Amós 2:11 - DIOSPA QHELQACHISQ

¹¹ Israelitakuna, ama niwaychejchu mana jina kasqanta. Qankuna ukhumanta wakinta ajllarqaykichej, noqamanta sut'inchaj kanaykichejpaj, wakintataj nazareo kanaykichejpaj, nispa. Noqa Tata Diosmin ajinata nini.

Qheshwa Biblia DC

¹¹ Israelitasqa, mana niwaychejchu, mana jinachu nispaqa. Qankuna ukhumanta wakinta ajllarqaykichej profetasta wakintataj nazareosta. Ajinatamin sut'inchan Señorqa.

DIOSPA QHELQACHISQAN DEUTEROCANONICAL

¹¹ Israelitakuna, ama niwaychejchu mana jina kasqanta. Qankuna ukhumanta wakinta ajllarqaykichej, noqamanta sut'inchaj kanaykichejpaj, wakintataj nazareo kanaykichejpaj, nispa. Noqa Tata Diosmin ajinata nini.

Amós 2:11 ပူးပေါင်းရင်းမြစ်များ

1 Reyes 17:1

Diosmanta sut'inchaj Eliasqa Galaad jap'iypi Tisbé llajtayoj karqa. Uj kuti payqa kuraj kamachej Ajabta nimorqa: Israelpa Tata Diosninpa sutinpi, pejpa kamachinpichus noqa kashani, chaypa sutinpi niyki: Mana kay jamoj watakunapi paramonqachu nitaj chhullamonqachu, noqa ujtawan ninaykama, nispa.

1 Reyes 18:4

Tata Diosmanta sut'inchajkunata Jezabel wañuchishajtin, Abdiasqa pachaj sut'inchajkunata, phishqa chunkamanta phishqa chunka, chhanka jusk'ukunaman pakaykamorqa. Chaypitaj paykunaman mikhunata, yakutawan qorqa.

1 Reyes 19:16

Jinallataj Nimsij allchhin Jehutapis Israel suyuta kamachinanpaj churanki. Abel Meholamanta Safatpa churin Eliseotataj qanpa cuentaykipi Diosmanta sut'inchaj kananpaj churallankitaj.

1 Reyes 20:13

Chaypachallataj Israelmanta kuraj kamachej Ajabman Diosmanta uj sut'inchaj jamuspa, nerqa: Tata Dios ajinata nin: Rikunkichu chay chhika runakunata? Kunanqa noqa maqanakupi atipachisqayki, yachankitaj noqa Tata Dios kasqayta, nispa.

1 Reyes 20:35

Chaykama wajnejpi Diosmanta uj sut'inchajqa sut'inchaj masinta nerqa: Maqaway, nispa. Paytajrí mana maqayta munarqachu.

1 Reyes 20:41

Chaypachapacha Diosmanta sut'inchajqa, ñawinpi watasqa kasharqa, chay thantata phaskarakorqa, kuraj kamachejtaj Diosmanta sut'inchaj kasqanta rejsirparerqa.

1 Reyes 22:8

Chantá Ajab kuticherqa: Arí, uj kanraj, paynejta Tata Diosta tapurinapaj, Imlaj churin Micaías sutiyoj. Chaywanpis payta noqa chejnini, manapuni jayk'aj allin kajta sut'inchawasqanrayku, nispa. Josafattaj nerqa: Ama jinata parlaychu, nispa.

2 Reyes 17:13

Tata Diosqa israelitakunata, jinataj Judá suyupi tiyakojkunata ima sut'inchajkunanejta k'amichisqa: Millayta ruwaspa purisqaykichejmanta noqaman kutirikamuychej. Chantá tataykichejkunaman qosqay kamachisqaykunata, yachachisqaykunatapis kasuychej. Chaykunata noqamanta sut'inchajkunanejta willacherqaykichej, nispa.

2 Reyes 6:1

Uj kuti Diosmanta sut'inchajkuna Eliseota nerqanku: Maynejpichus qanwan tiyakushayku, chaynejqa ancha k'iski.

