Amós 2:6 - DIOSPA QHELQACHISQ

⁶ Tata Dios kay jinata nin: Israelitakuna millayta ruwaspa, anchatañataj juchallikunku. Chayrayku paykunata jasut'isajpuni, imaraykuchus mana juchayojta vendenku, wajcha runatataj juk'utaraykulla chhalarparinku.

Qheshwa Biblia DC

⁶ Ajinata nin Señorqa: Israelitasqa ashkha sajra imasta ruwaspa juchallikunku; chayrayku paykunata jasut'isajpuni, paykunaqa mana juchayoj qolqerayku vendenku; wajcha runastataj ujut'asrayku vendenku.

DIOSPA QHELQACHISQAN DEUTEROCANONICAL

⁶ Tata Dios kay jinata nin: Israelitakuna millayta ruwaspa, anchatañataj juchallikunku. Chayrayku paykunata jasut'isajpuni, imaraykuchus mana juchayojta vendenku, wajcha runatataj juk'utaraykulla chhalarparinku.

Amós 2:6 ပူးပေါင်းရင်းမြစ်များ

2 Reyes 18:11

Chantá Asiria suyuta kuraj kamachejqa israelitakunata presochaspa, Asiria suyuman aparqa, chaypitaj paykunata Jalajman, Gozán mayu kantupi Jaborman, Media llajtayojkunaj llajtankuman ima churarqa.

2 Reyes 18:12

Israelitakunata chay jina llakiy qhatirerqa, Tata Diosninkoj nisqanta mana kasusqankurayku. Aswanpis paypa trato ruwasqanta p'akisqanku. Imatachus Tata Diospa kamachin Moisés paykunaman kamachisqanta mana uyarikorqankuchu, nitaj ruwarqankuchu.

Isaías 10:2

Chaywan wajchakunapaj mana justiciata ruwankichejchu, jark'ankichejtaj ñak'arichisqa kajkunapaj cheqan justicia kananta. Warmisapakunamantapis chay kamachisqakunawan tukuy kapuyninkuta suwankichej, wajcha wawamantapis suwallankichejtaj.

Isaías 29:21

Mana juchayojta tumpaspa llulla juezkunapis chinkanqanku, jinallataj mana juchayojta imaymana llullakuywan ch'awkiyajkuna, chantá mana cheqan justiciata ruwajkunapis, tukuyninku chinkarparichisqa kanqanku.

Ezequiel 22:13

Jerusalén llajta, runaj yawarninta ch'onqasqaykimanta, runakunata wañuchisqaykimantawan phiñasqa kashani.

Joel 3:3

3 (4.3) Suerteta choqaspa, aylluyta rak'inakorqanku wata runanku kanankupaj. Phisu warmiwan puñuykunankupaj qhari wawakunata rukarqanku, vinowan machanankupajtaj warmi wawakunata venderqanku.

Joel 3:6

6 (4.6) Judapi tiyakojkunata karuman aparqankichej, jinallataj Jerusalenpi tiyakojkunatapis Grecia suyuman wata runata jina venderqankichej.

Zacarías 11:5

Chaykunata rantikojkunaqa mana llakikuspa ñak'anku. Vendejkunataj ninku: Pachis Tata Diosman, imaraykuchus qhapajña kani, nispa. Ni michejninkupis paykunamanta khuyakunkuchu.