:21

Amapuni Moloc sutiyoj lantiman wawaykita q'olachispa jaywankichu. Ama ajinata ruwaspa Diosniykej sutinta p'enqaypi rikhurichinkichu. Noqamin Tata Dios kani.

Levítico 18:8

Ama tataykej warminwan puñuykuspa, tataykita pisipaj qhawankichu.

Levítico 20:3

Noqa chay runaj contranpi sayaykusaj, llajtanmantataj chinkachisaj, imaraykuchus wawanta Molocman jaywaspa, tiyakunayta ch'ichicharqa, llimphu sutiytapis sarorqa.

Amós 4:1

Samariamanta warmikuna, uyariychej kay nisqayta: Qankunaqa Basanmanta kaj wira waka jina kankichej. Qankuna wajchakunata ñak'arichinkichej, pisichikojkunatataj waqachinkichej. Qosaykichejtataj kamachinkichej: Apamuy vinota machanaykupaj, nispa.

Amós 5:11

Qankunaqa ch'eqosqa rumimanta ruwasqaykichej wasikunapi mana tiyakuyta atinkichejchu, nitaj poqochisqaykichej uvamanta vinotapis ujyayta atinkichejchu, imaraykuchus wajchakunata waqacherqankichej, poqochisqanku trigomantataj ashkha impuestota orqhorqankichej.

Amós 5:12

Tata Dios nillantaj: Noqa millay ruwasqaykichejta yachani, juchaykichejtaj may jinamin kanku. Qankunaqa cheqanta ruwajta ñak'arichinkichej, juzgadopitaj wajchakuna quejapi atipachikunankupaj lluk'ita jap'ikunkichej.

Amós 8:4

Uyariychej kayta: Qankunaqa pisi tiyapuyniyojkunaj kallpanta ch'onqankichej, wajchakunatataj chinkachiyta munashankichej.

Miqueas 2:2

Waj runaj jallp'anta moq'erinku, qhechuspataj jap'ikapunku. Wajpa wasinta munapayanku, qhechunkutaj. Kallpankuman atinikuspa, runata aylluntinta ñak'arichinku. Q'otiyaspataj, paykunata wasinkumanta wijch'unku.

Miqueas 2:9

Jinallataj aylluypa warminkunata munasqa wasinkumanta wijch'unkichej, wawankunamantataj imatachus noqa paykunaman qorqani, chayta qhechunkichej.

Sofonías 3:3

Kamachejninkukunaqa león jina qhaparirinku. Juezninkukunapis phiña k'ita alqo jina kanku, mayqenchus q'ayantinpaj ni uj tullullatapis puchuchinkuchu, ajina.

Romanos 2:24

Chayrayku Diospa Qhelqachisqanpi nin: Qankunarayku mana judío kajkuna Diospaj millayta rimanku, nispa.

1 Corintios 5:1

Kunantaj kaymantañataj parlayta munaykichej: Qankunamanta ujniykichej tatanpa warminwan tiyakapushasqanmanta yachakun. Chay jina millaytaqa Diosman mana kutirikojkunapis mana ruwankuchu.