Amós 2:1 - DIOSPA QHELQACHISQ

¹ Tata Dios kay jinata nin: Moabmanta kajkuna millayta ruwaspa, anchatañataj juchallikunku. Chayrayku paykunata jasut'isajpuni, imaraykuchus Edom suyuta kuraj kamachejpa tullunta ushphaman tukuchinankukama ruphacherqanku.

Qheshwa Biblia DC

¹ Ajinata nin Señorqa: Moabmanta runasqa ashkha sajra imasta ruwaspa juchallinku, chayrayku paykunata jasut'isajpuni; paykunaqa Edommanta kaj reypa tullusninta, llamp'u ushphaman tukunankama q'olachinku.

DIOSPA QHELQACHISQAN DEUTEROCANONICAL

¹ Tata Dios kay jinata nin: Moabmanta kajkuna millayta ruwaspa, anchatañataj juchallikunku. Chayrayku paykunata jasut'isajpuni, imaraykuchus Edom suyuta kuraj kamachejpa tullunta ushphaman tukuchinankukama ruphacherqanku.

Amós 2:1 ပူးပေါင်းရင်းမြစ်များ

2 Reyes 3:9

Chantá Israelmanta, Judamanta, Edommanta, kinsantin kuraj kamachejkuna purirerqanku. Qanchis p'unchaytaña ch'innejman rej ñanta muyuspa purisqankumantaña, soldadokunapaj chantá uywakunapaj ima yaku pisiyaykorqa.

Proverbios 15:3

Tata Diosqa tukuynejpi kashan. Allin runakunata, mana allin runakunatapis qhawashallanpuni.

Isaías 11:14

Iskayninku ujllata kallpakuspa, inti yaykuynejman kachaykukonqanku, filisteokunamantaj wasallankumanta phinkiykonqanku. Jinallataj inti llojsimuynejpi tiyakojkunamanta tukuy imankuta qhechumonqanku. Edom suyu, Moab suyu ima israelitakunaj kamachiyninpi ruwanayoj kanqanku, jinallataj Amón suyupi kajkunapis israelitakunaj kamachiyninpi kanqanku.

Isaías 16:6

Moabmanta runakunaj mayta wapuykachasqankumanta uyarinchej, mayta runaykachasqankumanta, machu machu kasqankumantapis. Chaywanpis may kasqankumanta parlasqankoqa yanqhalla.

Isaías 25:10

Tata Dios makinwan Sión orqota waqaychanqa, Moab suyutatajrí pachanpi sarurparenqa, imaynatachus pajata q'opata jich'anapi sarunku, ajinata.

Jeremías 25:21

Chaymantaqa Edom suyuman, Moabman, Amón suyuman ima ujyachillarqanitaj.

Amós 1:11

Tata Dios kay jinata nin: Edommanta kajkuna millayta ruwaspa, anchatañataj juchallikunku. Chayrayku paykunata jasut'isajpuni, imaraykuchus mana khuyakuspa, wawqenku israelitakunata wañucherqanku. Phiñakuyninkupi munayninkuta ruwarqanku, paykunatataj ni uj chhikanllatapis khuyarikorqankuchu.

Amós 1:13

Tata Dios kay jinata nillantaj: Amonmanta kajkuna millayta ruwaspa, anchatañataj juchallikunku. Chayrayku paykunata jasut'isajpuni, imaraykuchus jallp'ankuta jatunyachinankurayku, Galaadpi onqoj warmikunaj wijsankuta khallararqanku.

Amós 1:3

Tata Dios kay jinata nin: Damasco llajtayojkunaqa millayta ruwaspa pasakapunku. Chayrayku paykunata jasut'isajpuni, imaraykuchus Galaadmanta kajkunata fierro trillowan trillarqanku.

Amós 1:6

Tata Dios kay jinata nillantaj: Gaza llajtayojkuna millayta ruwaspa, anchatañataj juchallikunku. Chayrayku paykunata jasut'isajpuni, imaraykuchus llajtantinta wata runata jina jap'ispa, Edompi paykunata venderqanku.

Amós 1:9

Tata Dios kay jinata nillantaj: Tiro llajtayojkuna millayta ruwaspa, anchatañataj juchallikunku. Chayrayku paykunata jasut'isajpuni, imaraykuchus tukuy llajtantinta wata runata jina jap'ispa, Edomman venderqanku. Manataj yuyarikorqankuchu Israelwan allinta kawsanankupaj tratota ruwasqankumanta.

Amós 2:4

Tata Dios kay jinata nillantaj: Judamanta kajkuna millayta ruwaspa, anchatañataj juchallikunku. Chayrayku paykunata jasut'isajpuni, imaraykuchus paykunaqa noqa Tata Dios imatachus yachachisqayta pisipaj qhawarqanku, manataj kamachisqayta kasorqankuchu. Manachayqa tatankoj yupaychasqanku lantikunallatataj paykunapis yupaycharqanku.

Amós 2:6

Tata Dios kay jinata nin: Israelitakuna millayta ruwaspa, anchatañataj juchallikunku. Chayrayku paykunata jasut'isajpuni, imaraykuchus mana juchayojta vendenku, wajcha runatataj juk'utaraykulla chhalarparinku.

Miqueas 6:5

Munasqa ayllúy, yuyarikuy Moabmanta kuraj kamachej Balac imatachus contraykita wakichisqanta, Beorpa churin Balaampa kutichisqanta ima. Yuyarikuy Sitinmanta Gilgalkama imaynatachus risqaykita, yuyarikuytaj imaynatachus noqa Tata Dios sapa kuti awqaykimanta kacharicherqayki, chaytawan.