Amós 1:5 - DIOSPA QHELQACHISQ

⁵ Jinallataj Damasco llajtaj punkunkunata kallpawan urmachisaj, Bicat Avenpi kamachejtataj phirita ruwasaj, jinallataj Bet Edenpi kamachejtapis. Siriokunapis Quirman apasqa kanqanku, nispa. Tata Dios ajinata nin.

Qheshwa Biblia DC

⁵ Damasco llajta punkusta kallpawan kicharisaj, phiritataj ruwasaj Bicatavempi mandayta, jinallataj Bet-edempi kamachejtapis. Siriostaj Kirman presos apasqas kanqanku. Nispa nin Señorqa.

DIOSPA QHELQACHISQAN DEUTEROCANONICAL

⁵ Jinallataj Damasco llajtaj punkunkunata kallpawan urmachisaj, Bicat Avenpi kamachejtataj phirita ruwasaj, jinallataj Bet Edenpi kamachejtapis. Siriokunapis Quirman apasqa kanqanku, nispa. Tata Dios ajinata nin.

Amós 1:5 ပူးပေါင်းရင်းမြစ်များ

2 Reyes 14:28

Jeroboán kamachishaspa tukuy imatachus ruwasqan, wapu kasqan, chay chhika maqanakusqan, imaynatachus Damascota, Jamatta ima Judá suyumanta qhechuspa, Israel suyuman kutichimusqan imaqa Israel suyuta kuraj kamachejkunaj ruwasqankumanta willaj qhelqapi qhelqasqa kashan.

2 Reyes 16:9

Asiria suyuta kuraj kamachejtaj Ajazta uyarispa, Damasco llajtaj contranta maqanakoj rerqa, chantá chay llajtata jap'erqa. Chay llajtayojkunatataj presota jina Quir llajtakama aparqa. Jinallataj kuraj kamachej Resintapis wañuchillarqataj.

Isaías 22:6

Elammanta kajkuna arcowan flechanapaj wakichikunkuña, carretankukunaman, caballonkukunamanpis wicharinkuña. Quirmanta kajkunapis jark'akuna escudonkuta orqhomunkuña.

Isaías 43:14

Israelpa May Llimphu Kaj Diosnin, pagota qospa kacharichisoj Tata Diosqa ajinata nin: Qankunarayku Babiloniaman soldadokunata kachasaj, Babiloniapi tiyakojkunatataj ayqechisaj. Jinallataj barcokunapi purej runaykachaj caldeokunapis may llakiypi rikhurenqanku.

Isaías 8:4

Chay wawa manaraj tatáy, mamáy niyta yachashajtin, Asiriata kuraj kamachejqa Damascoj tukuy kapuyninta, Samariapi kaj chhikatawan apakaponqa, nispa.

Jeremías 50:36

Llulla sut'inchajkunapis locoyapuchunku. Wapu soldadonkukunapis manchachikuywan kharkatitichunku.

Jeremías 51:30

Babiloniamanta wapu soldadokunajta manaña maqanakunankupaj kallpanku kanchu. Maqanakuyta saqerparispa, jark'achasqa pakakunallankupiña warmi jina pakaykunku, imaraykuchus wasinkoqa ruphaykuchisqa kashan, llajta punkunkunataj phirisqa.

Lamentaciones 2:9

Punkunkunapis pampaman wijch'usqa karqanku. Pay punku chakanankutapis p'akirarqa. Kuraj kamachejninkuwan, kurajninkukunawanqa waj suyukunaj chawpinkupi kashanku. Kamachiykunaqa manaña kanchu, nitaj Diosmanta sut'inchajkunapis mosqoypi jina imatapis Diosmanta jap'inkuñachu.

Ezequiel 27:23

Jaranmanta kaj runakuna, Canemanta, Edenmanta kaj runakunapiwan qanwan ranqheyallajtaj kanku. Jinataj Sabamanta, Asiriamanta, chantá tukuynin Quilmadmanta runakuna qanwan ranqheyanankupaj tratota ruwarqanku.

Ezequiel 30:17

Chantá Avén llajtamanta, jinallataj Pibeset llajtamanta ima tukuy waynakuna wañuchisqa kanqanku, warmikunataj apasqa kanqanku.

Oseas 10:8

Bet Avenpi lanti yupaychana cheqakuna thuñisqa kanqanku, maypichus Israelpi tiyakojkuna juchallej kanku, chaykuna. Chay altarninkukuna patapi qhewayllukuna, khishkakuna ima wiñanqanku. Runakunataj orqokunata nenqanku: Pakaykuwayku, nispa, moqokunatataj nenqanku: Pataykuman urmaykamuwayku, nispa.

Amós 5:5

Amaña Betelman qayllaychejchu, amataj Gilgalman riychejchu. Amallataj Bersebanejtapis chimpaychejchu, imaraykuchus Gilgalpi tiyakojkuna apasqa kanqanku, Beteltaj laqayallamanña tukuchisqa kanqa, nispa.

Amós 9:7

Tata Dios kay jinata nin: Israelitakuna, qankuna noqapaj Etiopiamanta kajkuna jinalla kankichej. Imaynatachus Egiptomanta pusamorqaykichej, ajinallatataj filisteokunatapis Cretamanta pusamorqani, arameokunatapis Quirmanta pusamorqani, nispa.

Nahúm 3:13

Soldadoykikunaqa warmi jina kanqanku. Llajtaykej punkonqa awqaykikunapaj kicharisqa kanqa, cerrojontataj ruphaykonqanku.