2 Crónicas 36:15

Ñawpa tatankoj Diosninku Tata Dios Templonrayku, ayllunta khuyakusqanraykutaj, kutin kutinta sut'inchajninkunata kacharqa ayllunta k'aminankupaj.

Jeremías 11:21

Anatot llajtamanta runakuna wañuchiwayta munaspa, niwarqanku: Ama Tata Diospa sutinpi sut'inchaychu, manachayqa qanta wañuchisqayku, nispa.

Jeremías 2:31

Qankuna israelitakuna, noqa Tata Diospa nisqayta allinta uyariychej: Israel, noqa qanpaj sansarej ch'in q'ara pampa jinachu karqaniri? Chayrí, manchachikuna jallp'a jinachu karqani? Ayllúy, imajtintaj ninkichej: Munasqaykuman jina kawsakusqayku, ni jayk'aj qanman kutimusqaykuñachu, nispari?

Jeremías 2:5

Ajinata Tata Dios nisunkichej: Ñawpa tataykichejkuna ima mana allin kajtataj noqapi tarerqanku, noqamanta karunchakunankupajri? Qhasi manakaj dioskunata yupaychaspa, paykunapis qhasi manakajllamantaj tukorqanku.

Jeremías 26:11

Chantá sacerdotekuna, sut'inchajkunapis kurajkunaman, jinataj tukuy runaman ima nerqanku: Kay runaqa wañuchisqa kanan tiyan, imaraykuchus kay llajtaj contranpi parlan. Chaytaqa qankuna kikiykichej uyarinkichej, nispa.

Jeremías 7:25

Ñawpa tataykichejkuna Egiptomanta llojsimusqankumantapacha kunankama, qankunaman sapa kuti noqamanta sut'inchajkunata kachamullarqanipuni.

Lamentaciones 4:7

Ajllasqa runankunaqa rit'i jina yuraj karqanku, lechemantapis astawan karqanku. Ukhunkoqa coral nisqamantapis astawan puka karqa, uyankutaj zafiro sutiyoj rumi jina k'achitu karqa.

Miqueas 2:6

Chayta nejta uyariwajkuna kutichiwanku: Amapuni chay jinata sut'inchaychu, imaraykuchus mana ni ima llakiypis chayamuwasunchu, nispa.

Hechos 4:18

Jinapi, Jesuspa kuraj kachankunata wajyachispa, chay kurajkunaqa kamacherqanku amaña pimanpis Jesusmanta parlanankuta, nitaj Jesuspa sutinpi imatapis yachachinankuta.

Hechos 5:28

Manachu qankunata sinch'ita kamacherqayku amapuni chay Jesuspa sutinpi yachachinaykichejta? Kunantajrí paymanta yachachisqaykichejwan tukuy Jerusalén llajtamanña junt'aykuchinkichej. Qankunataj chay runaj wañusqanmanta noqaykutapuni juchachayta munashawayku, nispa.

Hechos 7:51

Esteban nillarqataj: Qankunarí Diosta mana kasukoj rumi sonqo, mana uyarej kankichej. Chayrayku qankunapis ñawpa tatanchejkuna jina Santo Espirituta mana uyariyta munankichejchu.

Deuteronomio 18:18

Noqaqa qanta jina llajta masinku ukhumanta uj sut'inchajta rikhurichisaj. Noqa payman nisaj, paytaj noqaj nisqayta, chantá paykunaman imatachus kamachisqayta willanqa.

1 Samuel 19:20

Chaypacha Saulqa Davidta jap'imunankupaj soldadokunata kacharqa. Saulpa kachasqankunatajrí Ramá llajtaman chayaspa, Samuelta, uj mashkha sut'inchajkunawan Diosmanta sut'inchashajta rikorqanku. Chay sut'inchajkunataqa Samuel pusaykachasharqa. Jinallaman Diospa Espiritonqa Saulpa kachasqankunamanpis jamorqa. Chantá paykunapis Diosmanta sut'inchajkuna jina sut'inchashallarqankutaj.

1 Samuel 3:20

Tukuynin israelitakunataj Dan jatun aylloj jap'iyninmantapacha Berseba llajtakama Samuelqa cheqapuni Tata Diospa willajnin kasqanmanta rejserqanku.