Amós 1:6 - DIOSPA QHELQACHISQ

⁶ Tata Dios kay jinata nillantaj: Gaza llajtayojkuna millayta ruwaspa, anchatañataj juchallikunku. Chayrayku paykunata jasut'isajpuni, imaraykuchus llajtantinta wata runata jina jap'ispa, Edompi paykunata venderqanku.

Qheshwa Biblia DC

⁶ Ajinata nin Señorqa: Gazamanta runas ashkha sajra imaspi juchallinku, chaynejta jasut'isajpuni; imaraykuchus llajtantinta apaspa Edonman presosta pusakaporqanku.

DIOSPA QHELQACHISQAN DEUTEROCANONICAL

⁶ Tata Dios kay jinata nillantaj: Gaza llajtayojkuna millayta ruwaspa, anchatañataj juchallikunku. Chayrayku paykunata jasut'isajpuni, imaraykuchus llajtantinta wata runata jina jap'ispa, Edompi paykunata venderqanku.

Amós 1:6 ပူးပေါင်းရင်းမြစ်များ

2 Crónicas 28:18

Jinallataj filisteokunapis Judá pampanejpi kaj llajtakunaman, Neguevmanwan yaykuykuspa, qhechorqanku Bet Semesta, Ayalonta, Gederotta, jinallataj Socota, Timnata, Gimzota, juch'uy llajtankunatawan ima. Jinaspataj, chay llajtakunapi tiyakaporqanku.

Jeremías 47:1

Manaraj faraón Gaza llajtata jap'ishajtin, Tata Diosqa Jeremiasman filisteokunata imachus qhatirinanmanta kay jinata nerqa:

Ezequiel 35:5

Qankuna israelitakunaj wiñay awqanku kaspa, maypachachus paykuna manchay llakiypi kasharqanku chaypacha, paykunata maqanakuspa, wañuracherqankichej.

Joel 3:4

4 (4.4) Qankunarí Tiropi, Sidonpi tiyakojkuna, jinataj Filisteapi tiyakojkuna ima, noqamanta imatataj munankichejri? Vengakuytachu munankichej? Chayrí pagachikuwaytachu munashankichej? Tumpamantawan noqaqa aylluyta ruwasqaykichejman jina ñak'arichisqaykichej.

Joel 3:6

6 (4.6) Judapi tiyakojkunata karuman aparqankichej, jinallataj Jerusalenpi tiyakojkunatapis Grecia suyuman wata runata jina venderqankichej.

Amós 1:11

Tata Dios kay jinata nin: Edommanta kajkuna millayta ruwaspa, anchatañataj juchallikunku. Chayrayku paykunata jasut'isajpuni, imaraykuchus mana khuyakuspa, wawqenku israelitakunata wañucherqanku. Phiñakuyninkupi munayninkuta ruwarqanku, paykunatataj ni uj chhikanllatapis khuyarikorqankuchu.

Amós 1:3

Tata Dios kay jinata nin: Damasco llajtayojkunaqa millayta ruwaspa pasakapunku. Chayrayku paykunata jasut'isajpuni, imaraykuchus Galaadmanta kajkunata fierro trillowan trillarqanku.

Amós 1:7

Chayrayku Gaza llajtaj perqanman ninata jap'iykuchisaj, chay ninataj kamachinanku wasita ruphaykonqa.

Amós 1:9

Tata Dios kay jinata nillantaj: Tiro llajtayojkuna millayta ruwaspa, anchatañataj juchallikunku. Chayrayku paykunata jasut'isajpuni, imaraykuchus tukuy llajtantinta wata runata jina jap'ispa, Edomman venderqanku. Manataj yuyarikorqankuchu Israelwan allinta kawsanankupaj tratota ruwasqankumanta.

Abdías 1:11

Qan qhawakullarqanki, maypachachus Israelpa awqankuna qhapaj kayninta apakapusharqanku, chaypacha. Jinallataj soldadokuna Jerusalén llajtaj punkunkunata apaykuspa yaykuykushajtinku, qan chaytapis qhawakullarqankitaj. Paykuna rak'inakuspa, tukuy imankuta apakapushajtinku, qanpis paykuna jinallataj ruwarqanki.

Zacarías 9:5

Ascalón llajtayojkuna chayta rikuspa, mayta mancharikonqanku. Gazapi tiyakojkunapis sinch'ita ñak'arillanqankutaj. Ecronpi tiyakojkuna yanapata suyakusqankupis qhasi manakajlla kanqa. Gaza llajta mana kuraj kamachejniyoj qhepakonqa, Ascalonpi tiyakojkunamantataj mana pipis puchonqachu.

Hechos 8:26

Chay qhepata Diospa uj angelnenqa Felipeta nerqa: Riy ura kaj ñanta, mayqenchus Jerusalenmanta Gaza llajtaman ch'innejta rin, chayman, nispa.

1 Samuel 6:17

Filisteokuna juchallisqankumanta qori ch'upukunata Tata Diosman qosqankoqa kay llajtakunaj cuentanmanta karqa: Asdodmanta, Gazamanta, Ascalonmanta, Gatmanta, Ecronmanta ima.